Apocalipse 1:8 - Õꞌacʉ̃ Yere Ucũrĩ Turi

⁸ Marĩ wiogʉ Õꞌacʉ̃ tutuayʉꞌrʉnʉꞌcãgʉ̃ aꞌtiro nimi: “Yʉꞌʉta nimʉꞌtãgʉ̃, nitʉogʉpʉ niꞌi.” Õꞌacʉ̃ ne waropʉta níꞌcʉ nimi. Aꞌtiro nicã quẽꞌrãrẽ ninuꞌcũmi. Beꞌropʉ quẽꞌrãrẽ apaturi aꞌtigʉsami.

Tukano

⁸ Marî wiôgɨ Õ'âkɨ̃hɨ tutuâ yɨ'rɨ nɨ'kagɨ a'tîro niîmi: “Yɨ'ɨ́ta niî mɨ'tagɨ, niî tɨogɨpɨ niî'.” Õ'âkɨ̃hɨ neê waropɨta niî'kɨ niîmi. A'tóka tero kẽ'rare niî nu'kumi. Be'ropɨ́ kẽ'rare opâturi a'tîgɨsami.

Apocalipse 1:8 Iomraidhean Croise

Génesis 17:1

Abrã noventa y nueve cʉ̃ꞌmarĩ cʉori cura Õꞌacʉ̃ cʉ̃rẽ apaturi bajuacʉ niwĩ. Aꞌtiro nicʉ niwĩ: —Yʉꞌʉ Õꞌacʉ̃, tutuayʉꞌrʉnʉꞌcãgʉ̃ niꞌi. Yʉꞌʉ ĩꞌorõpʉre añurõ buꞌiri marĩgʉ̃ niña.

Génesis 28:3

Õꞌacʉ̃ tutuayʉꞌrʉnʉꞌcãgʉ̃ mʉꞌʉrẽ añurõ weeato. Pãjãrã mʉꞌʉrẽ masãputi, pãrãmerãticã weeato. Cʉ̃ tojo weecã, peje curaricjãrã nirãsama.

Génesis 35:11

aꞌtiro nicʉ niwĩ: “Yʉꞌʉ Õꞌacʉ̃ tutuayʉꞌrʉgʉ niꞌi. Mʉꞌʉ pãjãrã põꞌrãti, pãjãrã pãrãmerãtigʉsaꞌa. Mʉꞌʉ meꞌrã pãjãrã masãputirãsama. Peje macãrĩ waꞌarosaꞌa. Mʉꞌʉ pãrãmerã waꞌtero nirã́ wiorã waro sãjãrã́sama.

Génesis 43:14

Õꞌacʉ̃ tutuayʉꞌrʉnʉꞌcãgʉ̃ mʉsãrẽ weetamuato. Cʉ̃ mʉsãrẽ pajañaꞌcã weeato. Cʉ̃ tojo weecã, mʉsã maꞌmi Simeórẽ duꞌuwĩrõgʉ̃sami. Tojo nicã, ãꞌrĩ Benjamí quẽꞌrãrẽ mʉsã meꞌrã dajacã weegʉsami. Yʉꞌʉ peꞌe põꞌrã marĩgʉ̃ weronojõ tojagʉ, tojo tojacʉ̃ti, nicʉ niwĩ Jacob.

Génesis 48:3

Jacob cʉ̃ macʉ̃rẽ nicʉ niwĩ: —Õꞌacʉ̃ tutuayʉꞌrʉnʉꞌcãgʉ̃ Canaá diꞌta Luz wãmetiri macãpʉ bajua, yʉꞌʉre “Añurõ waꞌato”, ni ucũwĩ.

Génesis 49:25

Mʉꞌʉ pacʉ Jacob ẽjõpeogʉ Õꞌacʉ̃ mʉꞌʉrẽ weetamuato. Õꞌacʉ̃ tutuayʉꞌrʉnʉꞌcãgʉ̃, nipeꞌtise mʉꞌʉrẽ añurõ waꞌacã weeato. Nipeꞌtise añuse ʉꞌmʉse cjase meꞌrã mʉꞌʉrẽ añurõ waꞌacã weeato. Tojo nicã nipeꞌtise aco ʉ̃ꞌcʉ̃arõpʉ nise meꞌrã tojo weeato. Mʉꞌʉ pãrãmerã nituriarã pãjãrã masãputicã weeato. Tojo nicã, mʉꞌʉ ecarã quẽꞌrã mejãrõta pãjãrã masãputiato.

Éxodo 3:14

Õꞌacʉ̃ cʉ̃rẽ yʉꞌticʉ niwĩ: —Yʉꞌʉta niꞌi niwʉagʉta. Israe curuacjãrãrẽ weregʉ, “Yʉꞌʉta niꞌi” nigʉ̃́ mʉsã tiropʉ yʉꞌʉre oꞌoámi, niña.

