Apocalipse 11:9 - Õꞌacʉ̃ Yere Ucũrĩ Turi

⁹ Iꞌtia nʉmʉ ape nʉmʉ deco nipeꞌtise macãrĩcjãrã, nipeꞌtise cururicjãrã na ye upʉre ĩꞌarãsama. Tojo nicã nipeꞌtirã mejẽcãrĩ diaꞌcʉ̃ ucũrã, nipeꞌtise diꞌtacjãrã na ye upʉre ĩꞌarãsama. Tere yaadutisome.

Tukano

⁹ I'tiá nɨmɨ ape nɨmɨ́ deko niî pe'tise makarikãharã, niî pe'tise kurarikãharã naa yeé ɨpɨre ĩ'yârãsama. Tohô niikã́ niî pe'tirã mehêkãri di'akɨ̃ uúkũrã, niî pe'tise di'takãharã naa yeé ɨpɨre ĩ'yârãsama. Teeré yaa dutísome.

Apocalipse 11:9 Iomraidhean Croise

Mateus 7:2

Mʉsã ãpẽrãrẽ beseꞌcaronojõta, tojo nicã mʉsã beseꞌcaro ejatuaro Õꞌacʉ̃ mʉsã quẽꞌrãrẽ besegʉsami.

Apocalipse 10:11

Beꞌro Õꞌacʉ̃rẽ werecoꞌterã yʉꞌʉre niwã: —Õꞌacʉ̃ cʉ̃ ucũsere wereapogʉ waꞌaya tja. Cʉ̃ peje macãrĩcjãrãrẽ, peje diꞌtacjãrãrẽ, mejẽcãrĩ ucũrãrẽ na ye cjasere weremi. Tere weregʉ waꞌaya. Tojo nicã wiorã quẽꞌrãrẽ “Õꞌacʉ̃ tojo niami”, ni wereya, niwã.

Apocalipse 11:11

Iꞌtia nʉmʉ ape nʉmʉ deco beꞌro Õꞌacʉ̃ narẽ masõwĩ tja. Na wãꞌcãnʉꞌcãcã ĩꞌarã, masã ʉpʉtʉ ʉcʉawã.

Apocalipse 13:7

Apeye quẽꞌrãrẽ pĩrõ Õꞌacʉ̃ yarã nucũcãpʉ nirã́ meꞌrã cʉ̃rẽ aꞌmewẽjẽdutigʉ oꞌówĩ. Narẽ aꞌmewẽjẽ wapataꞌatojagʉpʉ duꞌuwĩ. Cʉ̃rẽ nipeꞌtise cururicjãrãrẽ, nipeꞌtise diꞌtacjãrãrẽ, nipeꞌtise macãrĩcjãrãrẽ, mejẽcã ucũrãrẽ dutimasĩsere oꞌowĩ.

Apocalipse 17:15

Beꞌro Õꞌacʉ̃rẽ werecoꞌtegʉ apaturi aꞌte quẽꞌrãrẽ niwĩ: —Mʉꞌʉ ĩꞌaꞌco numio sõꞌoníco ñaꞌagõ pacase maarĩpʉ dujiamo. Co dujiꞌque maarĩ aꞌtiro nisĩꞌrĩrõ weeꞌe. Te maarĩ paca masã pãjãrã nima, nisĩꞌrĩrõ weeꞌe. Peje macãrĩcjãrã, peje cururicjãrã, mejẽcã ucũrã, peje diꞌtacjãrã nima, nirõ weeꞌe.

Apocalipse 5:8

Cʉ̃ tojo weecã ĩꞌarã, na baꞌparitirã catirã weronojõ bajurã, tojo nicã veinticuatro wiorã bʉcʉrã cʉ̃ dʉꞌpocãpʉ ejaqueꞌawã. Nánʉcʉ̃ bʉapʉ̃tẽse pacare cʉowã. Nánʉcʉ̃ uru meꞌrã weeꞌque pari baparire cʉowã. Te pari ʉꞌmʉtise ʉ̃jʉ̃amorõsere poosetise pari niwʉ̃. Te ʉꞌmʉtise Õꞌacʉ̃rẽ ẽjõpeorã na sẽrĩse niꞌi, nisĩꞌrĩrõ weeꞌe.

Apocalipse 5:9

Na Õꞌacʉ̃ macʉ̃ oveja wĩꞌmagʉ̃ weronojõ bajugʉre apeye maꞌma basasere basapeowã. Aꞌtiro niwã: Mʉꞌʉ añugʉ̃ niꞌi. Mʉꞌʉ aꞌti tũrũrẽ miimasĩꞌi. Aꞌte piꞌrabiꞌaꞌquere pãamasĩꞌi. Aꞌtiro niꞌi. Mʉꞌʉ wẽjẽnoꞌcʉ niwʉ̃. Mʉꞌʉ wẽrĩse meꞌrã, mʉꞌʉ dí meꞌrã nipeꞌtirã masã Õꞌacʉ̃ yarã niato nígʉ̃ wapayecʉ niwʉ̃. Nipeꞌtise cururicjãrãrẽ, mejẽcã ucũrãrẽ, nipeꞌtiropʉ nirãrẽ Õꞌacʉ̃ yarã waꞌacã weecʉ niwʉ̃. Tojo weegʉ mʉꞌʉ aꞌti tũrũrẽ miimasĩꞌi.