Apocalipse 22:1 - Õꞌacʉ̃ Yere Ucũrĩ Turi

¹ Beꞌro Õꞌacʉ̃rẽ werecoꞌtegʉ diare ĩꞌowĩ. Ti maa ũꞌirĩ marĩrĩ maa niwʉ̃. Te aco, catise warore oꞌowʉ. Pũrõ acostiri maa niwʉ̃. Õꞌacʉ̃, tojo nicã cʉ̃ macʉ̃ oveja wĩꞌmagʉ̃ weronojõ bajugʉ dujiri cũmurõ docapʉ wijawʉ.

Tukano

¹ Be'ró Õ'âkɨ̃hɨre werê ko'tegɨ diâre ĩ'yowĩ́. Tii maá ũ'îri marirí maa niîwɨ. Teé akó, katisé warore o'ôwɨ. Pũûro akostíri maa niîwɨ. Õ'âkɨ̃hɨ, tohô niikã́ kɨ̃ɨ̂ makɨ́ ovelha wi'magɨ́ weeró noho bahugɨ́ duhirí kumuro dokapɨ wihawɨ́.

Apocalipse 22:1 Iomraidhean Croise

San Juan 13:32

Yʉꞌʉ Õꞌacʉ̃ tutuasere ĩꞌocã, cʉ̃ quẽꞌrã yʉꞌʉ tutuasere maata ĩꞌogʉ̃sami.

San Juan 15:26

»Espíritu Santu diacjʉ̃ ucũgʉ̃, mʉsãrẽ weetamugʉ̃ aꞌtigʉsami. Ʉ̃sã yʉꞌʉ pacʉ meꞌrã cʉ̃rẽ oꞌórãsaꞌa. Cʉ̃ aꞌtigʉ, queoro yé cjasere mʉsãrẽ weregʉsami.

San Juan 4:14

Yʉꞌʉ oꞌose peꞌere sĩꞌrĩrã, ne acowʉosome. Napʉre na ye ejeripõꞌrãrĩpʉ aco oꞌmabʉronuꞌcũrõ weronojõ nirõsaꞌa. Na catinuꞌcũcãꞌrãsama.

Hechos 2:33

Cʉ̃ pacʉ cʉ̃rẽ ʉꞌmʉsepʉ cʉ̃ tiro wiogʉ dujiri cũmurõpʉ miimʉjãcʉ niwĩ. Õꞌacʉ̃ cʉ̃ todʉporopʉ níꞌcaronojõta cʉ̃ macʉ̃rẽ marĩrẽ Espíritu Santure oꞌóduticʉ niwĩ. Tojo weerã Espíritu Santu cʉ̃ weetamuse meꞌrã mʉsã ye ucũsere ʉ̃sã ucũapʉ.

Apocalipse 1:1

Aꞌti pũrĩ beꞌropʉ waꞌatjere Jesucristo wereri pũrĩ niꞌi. Õꞌacʉ̃ Jesucristore “Cãꞌrõacã beꞌro aꞌtiro waꞌarosaꞌa”, ni ĩꞌocʉ niwĩ. Cʉ̃ Jesucristore ẽjõpeorãrẽ tere masĩdutigʉ tojo werecʉ niwĩ. Beꞌro Jesucristo yʉꞌʉ Juã wãmetigʉre tere wereturiawĩ. Cʉ̃ Õꞌacʉ̃rẽ werecoꞌtegʉ ʉꞌmʉsecjʉ̃ meꞌrã tojo weewĩ. Yʉꞌʉta Jesucristore daꞌrawãꞌñacoꞌtegʉ niꞌi.

Apocalipse 21:11

Ti macã Õꞌacʉ̃ asistese meꞌrã pũrõ asistewʉ. Ʉ̃tãperi wapabʉjʉse peri jasper wãmetise peri weronojõ asiste, acostiwʉ.

Apocalipse 21:6

Beꞌro aꞌtiro niwĩ: —Nipeꞌtise tuꞌajanʉꞌcõpeꞌonoꞌo. Yʉꞌʉta nimʉꞌtãgʉ̃, nitʉogʉpʉ niꞌi. Noꞌo yʉꞌʉre ʉpʉtʉ ʉarã acowʉorãnojõrẽ yʉꞌʉ catinuꞌcũsere oꞌogʉti. Narẽ wapaseesome.

Apocalipse 21:9

Beꞌro niꞌcʉ̃ sõꞌonícãrã siete meꞌrãcjʉ̃rẽ ĩꞌawʉ̃. Náta, nánʉcʉ̃ buꞌiri daꞌretʉoatje posetise parire cʉowã. Niꞌcʉ̃ na meꞌrãcjʉ̃ aꞌtiro niwĩ: —Teꞌa. Mʉꞌʉrẽ Õꞌacʉ̃ macʉ̃ oveja wĩꞌmagʉ̃ weronojõ bajugʉ nʉmo niacjore ĩꞌogʉ̃ti, niwĩ. Cʉ̃ nʉmo Jesucristore ẽjõpeorã nisĩꞌrĩrõ weeꞌe.

