Apocalipse 15:3 - Õꞌacʉ̃ Yere Ucũrĩ Turi

³ Na Õꞌacʉ̃rẽ daꞌracoꞌtegʉ Moisé ye basasere basapeowã. Õꞌacʉ̃ macʉ̃ oveja wĩꞌmagʉ̃ weronojõ bajugʉ ye basase quẽꞌrãrẽ basapeowã. Aꞌtiro niwã: Õꞌacʉ̃ ʉ̃sã wiogʉ, mʉꞌʉ tutuayʉꞌrʉgʉ niꞌi. Nipeꞌtise mʉꞌʉ weeꞌque añubutiase paca niꞌi. Tere ĩꞌarã, ʉ̃sã ĩꞌamarĩa waꞌaꞌa. Mʉꞌʉ nipeꞌtise macãrĩcjãrã wiogʉ niꞌi. Mʉꞌʉ weesetise queoro niꞌi. Mʉꞌʉrẽ ne nisoose marĩꞌi.

Tukano

³ Naâ Õ'âkɨ̃hɨre da'rá ko'tegɨ Moisé yee basasére basâ peowã. Õ'âkɨ̃hɨ makɨ ovelha wi'magɨ́ weeró noho bahugɨ́ yee basasé kẽ'rare basâ peowã. A'tîro niîwã: Õ'âkɨ̃hɨ ɨ̃sâ wiôgɨ, mɨ'ɨ̂ tutuâ yɨ'rɨgɨ niî'. Niî pe'tise mɨ'ɨ̂ weé'ke ãyú butia'se paka niî'. Teeré ĩ'yârã, ɨ̃sâ ĩ'yâ maria wa'â'. Mɨ'ɨ̂ niî pe'tise makarikãharã wiôgɨ niî'. Mɨ'ɨ̂ weesétise keoró niî'. Mɨ'ɨ̂re neê niî soose marí'.

Apocalipse 15:3 Iomraidhean Croise

Génesis 17:1

Abrã noventa y nueve cʉ̃ꞌmarĩ cʉori cura Õꞌacʉ̃ cʉ̃rẽ apaturi bajuacʉ niwĩ. Aꞌtiro nicʉ niwĩ: —Yʉꞌʉ Õꞌacʉ̃, tutuayʉꞌrʉnʉꞌcãgʉ̃ niꞌi. Yʉꞌʉ ĩꞌorõpʉre añurõ buꞌiri marĩgʉ̃ niña.

San Juan 1:17

Õꞌacʉ̃ dutise Moisé meꞌrã oꞌonoꞌcaro niwʉ̃. Jesucristo meꞌrã peꞌe Õꞌacʉ̃ marĩrẽ maꞌisere masĩnoꞌo. Tojo nicã diacjʉ̃ cjasere masĩnoꞌo.

1 Timoteo 1:17

Tojo weerã Õꞌacʉ̃rẽ “Añuyʉꞌrʉami”, ninuꞌcũrã. Cʉ̃ wiogʉ ninuꞌcũgʉ̃ nimi. Ne wẽrĩsome. Õꞌacʉ̃ niꞌcʉ̃ta nimi. Cʉ̃ bajutigʉ, masĩyʉꞌrʉgʉ nimi. Tojota nimi.

Hebreos 3:5

Moisé Õꞌacʉ̃ yarãrẽ coꞌtegʉ, queoro weecʉ niwĩ. Cʉ̃ daꞌrase aꞌtiro nicaro niwʉ̃. Õꞌacʉ̃ wereꞌquere weremʉꞌtãrĩ masʉ̃ nicʉ niwĩ.

Josué 22:5

Aꞌte diaꞌcʉ̃ mʉsã weecã ʉasaꞌa. Moisé cʉ̃ dutiꞌquere queoro weeya. Õꞌacʉ̃ marĩ wiogʉre maꞌi nisetiya. Cʉ̃rẽ sirutu, cʉ̃ dutisere queoro weeya. Nipeꞌtise mʉsã ẽjõpeose meꞌrã, mʉsã wãcũse meꞌrã cʉ̃ ʉaro weenuꞌcũcãꞌña”, nicʉ niwĩ Josué.

Apocalipse 1:8

Marĩ wiogʉ Õꞌacʉ̃ tutuayʉꞌrʉnʉꞌcãgʉ̃ aꞌtiro nimi: “Yʉꞌʉta nimʉꞌtãgʉ̃, nitʉogʉpʉ niꞌi.” Õꞌacʉ̃ ne waropʉta níꞌcʉ nimi. Aꞌtiro nicã quẽꞌrãrẽ ninuꞌcũmi. Beꞌropʉ quẽꞌrãrẽ apaturi aꞌtigʉsami.

