Apocalipse 14:7 - Õꞌacʉ̃ Yere Ucũrĩ Turi

⁷ Cʉ̃ tutuaro meꞌrã aꞌtiro niwĩ: —Õꞌacʉ̃rẽ wiopesase meꞌrã ẽjõpeoya. “Cʉ̃ añubutiagʉ nimi”, niña. Cʉ̃ buꞌiri daꞌreritero ejatojaꞌa. Cʉ̃ ʉꞌmʉsere, aꞌti diꞌtare weecʉ niwĩ. Dia pajiri maa, nipeꞌtise noꞌo aco nise maarĩacãnojõrẽ weecʉ niwĩ. Cʉ̃rẽ ñubuepeoya, niwĩ.

Tukano

⁷ Kɨ̃ɨ̂ tutuaró me'ra a'tîro niîwĩ: —Õ'âkɨ̃hɨre wio pesáse me'ra ẽho peóya. “Kɨ̃ɨ̂ ãyú butia'gɨ niîmi”, niîya. Kɨ̃ɨ̂ bu'îri da'rerí kura ehâ toha'. Kɨ̃ɨ̂ ɨ'mɨ̂sere, a'tí di'tare weékɨ niîwĩ. Diâ pahirí maa, niî pe'tise no'ó akó niisé maariakãre weékɨ niîwĩ. Kɨ̃ɨ̂re ẽho peóya, niîwĩ.

Apocalipse 14:7 Iomraidhean Croise

Génesis 22:12

—Mʉꞌʉ macʉ̃rẽ ne mejẽcã weeticãꞌña. Niꞌcãrõacã yʉꞌʉ masĩꞌi. Mʉꞌʉ yʉꞌʉre, “Yʉꞌʉ macʉ̃ niꞌcʉ̃ nigʉ̃rẽ mʉꞌʉrẽ oꞌosome”, ne nitiapʉ. Tojo weegʉ yʉꞌʉ masĩꞌi mʉꞌʉ yʉꞌʉre wiopesase meꞌrã ĩꞌaꞌa, nicʉ niwĩ.

Éxodo 20:11

Yʉꞌʉ Õꞌacʉ̃, mʉsã wiogʉ seis nʉmʉrĩta ʉꞌmʉsere, diꞌtare, pacase maarĩrẽ, nipeꞌtise tepʉ nisere weewʉ. Tuꞌajanʉꞌcõ, siete nʉmʉ nirĩ nʉmʉrẽ soowʉ. Tojo weero ti nʉmʉ sauru, ya nʉmʉ niꞌi. ‘Yʉꞌʉre ẽjõpeori nʉmʉ niato’, ni soodutigʉ cũuwʉ̃.

Mateus 25:13

Jesú te queosere wéréca beꞌro ʉ̃sãrẽ niwĩ: —Aꞌte queose weronojõ yʉꞌʉ aꞌtiatji nʉmʉrẽ mʉsã masĩweꞌe. Tojo weerã añurõ wãcũ apoyuya, niwĩ.

San Lucas 17:18

Ãꞌrĩ niꞌcʉ̃ judío masʉ̃ nitigʉ diaꞌcʉ̃ Õꞌacʉ̃rẽ eꞌcatise oꞌogʉ, yʉꞌʉ tiropʉ tojatiapĩ, nicʉ niwĩ.

Hechos 14:15

—¿Mʉsã ʉ̃sãrẽ deꞌro weerãtirã tojo weeti? Ʉ̃sã quẽꞌrã mʉsã weronojõta ʉmʉa niꞌi. Õꞌacʉ̃a mejẽta niꞌi. Mʉsãrẽ añuse quetire wererã aꞌtiapʉ. Mʉsã aꞌtiro weesetisere tocãꞌrõta weeduꞌuya. Mʉsã ẽjõpeose ne wapamarĩꞌi. Õꞌacʉ̃ catigʉ peꞌere ẽjõpeoya. Cʉ̃ weecʉ niwĩ nipeꞌtise ʉꞌmʉse, aꞌti diꞌta, maarĩ, nipeꞌtirã waꞌicʉrã, mirĩcʉ̃a, waꞌi, tepʉ nirãrẽ.

Josué 7:19

Tojo weegʉ Josué cʉ̃rẽ nicʉ niwĩ: —Mʉꞌʉ yʉꞌʉ macʉ̃ weronojõ nigʉ̃́ niꞌi. Õꞌacʉ̃, Israe curuacjãrã wiogʉre eꞌcatipeoya. Mʉꞌʉ weeꞌquere diacjʉ̃ wereya, nicʉ niwĩ.

1 Pedro 4:7

Aꞌti turi peꞌtiatjo cãꞌrõacã dʉꞌsasaꞌa. Tojo weerã mʉsã weesere añurõ tʉꞌoñaꞌnʉꞌcõ, weesetiya. Wãcũtutuaya. Mʉsã ñaꞌarõ weesĩꞌrĩsere nʉꞌcãña. Tojo weerã mʉsã queoro ñubuerãsaꞌa.

Apocalipse 11:13

Na mʉjãarĩ cura diꞌta pũrõ narãsãwʉ̃. Ti macãpʉre peje wiꞌseri bʉrʉdijawʉ. Pãjãrã siete miltiri masã wẽrĩwã. Ãpẽrã dʉꞌsaꞌcãrã ʉpʉtʉ uirã, “Õꞌacʉ̃ ʉꞌmʉsepʉ nigʉ̃́ tutuayʉꞌrʉnʉꞌcãmi”, niwã.

