Apocalipse 22:6 - Õꞌacʉ̃ Yere Ucũrĩ Turi

⁶ Beꞌro Õꞌacʉ̃rẽ werecoꞌtegʉ yʉꞌʉre niwĩ: —Aꞌte ucũse diacjʉ̃ nise niꞌi. Te níꞌcaronojõta waꞌarosaꞌa. Marĩ wiogʉ Õꞌacʉ̃ cʉ̃ weredutiꞌquere wereturiari masãrẽ wãcũse oꞌowĩ. Cʉ̃́ta cʉ̃rẽ werecoꞌtegʉre oꞌówĩ. Cʉ̃ yarãrẽ maata beꞌropʉ waꞌatjere ĩꞌodutigʉ tojo weewĩ.

Tukano

⁶ Be'ró Õ'âkɨ̃hɨre werê ko'tegɨ yɨ'ɨ̂re niîwĩ: —A'té uúkũse diakɨ̃hɨ́ niisé niî'. Teé niî'karo nohota wa'ârosa'. Marî wiôgɨ Õ'âkɨ̃hɨ kɨ̃ɨ̂ werê duti'kere werê turiarãre wãkusé o'ôwĩ. Kɨ̃ɨ́ta kɨ̃ɨ̂re werê ko'tegɨre o'ôo'wĩ. Kɨ̃ɨ yarã́re maatá be'ropɨ́ wa'aátehere ĩ'yo dutígɨ tohô weewĩ́.

Apocalipse 22:6 Iomraidhean Croise

Génesis 41:32

Wiogʉ, mʉꞌʉ aꞌtere pʉatipʉta mejãrõta quẽꞌeapã. Õꞌacʉ̃ “Aꞌtere tojo weegʉti”, nitojapĩ. Tojo weegʉ cʉ̃ níꞌcaronojõta aꞌtere maata weegʉsami.

Mateus 13:41

Yʉꞌʉ Õꞌacʉ̃ macʉ̃ masʉ̃ weronojõ upʉtigʉ yʉꞌʉre werecoꞌterãrẽ nipeꞌtiropʉ oꞌógʉsaꞌa. “Nipeꞌtirã ñaꞌarõ weerãrẽ, tojo nicã ãpẽrãrẽ ñaꞌarõ weecã weerãrẽ neoña”, nigʉ̃saꞌa.

San Lucas 1:70

Aꞌtere ne waropʉta cʉ̃ ye queti weremʉꞌtãrĩ masã ñaꞌase moorã meꞌrã Õꞌacʉ̃ “Tojo weegʉti”, nicʉ niwĩ.

San Lucas 16:16

Jesú aꞌtiro ninemocʉ niwĩ: —Juã masãrẽ wãmeyeri masʉ̃ nícateropʉ Moisé cʉ̃ dutiꞌquere, tojo nicã Õꞌacʉ̃ ye queti weremʉꞌtãrĩ masã na ojaꞌquere buꞌetʉocãrã niwã. Tita meꞌrã maꞌma queti nʉꞌcãcaro niwʉ̃. Aꞌtiro nicaro niwʉ̃. Õꞌacʉ̃rẽ ẽjõpeose meꞌrã diaꞌcʉ̃ cʉ̃ wiogʉ nirõpʉ waꞌanoꞌrõsaꞌa, nicaro niwʉ̃. Nipeꞌtirã topʉre ʉpʉtʉ sãjãasĩꞌrĩma.

Hechos 12:11

Beꞌro cʉ̃ bajuduticãpʉta añurõ tʉꞌomasĩcʉ niwĩ. —Diacjʉ̃ta niapã yʉꞌʉ ĩꞌaꞌque. Nirõta Õꞌacʉ̃ yʉꞌʉre yʉꞌrʉdutigʉ, niꞌcʉ̃ cʉ̃rẽ werecoꞌtegʉre oꞌoapĩ Herode ñaꞌarõ weeticãꞌto nígʉ̃. Tojo nicã judío masã Jesure ẽjõpeotirã nipeꞌtise yʉꞌʉre ñaꞌarõ weesĩꞌrĩsere cãꞌmotaꞌagʉ oꞌoapĩ, nicʉ niwĩ Pedro.

Hechos 3:18

Dʉporopʉ Õꞌacʉ̃ cʉ̃ ye queti weremʉꞌtãrĩ masã nipeꞌtirãrẽ aꞌtiro wereduticʉ niwĩ: “ ‘Cristo yʉꞌʉ beseꞌcʉ piꞌetigʉsami’, nicʉ niwĩ Õꞌacʉ̃”, ni wereturiacãrã niwã. Mʉsã Jesure wẽjẽcã, na tojo ojaꞌcaronojõta waꞌawʉ.

