Apocalipse 18:12 - Õꞌacʉ̃ Yere Ucũrĩ Turi

¹² Na miiti duase aꞌticʉse nicaro niwʉ̃. Uru meꞌrã weeꞌque, plata meꞌrã weeꞌque, ʉ̃tãperi wapabʉjʉse peri, butise peri perla wãmetise peri nicaro niwʉ̃. Tojo nicã suꞌti añuse butise, suꞌti asipaꞌase, sõꞌa ñibocurese, sõꞌase nicaro niwʉ̃. Apeye quẽꞌrã nipeꞌtise yucʉ ʉꞌmʉtise meꞌrã weeꞌque, acostise butise marfil wãmetise meꞌrã weeꞌquere miiticãrã niwã. Tojo nicã wapabʉjʉse yucʉ meꞌrã weeꞌque, cõme meꞌrã weeꞌque, bronce wãmetise meꞌrã weeꞌque, mármol wãmetise meꞌrã weeꞌquere miitimʉjãcãrã niwã.

Tukano

¹² Naâ miíti duasé a'tikése niîkaro niîwɨ. Ouro me'ra weé'ke, prata me'ra weé'ke, ɨ̃tâ peeri wapa bɨhɨ́se peeri, butisé peeri pérola wamêtise peeri niîkaro niîwɨ. Tohô niikã́ su'tí ãyusé butisé, su'tí así pa'ase, sõ'â yĩi boó kurese, sõ'asé niîkaro niîwɨ. Apêye kẽ'ra niî pe'tise yukɨ́ ɨ'mɨ̂tihise me'ra weé'ke, akostíse butisé marfĩ́ wamêtise me'ra weé'kere miítikãrã niîwã. Tohô niikã́ wapa bɨhɨ́se yukɨ́ me'ra weé'ke, komé me'ra weé'ke, bronze wamêtise me'ra weé'ke, mármore wamêtise me'ra weé'kere miíti mɨhakãrã niîwã.

Apocalipse 18:12 Iomraidhean Croise

Apocalipse 17:3

Beꞌro Espíritu Santu yʉꞌʉre quẽꞌese weronojõ ĩꞌowĩ. Sõꞌonícʉ Õꞌacʉ̃rẽ werecoꞌtegʉ masã marĩrõpʉ yʉꞌʉre miawĩ. Topʉ niꞌcõrẽ ĩꞌawʉ̃. Co mejẽcã bajugʉ sõꞌagʉ̃ buꞌipʉ pesawõ. Mejẽcã bajugʉre cʉ̃ ya upʉ nipeꞌtiropʉre peje ñaꞌase Õꞌacʉ̃ cʉ̃ yabise wãme wãꞌñawʉ̃. Mejẽcã bajugʉ siete dʉpopa cʉowĩ. Apeye quẽꞌrãrẽ, diez capesaꞌritiwĩ.

Apocalipse 17:4

Co numio sõꞌa ñibocurerore, tojo nicã sõꞌarõ warore sãñawõ. Co ya suꞌtiro uru, ʉ̃tãperi wapabʉjʉse periacã meꞌrã, apeye butise perla wãmetise meꞌrã maꞌmasuꞌanoꞌwʉ̃. Co niꞌcã pa uru meꞌrã wééca pa saꞌwʉre cʉowõ. Dicʉse ñaꞌase ti papʉre muꞌmuwʉ̃. Co ʉmʉa meꞌrã ñaꞌarõ aꞌmetãrãbajaqueꞌatiꞌque niwʉ̃.

Apocalipse 18:15

Ti macãcjãrãrẽ duari masã añurõ wapataꞌacãrã nimiwã. Ti macãcjãrã piꞌeticã ĩꞌarã, yoaropʉ tojacãꞌrãsama. Ʉpʉtʉ ui, utirãsama.