Apocalipse 11:18

Nipeꞌtirã aꞌti nucũcãcjãrã mʉꞌʉrẽ ʉatirã uamiwã. Mʉꞌʉ narẽ buꞌiri daꞌreri nʉmʉ ejaꞌa. Tojo nicã wẽrĩꞌcãrã quẽꞌrãrẽ buꞌiri daꞌreritero niꞌi. Niꞌcãrõacãrẽ nipeꞌtirã mʉꞌʉ yarãrẽ wapayegʉsaꞌa. Mʉꞌʉ ye cjasere wereturiari masãrẽ wapayegʉsaꞌa. Wiopesase meꞌrã mʉꞌʉrẽ ẽjõpeorã wiorãrẽ, mejõ nirãrẽ wapayegʉsaꞌa. Aꞌti nucũcãcjãrãrẽ dojorẽrã quẽꞌrãrẽ cõꞌarĩ nʉmʉ niꞌi, niwã.

Apocalipse 15:4

¿Noanojõ mʉꞌʉrẽ uitibosari? ¿Noa mʉꞌʉrẽ ñubuepeotibosari? Mʉꞌʉ niꞌcʉ̃ta ñaꞌase moogʉ̃ niꞌi. Nipeꞌtise macãrĩcjãrã mʉꞌʉrẽ ñubuepeorãsama. Mʉꞌʉ queoro weeꞌquere ĩꞌarã, na tojo weerãsama, ni basawã.

Apocalipse 16:9

Masã ʉpʉtʉ waro ʉ̃jʉ̃anoꞌwã. Tojo ʉ̃jʉ̃anoꞌmirã, ne na ñaꞌarõ weeꞌquere bʉjaweti, na wãcũsere dʉcayutiwã. Õꞌacʉ̃rẽ “Añugʉ̃ nimi”, ne nitiwã. Cʉ̃rẽ añurõ ucũrõnojõ oꞌorã, cʉ̃rẽ ñaꞌarõ ucũwã. Õꞌacʉ̃ buꞌiri daꞌremicã, tojo weewã.

Apocalipse 18:10

Tojo ʉ̃jʉ̃rĩ curare wiorã, marĩ quẽꞌrãrẽ buꞌiri daꞌreri nírã, yoaropʉ ĩꞌanuꞌcũrãsama. Aꞌtiro nirãsama: —Babilonia macãrẽ ñaꞌabutiaro waꞌaro weeꞌe. Pajiri macã, tutuari macã nimiwʉ̃. Wãcũña marĩrõ buꞌiri daꞌre bajuriodijonoꞌcãꞌa.

Apocalipse 18:17

Aꞌte nipeꞌtise peje wãcũña marĩrõ peꞌtidija waꞌaꞌa, nirãsama. Nipeꞌtirã yucʉsʉjo auturã, tiwʉpʉ waꞌarã, tiwʉpʉ daꞌrarã yoaropʉ uirã tojarã́sama. Tojo nicã nipeꞌtirã dia pajiri maapʉ daꞌrarã mejãrõta tojarã́sama.

Apocalipse 18:19

Pũrõ bʉjawetirã na dʉpopapʉ diꞌtare ṍrẽ́peorãsama. Uti, dʉjasewãꞌarã, caricũrãsama: —Añurĩ macã pajiri macã ñaꞌabutiaro waꞌacãꞌa. Ti macã cjase niyeru meꞌrã nipeꞌtirã yucʉsʉpawʉ paca cʉorã añurõ wapataꞌamiwã. Wãcũña marĩrõ peꞌtidijaca macã tojaꞌa, nirãsama.

Apocalipse 19:5

Beꞌro wiogʉ dujiri cũmurõ pʉꞌto nigʉ̃́ aꞌtiro niwĩ: Nipeꞌtirã Õꞌacʉ̃ yere daꞌrarã cʉ̃ marĩ wiogʉre añurõ ñubuepeoya. Nipeꞌtirã wiopesase meꞌrã cʉ̃rẽ ẽjõpeorã, wiorã, mejõ nirã tojo weeya, niwĩ.

Apocalipse 4:11

Õꞌacʉ̃ ʉ̃sã wiogʉ, mʉꞌʉ añubutiagʉ niꞌi. Mʉꞌʉrẽ añurõ ucũrõʉaꞌa. Mʉꞌʉ nipeꞌtirã yʉꞌrʉoro añuyʉꞌrʉgʉ, tutuayʉꞌrʉnʉꞌcãgʉ̃ niꞌi. Mʉꞌʉ nipeꞌtisere weeꞌcʉ niꞌi. Mʉꞌʉ ʉaro meꞌrã nipeꞌtise niꞌi. Te mʉꞌʉ ʉaro meꞌrãta nipeꞌtise weenoꞌcaro niwʉ̃, niwã.

Apocalipse 4:9

Wiogʉ dujiri cũmurõpʉ dujigʉ, catinuꞌcũgʉ̃rẽ na baꞌparitirã añurõ ucũ, eꞌcatise oꞌowã.

Apocalipse 8:10

Beꞌro, pʉarã beꞌrocjʉ̃ putiwĩ. Cʉ̃ putíca beꞌro ñocõawʉ̃ pajigʉ ʉꞌmʉarõcjʉ̃ bʉrʉdijawĩ. Bʉrʉdijagʉ, sĩꞌorĩ tuturojo weronojõ ʉ̃jʉ̃dijawĩ. Cʉ̃ diapʉre, oꞌmajã maarĩacãpʉre decobocure doquebiꞌpequeꞌawĩ.