Apocalipse 18:21 - Õꞌacʉ̃ Yere Ucũrĩ Turi

²¹ Beꞌro niꞌcʉ̃ Õꞌacʉ̃rẽ werecoꞌtegʉ tutuagʉ ʉ̃tãgãjore miimorõwĩ. Otese perire tõꞌodio ãrʉ̃acjajo weronojõ bajuwʉ. Tigare dia pajiri maapʉ doqueñogʉ̃, aꞌtiro niwĩ: —Tigare doqueñorõ weronojõ Babilonia pajiri macãjo nimirõ, doqueñonoꞌrõsaꞌa. Ne apaturi ti macãrẽ ĩꞌanemosome.

Tukano

²¹ Be'ró ni'kɨ́ Õ'âkɨ̃hɨre werê ko'tegɨ tutuagɨ́ ɨ̃tâgahore mii morówĩ. Otesé peerire tõ'ô di'o ãrɨákahaho weeró noho bahuwɨ́. Tigaré diâ pahirí maapɨ doke yõógɨ, a'tîro niîwĩ: —Tigaré doke yõóro weeró noho Babilônia pahirí makaho niîmiro, doke yõó no'orosa'. Neê opâturi tii makáre ĩ'yâ nemosome.

Apocalipse 18:21 Iomraidhean Croise

Éxodo 15:5

Na dia poꞌpeapʉ ʉ̃tãperi nʉcʉ̃rõ weronojõ diꞌadijawã. Ti maa ʉ̃ꞌcʉ̃arĩ maajo miidijawʉ.

Apocalipse 10:1

Beꞌro apĩ Õꞌacʉ̃rẽ werecoꞌtegʉ tutuagʉ ʉꞌmʉsepʉ níꞌcʉre dijaticã ĩꞌawʉ̃. Cʉ̃ oꞌmecurua decopʉ dijatiwĩ. Cʉ̃ dʉpoa buꞌi buꞌeda niwʉ̃. Cʉ̃ ya diapoa mujĩpũ ʉmʉcocjʉ̃ weronojõ asistewʉ. Cʉ̃ ñecãrĩ ʉ̃jʉ̃sébotari weronojõ bajuwʉ.

Apocalipse 12:8

Pĩrõ wapataꞌamasĩtiwĩ. Na ʉꞌmʉsepʉre noꞌo nirṍ bocatiwã.

Apocalipse 16:20

Tojo waꞌacã, nipeꞌtise ʉ̃rʉ̃pagʉ, opañopa bajudutidijawʉ.

Apocalipse 18:10

Tojo ʉ̃jʉ̃rĩ curare wiorã, marĩ quẽꞌrãrẽ buꞌiri daꞌreri nírã, yoaropʉ ĩꞌanuꞌcũrãsama. Aꞌtiro nirãsama: —Babilonia macãrẽ ñaꞌabutiaro waꞌaro weeꞌe. Pajiri macã, tutuari macã nimiwʉ̃. Wãcũña marĩrõ buꞌiri daꞌre bajuriodijonoꞌcãꞌa.

Apocalipse 18:22

Ti macã nipeꞌtiropʉ basase ne tʉꞌonoꞌsome. Bʉapʉ̃tẽse bʉsʉse, wẽopawʉ putise, coroneta putise bʉsʉsome. Noꞌo nisere daꞌrarã ne marĩrãsama. Otese peri ãrʉ̃acã bʉsʉse quẽꞌrã ne tʉꞌonoꞌsome.

Apocalipse 20:11

Beꞌro, yʉꞌʉ wiogʉ dujiri cũmurõ butiri cũmurõjore ĩꞌawʉ̃. Topʉ dujigʉre ĩꞌawʉ̃. Cʉ̃ ĩꞌorõpʉre aꞌti diꞌta, ʉꞌmʉse bajudutidijapeꞌtia waꞌawʉ. Te noꞌopʉ nirṍ bocatiwʉ.

Apocalipse 5:2

Wiogʉ dujiri cũmurõ pʉꞌto niꞌcʉ̃ Õꞌacʉ̃rẽ werecoꞌtegʉ tutuagʉre ĩꞌawʉ̃. Cʉ̃ tutuaro meꞌrã aꞌtiro sẽrĩtiñaꞌwĩ: —¿Noanojõ aꞌti tũrũrẽ pãomasĩacjʉ añugʉ̃ niti?