Apocalipse 22:17

Cʉ̃ tojo níca beꞌro Espíritu Santu, tojo nicã Jesucristore ẽjõpeorã aꞌtiro niwã: —Aꞌtibaqueꞌoya, niwã. Noꞌo aꞌtere tʉꞌorãnojõ quẽꞌrã “Aꞌtiato”, niato. Noꞌo acowʉorã sĩꞌrĩsĩꞌrĩrãnojõ aꞌtiato. Aco catise warore oꞌosere sĩꞌrĩrã aꞌtiato. Te ne wapamarĩrõsaꞌa.

Apocalipse 22:6

Beꞌro Õꞌacʉ̃rẽ werecoꞌtegʉ yʉꞌʉre niwĩ: —Aꞌte ucũse diacjʉ̃ nise niꞌi. Te níꞌcaronojõta waꞌarosaꞌa. Marĩ wiogʉ Õꞌacʉ̃ cʉ̃ weredutiꞌquere wereturiari masãrẽ wãcũse oꞌowĩ. Cʉ̃́ta cʉ̃rẽ werecoꞌtegʉre oꞌówĩ. Cʉ̃ yarãrẽ maata beꞌropʉ waꞌatjere ĩꞌodutigʉ tojo weewĩ.

Apocalipse 3:21

” ’Añurõ wee yʉꞌrʉweti ẽjõpeoduꞌutirãrẽ yʉꞌʉ meꞌrã wiogʉ dujiri cũmurõpʉ dʉpogʉti. Yʉꞌʉmarĩcã, añurõ wee yʉꞌrʉwetiꞌcʉ yʉꞌʉ pacʉ meꞌrã wiogʉ dujiri cũmurõpʉ niꞌi. Tojota yʉꞌʉ quẽꞌrã narẽ mejãrõta weegʉti.

Apocalipse 5:13

Beꞌro ãpẽrã ucũse quẽꞌrãrẽ tʉꞌowʉ. Na aꞌticʉrã niwã: Nipeꞌtirã Õꞌacʉ̃ weeꞌcãrã ʉꞌmʉsepʉ nirã́, aꞌti diꞌtapʉ nirã́, diꞌta poꞌpeapʉ nirã́ niwã. Tojo nicã dia pajiri maapʉ nirã́ niwã. Na aꞌtiro basapeowã: Wiogʉ dujiri cũmurõpʉ dujigʉre nipeꞌtirã ñubuepeoato. Nipeꞌtirã cʉ̃rẽ “Añuyʉꞌrʉami”, niato. “Asistese, tutuase cʉogʉ nimi”, niato. Tojo nicã Õꞌacʉ̃ macʉ̃ oveja wĩꞌmagʉ̃ weronojõ bajugʉ quẽꞌrãrẽ tojota ñubuepeonuꞌcũcãꞌto, niwã.

Apocalipse 5:6

Cʉ̃ tojo níca beꞌro yʉꞌʉ Cristo masãmʉjãaꞌcʉre ĩꞌawʉ̃. Cʉ̃ oveja wĩꞌmagʉ̃ wẽjẽnoꞌcʉ weronojõ bajuwĩ. Cʉ̃ wiogʉ dujiri cũmurõ pʉꞌto catigʉ nuꞌcũwĩ. Sõꞌonícãrã baꞌparitirã catirã weronojõ bajurã, tojo nicã wiorã bʉcʉrã waꞌteropʉ nuꞌcũwĩ. Cʉ̃ siete capesaꞌri cʉogʉ niwĩ. Ticʉseta tja caperi quẽꞌrãrẽ cʉowĩ. Cʉ̃ capesaꞌri tutuase cʉogʉ nimi, nisĩꞌrĩrõ weeꞌe. Cʉ̃ caperi peꞌe aꞌtiro nisĩꞌrĩrõ weeꞌe. Cʉ̃ Espíritu Santure cʉomi. Tojo weegʉ nipeꞌtisere, nipeꞌtiropʉ nisere masĩpeꞌocãꞌmi, nirõ weeꞌe.

Apocalipse 7:17

Õꞌacʉ̃ macʉ̃ oveja wĩꞌmagʉ̃ weronojõ bajugʉ wiogʉ dujiri cũmurõ pʉꞌtopʉ nigʉ̃́ ovejare coꞌtegʉ weronojõ narẽ coꞌtegʉsami. Aco wijari pepʉ miagʉ̃sami. Tere sĩꞌrĩrã, catinuꞌcũrãsama. Õꞌacʉ̃ nipeꞌtirã na yaꞌcoco wijarãrẽ tuucoegʉsami.