Apocalipse 1:7 - Õꞌacʉ̃ Yere Ucũrĩ Turi

⁷ Mʉsã tʉꞌoya. Õꞌacʉ̃ beseