Apocalipse 21:4 - Õꞌacʉ̃ Yere Ucũrĩ Turi

⁴ Na yaꞌcocore tuucoegʉsami. Wẽrĩse marĩrõsaꞌa. Bʉjawetise, utise, pũrĩse quẽꞌrã marĩrõsaꞌa majã. Nipeꞌtise todʉporo cjase peꞌtia waꞌarosaꞌa, niwĩ.

Tukano

⁴ Naâ ya'ko koóre tuu koégɨsami. Wẽrisé marirósa'. Bɨhâ wetise, utisé, pũrisé kẽ'ra marirósa' maha. Niî pe'tise too dɨpórokãhase pe'tiá wa'ârosa', niîwĩ.

Apocalipse 21:4 Iomraidhean Croise

Mateus 24:35

Aꞌti ʉmʉco, aꞌti diꞌta peꞌtidijarosaꞌa. Yʉꞌʉ ucũse, yʉꞌʉ buꞌese pũrĩcã ninuꞌcũcãꞌrõsaꞌa. Nipeꞌtise yʉꞌʉ níꞌque queoro waꞌarosaꞌa.

1 Corintios 15:26

Cristore ĩꞌatuꞌtirãrẽ docaqueꞌacã wééca beꞌro wẽrĩse quẽꞌrã marĩrõsaꞌa.

1 Corintios 7:31

Aꞌti ʉmʉco peꞌtiwãꞌcãrõ weeꞌe. Tojo weerã aꞌti turi cjasere ʉpʉtʉ waro wãcũticãꞌña.

2 Corintios 5:17

Marĩ Cristo yarã waꞌarã, apesuꞌtiro sãjãrã weeꞌe. Añuse diaꞌcʉ̃ dʉcayuꞌu. Todʉporopʉ noꞌo ʉaro weesetiꞌquere weenemoweꞌe majã.

2 Corintios 6:17

Tojo weegʉ aperopʉ quẽꞌrãrẽ marĩ wiogʉ tutuayʉꞌrʉgʉ aꞌtiro ninemocʉ niwĩ: “Ñaꞌarã tiropʉ nimiꞌcãrã wijawãꞌcã waꞌaya. Nipeꞌtise ñaꞌarõ weesere ne weeticãꞌña. Tojo weecã, yʉꞌʉ mʉsãrẽ ñeꞌegʉ̃ti.

Hebreos 12:27

Cʉ̃ niꞌcãti diꞌta narãsãcã weenemogʉ̃ti nígʉ̃, aꞌtiro nigʉ̃ weemi. Nipeꞌtise cʉ̃ weeꞌque bajuse mióꞌota basiosere cõꞌagʉ̃sami. Mióꞌota basiotise ʉꞌmʉse cjase diaꞌcʉ̃ tojarosaꞌa.

2 Pedro 3:10

Marĩ wiogʉ apaturi aꞌti nucũcãpʉ aꞌtiri nʉmʉ marĩ ne wãcũtiri nʉmʉ nirõsaꞌa. Niꞌcʉ̃ yajari masʉ̃ ñamipʉ wãcũña marĩrõ yajagʉ aꞌtigʉ weronojõ aꞌtigʉsami. Cʉ̃ dijatiri nʉmʉ aꞌtiro waꞌarosaꞌa. Pũrõ bʉsʉse meꞌrã nipeꞌtise ʉꞌmʉarõpʉ nise peꞌtia waꞌarosaꞌa. Nipeꞌtise ʉ̃jʉ̃peꞌtidija waꞌarosaꞌa. Aꞌti diꞌta cjase peꞌe quẽꞌrã, ʉ̃jʉ̃bajudutirosaꞌa.

1 João 2:17

Aꞌti turi peꞌtiwãꞌcãrõ weeꞌe. Nipeꞌtise ñaꞌarõ weesĩꞌrĩ ʉaripejase quẽꞌrã peꞌtia waꞌarosaꞌa. Õꞌacʉ̃ dutiro weerã́ pũrĩcã ne peꞌtitirãsama. Cʉ̃ tiropʉ ninuꞌcũcãꞌrãsama.

Apocalipse 20:13

Dia pacase maarĩ pacapʉ wẽrĩꞌcãrã topʉ niwã. Diꞌtapʉ wẽrĩꞌcãrã quẽꞌrã topʉ niwã. Nipeꞌtirã na weeꞌcaronojõta nipeꞌtisere queoro bese, buꞌiri daꞌrenoꞌwã.

Apocalipse 20:14

Õꞌacʉ̃ masã na wẽrĩsere cõꞌapeꞌocãꞌwĩ. Na wẽrĩꞌcãrã nirṍ quẽꞌrãrẽ cõꞌapeꞌocãꞌwĩ. Pecameꞌejopʉ buꞌiri daꞌrese apaturi wẽrĩse weronojõ niꞌi.

Apocalipse 21:1

Beꞌro, yʉꞌʉ ape ʉmʉcore, ape diꞌtare ĩꞌawʉ̃. Todʉporo nimʉꞌtãꞌque ʉꞌmʉse, diꞌta bajudutidijapeꞌtia waꞌawʉ. Dia pajiri maajo marĩwʉ̃ majã.

Apocalipse 22:3

Topʉre “Masã ñaꞌarõ weeꞌque wapa narẽ ñaꞌarõ waꞌarosaꞌa”, niña marĩrõsaꞌa. Ti macãpʉre Õꞌacʉ̃, tojo nicã cʉ̃ macʉ̃ oveja wĩꞌmagʉ̃ weronojõ bajugʉ dujiri cũmurõ nirõsaꞌa. Cʉ̃ yarã cʉ̃rẽ ñubuepeorãsama.

Apocalipse 7:17

Õꞌacʉ̃ macʉ̃ oveja wĩꞌmagʉ̃ weronojõ bajugʉ wiogʉ dujiri cũmurõ pʉꞌtopʉ nigʉ̃́ ovejare coꞌtegʉ weronojõ narẽ coꞌtegʉsami. Aco wijari pepʉ miagʉ̃sami. Tere sĩꞌrĩrã, catinuꞌcũrãsama. Õꞌacʉ̃ nipeꞌtirã na yaꞌcoco wijarãrẽ tuucoegʉsami.