Apocalipse 18:13 - Õꞌacʉ̃ Yere Ucũrĩ Turi

¹³ Apeye na miiti duase canela wãmetise, ʉꞌmʉtise, na ʉ̃jʉ̃amorõpeosenojõ, mirra wãmetise, ʉꞌsedʉcaco vino, ʉꞌse piritari baꞌase, harina pã́ weese, tojo nicã trigo miitimʉjãcãrã niwã. Ãpẽrãrẽ waꞌicʉrã apeque oꞌmarãrẽ, ovejare, cabayuare, tũrũsepawʉ cabayua wejesere, masãrẽ daꞌrawãꞌñacoꞌterãpʉreta miitidojacãrã niwã.

Tukano

¹³ Apêye naâ miíti duasé canela wamêtise, ɨ'mɨ̂tihise, naâ ɨ̃hâ moro peose noho, mirra wamêtise, ɨ'sê dɨka koo vinho, ɨ'sê piritári ba'asé, farinha pãú weesé, tohô niikã́ trigo miíti mɨhakãrã niîwã. Ãpêrãre wa'îkɨ̃rã apeká o'marã́re, ovelhare, cavaloare, tũrusépawɨ cavaloa wehesére, masaré da'rá wã'ya ko'terãpɨreta miíti dohakãrã niîwã.

Apocalipse 18:13 Iomraidhean Croise

1 Timoteo 1:10

Noꞌo ãpẽrãrẽ aꞌmetãrãbajaqueꞌatirãrẽ, noꞌo ʉmʉa seꞌsaro numia meꞌrã weewʉaronojõ weerãnojõrẽ cũucʉ niwĩ. Numia quẽꞌrãrẽ na weronojõ weewʉarãnojõrẽta cũucʉ niwĩ. Tojo nicã masãrẽ ñeꞌe, ãpẽrãpʉre duaturiarãrẽ cũucʉ niwĩ. Nisoosebʉcʉrãrẽ, tojo nicã “Õꞌacʉ̃ meꞌrã diacjʉ̃ta niꞌi” nisoorãnojõrẽ cũucʉ niwĩ. Tojo nicã nipeꞌtise añuse buꞌesere cãꞌmotaꞌarãnojõrẽ Õꞌacʉ̃ cʉ̃ dutisere cũucʉ niwĩ.

2 Pedro 2:3

Niyerure ʉaripejarã, nisoose meꞌrã mʉsãrẽ buꞌerãsama. Na tojo weese wapa narẽ buꞌiri daꞌreatje niyutojasaꞌa. Ne yʉꞌrʉwetisome. Dʉporopʉ “Õꞌacʉ̃ narẽ buꞌiri daꞌrenoꞌrãsama”, nitojacʉ niwĩ.

Apocalipse 18:14

Duari masã ti macã ʉ̃jʉ̃́ca beꞌro aꞌtiro nirãsama: —Yucʉdʉca mʉsã ʉpʉtʉ baꞌatʉꞌsasenojõ peꞌtia waꞌaꞌa. Nipeꞌtise mʉsã añuse cʉosenojõ peꞌtidija waꞌaꞌa. Ne bocanemosome.

Apocalipse 18:15

Ti macãcjãrãrẽ duari masã añurõ wapataꞌacãrã nimiwã. Ti macãcjãrã piꞌeticã ĩꞌarã, yoaropʉ tojacãꞌrãsama. Ʉpʉtʉ ui, utirãsama.