Romanos 1:2

Dʉporopʉ Õꞌacʉ̃ cʉ̃ ye queti weremʉꞌtãrĩ masã meꞌrã “Yʉꞌʉ masãrẽ yʉꞌrʉogʉti”, ni wereyucʉ niwĩ. Tojo weerã te quetire tʉꞌorã, Õꞌacʉ̃ ye queti ojáca pũrĩpʉ ojacãrã niwã.

1 Corintios 14:32

Mʉsã Õꞌacʉ̃ weredutisere wereturiarã, noꞌo ʉaro ucũmaꞌaticãꞌña. Wãcũyu, “Aꞌteta masãrẽ werecã, añutʉꞌsaꞌa”, ni wereya. Ãpẽrã ucũrĩ curare ucũticãꞌña.

1 Corintios 7:29

Acawererã, yʉꞌʉ mʉsãrẽ aꞌtiro nisĩꞌrĩsaꞌa. Aꞌtiro nicã peje piꞌetise niꞌi. Nemorõ ñaꞌarõ waꞌatjo cãꞌrõ dʉꞌsaꞌa. Niꞌcãcã meꞌrã nʉmotirã, nʉmo marĩrã weronojõ tʉꞌoñaꞌña. Mʉsã nʉmosãnumiarẽ wãcũnʉrʉ̃rõnojõ oꞌorã, Õꞌacʉ̃ peꞌere wãcũnʉrʉ̃dutiro, tojo waꞌaꞌa.

2 Tesalonicenses 1:7

Mʉsã tuꞌuꞌcãrã peꞌere soose oꞌogʉsami. Ʉ̃sã quẽꞌrãrẽ mejãrõta weegʉsami. Cʉ̃ marĩ wiogʉ Jesú aꞌtiri nʉmʉ nicã, tojo weegʉsami. Cʉ̃ aꞌtigʉ, cʉ̃rẽ werecoꞌterã tutuarã meꞌrã ʉꞌmʉsepʉ dijatigʉsami. Pecameꞌe weronojõ asistedijatigʉsami.

Hebreos 12:9

Apeye quẽꞌrãrẽ marĩ wĩꞌmarã nicã, marĩ pacʉsʉmʉa marĩ ñaꞌarõ weesere buꞌiri daꞌrecũwã. Na tojo weesere marĩ yʉꞌti ẽjõpeowʉ. Tojo weerã marĩ pacʉ ʉꞌmʉsepʉ nigʉ̃́ peꞌema tjãrõʉaꞌa. Tojo yʉꞌti ẽjõpeorã, catinuꞌcũrãsaꞌa.

2 Pedro 1:21

Õꞌacʉ̃ ye queti weremʉꞌtãrĩ masãmarĩcã na ojaꞌquere na wãcũse meꞌrã diaꞌcʉ̃ dʉꞌpocã́titicãrã niwã. Aꞌtiro peꞌe weecãrã niwã. Na Espíritu Santu ĩꞌo, ojadutiro meꞌrã Õꞌacʉ̃ yere ojacãrã niwã.

2 Pedro 3:2

Dʉporocjãrãpʉ Õꞌacʉ̃ ye queti weremʉꞌtãrĩ masã añurã na ojaꞌquere wãcũña. Tojo nicã marĩ wiogʉ, marĩrẽ yʉꞌrʉogʉ dutisere wãcũña. Tere ʉ̃sã Jesucristo besecṹúꞌcãrã mʉsãrẽ wereturiawʉ.

Apocalipse 1:1

Aꞌti pũrĩ beꞌropʉ waꞌatjere Jesucristo wereri pũrĩ niꞌi. Õꞌacʉ̃ Jesucristore “Cãꞌrõacã beꞌro aꞌtiro waꞌarosaꞌa”, ni ĩꞌocʉ niwĩ. Cʉ̃ Jesucristore ẽjõpeorãrẽ tere masĩdutigʉ tojo werecʉ niwĩ. Beꞌro Jesucristo yʉꞌʉ Juã wãmetigʉre tere wereturiawĩ. Cʉ̃ Õꞌacʉ̃rẽ werecoꞌtegʉ ʉꞌmʉsecjʉ̃ meꞌrã tojo weewĩ. Yʉꞌʉta Jesucristore daꞌrawãꞌñacoꞌtegʉ niꞌi.