Apocalipse 11:17

Aꞌtiro niwã: Õꞌacʉ̃, ʉ̃sã wiogʉ tutuayʉꞌrʉnʉꞌcãgʉ̃, mʉꞌʉrẽ eꞌcatise oꞌoꞌo. Mʉꞌʉ ne warocjʉ̃, beꞌrocjʉ̃, aꞌtiro nicã quẽꞌrãrẽ ninuꞌcũgʉ̃ niꞌi. Mʉꞌʉ tutuase meꞌrã niꞌcãrõacã wiogʉ sãjãnʉꞌcãꞌa. Nipeꞌtirãrẽ dutinʉꞌcãꞌa. Tojo weerã mʉꞌʉrẽ eꞌcatise oꞌoꞌo.

Apocalipse 14:3

Na ciento cuarenta y cuatro mil masã wiogʉ dujiri cũmurõ pʉꞌtopʉ niwã. Na sõꞌonícãrã baꞌparitirã catise cʉorã weronojõ bajurã ĩꞌorõpʉ, tojo nicã wiorã bʉcʉrã ĩꞌorõpʉ basawã. Apeye maꞌma basasere basapeowã. Na diaꞌcʉ̃ tere basamasĩwã. Ãpẽrã na basasere ne basamasĩtiwã. Na aꞌti nucũcãcjãrã waꞌteropʉ nirã́ Õꞌacʉ̃ yʉꞌrʉonoꞌcãrã niwã.

Apocalipse 14:8

Cʉ̃ beꞌro apĩ Õꞌacʉ̃rẽ werecoꞌtegʉ aꞌtiwĩ. Aꞌtiro niwĩ: —Babilonia wãmetiri macã peꞌtiwãꞌcãrõ weeꞌe. Peꞌtiatojaꞌa. Na ñaꞌarõ ʉaripejayʉꞌrʉnʉꞌcãrã, queꞌa maatirã weronojõ nipeꞌtise diꞌtacjãrãrẽ dojocã weewã. Narẽ ĩꞌacũu, ãpẽrã quẽꞌrã na weronojõ ñaꞌarõ weewã, niwĩ.

Apocalipse 17:14

Na Õꞌacʉ̃ macʉ̃ oveja wĩꞌmagʉ̃ weronojõ bajugʉ meꞌrã aꞌmewẽjẽrãsama. Cʉ̃ narẽ docaqueꞌacã weegʉsami. Cʉ̃ nipeꞌtirã wiorã buꞌipʉ nimi. Tojo weegʉ narẽ tojo weegʉsami. Õꞌacʉ̃ macʉ̃ meꞌrãcjãrã Õꞌacʉ̃ beseꞌcãrã nima. Õꞌacʉ̃ ʉaro weenuꞌcũrã nima, niwĩ.

Apocalipse 19:16

Cʉ̃ suꞌtiropʉ, tojo nicã cʉ̃ ʉsópʉ aꞌtiro ojaõꞌonoꞌwʉ̃: “Nipeꞌtirã wiorã buꞌipʉ wiogʉ waro nimi”, ni ojaõꞌonoꞌwʉ̃.

Apocalipse 19:2

Aꞌtiro niꞌi. Cʉ̃ nisooro marĩrõ queoro buꞌiri daꞌremi. Ti macãrẽ buꞌiri daꞌremi. Ti macã niꞌcõ numio ʉmʉarẽ aꞌmetãrãwapataꞌari masõ weronojõ niwʉ̃. Ti macãcjãrã ñaꞌarõ weerã́ nipeꞌtirãrẽ aꞌti nucũcãcjãrãrẽ dojorẽwã. Õꞌacʉ̃ cʉ̃rẽ daꞌracoꞌterãrẽ wẽjẽꞌque wapa ti macãcjãrãrẽ buꞌiri daꞌreaꞌmewĩ, ni basapeowã.

Apocalipse 4:8

Nipeꞌtirã nánʉcʉ̃ seis wʉʉse cʉowã. Na wʉʉse buꞌi, na wʉʉse docapʉ caperi weronojõ bajuse peje cʉowã. Na ʉmʉcore, ñamirẽ aꞌtiro bʉsʉnuꞌcũwã: Õꞌacʉ̃ marĩ wiogʉ añubutiagʉ, ñaꞌase moogʉ̃ nimi. Tutuayʉꞌrʉgʉ nimi. Cʉ̃́ta nimi ne waropʉta níꞌcʉ. Aꞌtiro nicã quẽꞌrãrẽ ninuꞌcũcãꞌmi. Beꞌropʉ quẽꞌrãrẽ apaturi aꞌtigʉsami, niwã.