Éxodo 6:3

Abrahãrẽ, Isaare, Jacore ucũgʉ̃, “Õꞌacʉ̃ tutuayʉꞌrʉnʉꞌcãgʉ̃ niꞌi”, ni werewʉ. Tojo nimigʉ̃, yʉꞌʉ wãme waro peꞌere werebajurẽtiwʉ. Yʉꞌʉta niꞌi Õꞌacʉ̃ mʉsã wiogʉ niwʉagʉta.

2 Corintios 6:18

Yʉꞌʉ mʉsã pacʉ nigʉ̃ti. Mʉsã peꞌe yʉꞌʉ põꞌrã nirãsaꞌa”, nicʉ niwĩ, ni ojanoꞌwʉ̃.

Apocalipse 1:11

Cʉ̃ yʉꞌʉre aꞌtiro niwĩ: —Yʉꞌʉta nimʉꞌtãgʉ̃, nitʉogʉpʉ niꞌi. Nipeꞌtise mʉꞌʉ ĩꞌasere niꞌcã pũrĩpʉ ojaya. Mʉꞌʉ ojaꞌquere Asiapʉ nirã́ siete cururi Jesucristore ẽjõpeose cururicjãrãrẽ oꞌóya. Na aꞌticʉrã nima: Éfesocjãrã, Esmirnacjãrã, Pérgamocjãrã, Tiatiracjãrã, Sardicjãrã, Filadelfiacjãrã, tojo nicã Laodiceacjãrãrẽ oꞌóya, niwĩ.

Apocalipse 1:17

Cʉ̃rẽ ĩꞌaʉcʉagʉ, wẽrĩgʉ̃ weronojõ cʉ̃ dʉꞌpocãrĩ tiro bʉꞌrʉqueꞌacãti. Yʉꞌʉ tojo waꞌacã ĩꞌagʉ̃, cʉ̃ diacjʉ̃camocã meꞌrã ñapeo, yʉꞌʉre niwĩ: —Uiticãꞌña. Yʉꞌʉta nimʉꞌtãgʉ̃, nitʉogʉpʉ niꞌi.

Apocalipse 1:4

Yʉꞌʉ mʉsã Asiapʉ nirã́ siete Jesucristore ẽjõpeose cururicjãrãrẽ ojaꞌa. Õꞌacʉ̃ mʉsãrẽ añurõ weeato. Mʉsãrẽ añurõ ejerisãjãcã weeato. Õꞌacʉ̃ ne waropʉta níꞌcʉ nimi. Aꞌtiro nicã quẽꞌrãrẽ ninuꞌcũcãꞌmi. Beꞌropʉ quẽꞌrãrẽ apaturi aꞌtigʉsami. Õꞌacʉ̃ wiogʉ dujiri cũmurõ pʉꞌto siete Õꞌacʉ̃rẽ werecoꞌterã bajutirã nuꞌcũma. Na topʉ nuꞌcũrã Espíritu Santure nipeꞌtise tutuase cʉogʉ nimi, nisĩꞌrĩrã weema. Na quẽꞌrã mʉsãrẽ añurõ weeato.

Apocalipse 11:17

Aꞌtiro niwã: Õꞌacʉ̃, ʉ̃sã wiogʉ tutuayʉꞌrʉnʉꞌcãgʉ̃, mʉꞌʉrẽ eꞌcatise oꞌoꞌo. Mʉꞌʉ ne warocjʉ̃, beꞌrocjʉ̃, aꞌtiro nicã quẽꞌrãrẽ ninuꞌcũgʉ̃ niꞌi. Mʉꞌʉ tutuase meꞌrã niꞌcãrõacã wiogʉ sãjãnʉꞌcãꞌa. Nipeꞌtirãrẽ dutinʉꞌcãꞌa. Tojo weerã mʉꞌʉrẽ eꞌcatise oꞌoꞌo.

Apocalipse 15:3

Na Õꞌacʉ̃rẽ daꞌracoꞌtegʉ Moisé ye basasere basapeowã. Õꞌacʉ̃ macʉ̃ oveja wĩꞌmagʉ̃ weronojõ bajugʉ ye basase quẽꞌrãrẽ basapeowã. Aꞌtiro niwã: Õꞌacʉ̃ ʉ̃sã wiogʉ, mʉꞌʉ tutuayʉꞌrʉgʉ niꞌi. Nipeꞌtise mʉꞌʉ weeꞌque añubutiase paca niꞌi. Tere ĩꞌarã, ʉ̃sã ĩꞌamarĩa waꞌaꞌa. Mʉꞌʉ nipeꞌtise macãrĩcjãrã wiogʉ niꞌi. Mʉꞌʉ weesetise queoro niꞌi. Mʉꞌʉrẽ ne nisoose marĩꞌi.