Apocalipse 18:20

Ʉꞌmʉsepʉ nirã́ peꞌe ti macãrẽ cõꞌacã, eꞌcatiya. Mʉsã Jesucristo besecṹúꞌcãrã, Õꞌacʉ̃ ye quetire wereturiari masã, nipeꞌtirã cʉ̃ yarã eꞌcatiya. Ti macãcjãrã mʉsãrẽ piꞌeticã weewã. Te ye buꞌiri Õꞌacʉ̃ narẽ buꞌiri daꞌremi.

Apocalipse 19:9

Beꞌro Õꞌacʉ̃rẽ werecoꞌtegʉ yʉꞌʉre niwĩ: —Aꞌtiro ojaya: “Noꞌo Õꞌacʉ̃ macʉ̃ oveja wĩꞌmagʉ̃ weronojõ bajugʉ omocã dʉꞌteri bosenʉmʉrẽ ĩꞌadutinoꞌrãnojõ eꞌcatiya”, tojo ni ojadutiwĩ. Cʉ̃ yʉꞌʉre niwĩ tja: —Aꞌte ucũse Õꞌacʉ̃ ucũse waro niꞌi.

Apocalipse 21:5

Õꞌacʉ̃ wiogʉ dujiri cũmurõpʉ dujigʉ aꞌtiro niwĩ: —Tʉꞌoya. Yʉꞌʉ nipeꞌtise apeyere maꞌma diaꞌcʉ̃ dʉcayuꞌu, niwĩ. Apeye ninemowĩ: —Yʉꞌʉ ucũsere ojaya. Te diacjʉ̃ nise niꞌi. Yʉꞌʉ níꞌcaronojõta waꞌarosaꞌa, niwĩ.

Apocalipse 21:9

Beꞌro niꞌcʉ̃ sõꞌonícãrã siete meꞌrãcjʉ̃rẽ ĩꞌawʉ̃. Náta, nánʉcʉ̃ buꞌiri daꞌretʉoatje posetise parire cʉowã. Niꞌcʉ̃ na meꞌrãcjʉ̃ aꞌtiro niwĩ: —Teꞌa. Mʉꞌʉrẽ Õꞌacʉ̃ macʉ̃ oveja wĩꞌmagʉ̃ weronojõ bajugʉ nʉmo niacjore ĩꞌogʉ̃ti, niwĩ. Cʉ̃ nʉmo Jesucristore ẽjõpeorã nisĩꞌrĩrõ weeꞌe.

Apocalipse 22:1

Beꞌro Õꞌacʉ̃rẽ werecoꞌtegʉ diare ĩꞌowĩ. Ti maa ũꞌirĩ marĩrĩ maa niwʉ̃. Te aco, catise warore oꞌowʉ. Pũrõ acostiri maa niwʉ̃. Õꞌacʉ̃, tojo nicã cʉ̃ macʉ̃ oveja wĩꞌmagʉ̃ weronojõ bajugʉ dujiri cũmurõ docapʉ wijawʉ.

Apocalipse 22:16

»Yʉꞌʉ Jesú niꞌi. Õꞌacʉ̃rẽ werecoꞌtegʉ, yagʉ meꞌrã aꞌti pũrĩ cjase nipeꞌtirã yʉꞌʉre ẽjõpeose cururicjãrãrẽ weredutiꞌi. Yʉꞌʉ dʉporocjʉ̃ wiogʉ Davi pãrãmi nituriagʉ niꞌi. Tojo nicã ñocõawʉ̃ boꞌrequeꞌari cura asistemʉjãtigʉ weronojõ nigʉ̃́ niꞌi, niwĩ Jesú.

Apocalipse 22:7

Aꞌtiro niwĩ: —Maata aꞌtigʉti. Aꞌti turipʉ ojaꞌquere ẽjõpeo yʉꞌtigʉnojõ eꞌcatigʉsami, niwĩ.

Apocalipse 4:1

Beꞌro yʉꞌʉ Juã ʉꞌmʉsepʉ ĩꞌamorõwʉ̃. Topʉ niꞌcã sope susucã ĩꞌawʉ̃. Sõꞌonícatero coroneta putipjʉ putiꞌcaro weronojõ bʉsʉꞌcʉta tja ucũwĩ. Aꞌtiro niwĩ yʉꞌʉre: —Aꞌtopʉ mʉjãtia. Beꞌro waꞌatjere mʉꞌʉrẽ ĩꞌogʉ̃tigʉ weeꞌe, niwĩ.