Apocalipse 16:14

Ãꞌrã iꞌtiarã ʉseripʉ wijaaꞌcãrã wãtĩa peje weeĩꞌosere weewã. Na aꞌti nucũcãcjãrã wiorã nipeꞌtirãrẽ aꞌmewẽjẽdutirã neowã. Na aꞌmewẽjẽatji nʉmʉ Õꞌacʉ̃ tutuayʉꞌrʉagʉ ya nʉmʉ waro nirõsaꞌa.

Apocalipse 16:7

Beꞌro niꞌcʉ̃ Õꞌacʉ̃rẽ waꞌicʉrã ʉ̃jʉ̃amorõ ñubuepeowʉaro tiropʉ ucũcã tʉꞌowʉ. Aꞌtiro niwĩ: —Tojota niꞌi. Õꞌacʉ̃ ʉ̃sã wiogʉ, mʉꞌʉ tutuayʉꞌrʉaꞌa. Mʉꞌʉ nisooro marĩrõ queoro buꞌiri daꞌregʉ weeꞌe, niwĩ.

Apocalipse 19:15

Cʉ̃ ʉseropʉre diꞌpjĩ osoyojari pjĩrẽ cʉowĩ. Ti pjĩ meꞌrã cʉ̃ aꞌti turicjãrãrẽ cãmidaꞌregʉsami. Tutuaro meꞌrã dutigʉsami. Na ʉꞌsere biperã tutuaro meꞌrã ʉꞌtabujuse weronojõ cʉ̃ aꞌti turicjãrã ñaꞌarõ weerãrẽ buꞌiri daꞌregʉsami. Õꞌacʉ̃ tutuayʉꞌrʉgʉ na meꞌrã uayʉꞌrʉami. Tojo weegʉ cabayu buꞌi pesagʉ narẽ ʉpʉtʉ waro buꞌiri daꞌregʉsami.

Apocalipse 19:6

Beꞌro yʉꞌʉ pãjãrã masã ucũcã tʉꞌowʉ. Peje maarĩ puꞌeeja oꞌmabʉrose maarĩ weronojõ bʉsʉwã. Bʉpo ʉpʉtʉ paaro weronojõ bʉsʉwã. Aꞌtiro niwã: Marĩ Õꞌacʉ̃rẽ eꞌcatipeorã. Aleluya. Marĩ wiogʉ tutuayʉꞌrʉnʉꞌcãgʉ̃ niꞌcãrõacãrẽ nipeꞌtirãrẽ dutigʉ sãjãnʉꞌcãmi.

Apocalipse 2:8

Apaturi Jesucristo ninemowĩ tja: “Esmirnacjãrã, yʉꞌʉre ẽjõpeori curuacjãrã wiogʉ sʉꞌori nigʉ̃́ quẽꞌrãrẽ aꞌtiro ojaya: ‘Yʉꞌʉta nimʉꞌtãgʉ̃, nitʉogʉpʉ niꞌi. Yʉꞌʉ wẽrĩ masãꞌcʉ niꞌi.

Apocalipse 21:22

Ti macãpʉre ne Õꞌacʉ̃ wiꞌire ĩꞌatiwʉ. Aꞌtiro niꞌi. Õꞌacʉ̃ marĩ wiogʉ tutuayʉꞌrʉagʉ topʉ nimi. Tojo nicã Õꞌacʉ̃ macʉ̃ oveja wĩꞌmagʉ̃ weronojõ bajugʉ quẽꞌrã topʉ nimi. Tojo weero Õꞌacʉ̃ wiꞌi marĩwʉ̃.

Apocalipse 21:6

Beꞌro aꞌtiro niwĩ: —Nipeꞌtise tuꞌajanʉꞌcõpeꞌonoꞌo. Yʉꞌʉta nimʉꞌtãgʉ̃, nitʉogʉpʉ niꞌi. Noꞌo yʉꞌʉre ʉpʉtʉ ʉarã acowʉorãnojõrẽ yʉꞌʉ catinuꞌcũsere oꞌogʉti. Narẽ wapaseesome.

Apocalipse 22:13

Yʉꞌʉta nimʉꞌtãgʉ̃, nitʉogʉpʉ niꞌi.

Apocalipse 4:8

Nipeꞌtirã nánʉcʉ̃ seis wʉʉse cʉowã. Na wʉʉse buꞌi, na wʉʉse docapʉ caperi weronojõ bajuse peje cʉowã. Na ʉmʉcore, ñamirẽ aꞌtiro bʉsʉnuꞌcũwã: Õꞌacʉ̃ marĩ wiogʉ añubutiagʉ, ñaꞌase moogʉ̃ nimi. Tutuayʉꞌrʉgʉ nimi. Cʉ̃́ta nimi ne waropʉta níꞌcʉ. Aꞌtiro nicã quẽꞌrãrẽ ninuꞌcũcãꞌmi. Beꞌropʉ quẽꞌrãrẽ apaturi aꞌtigʉsami, niwã.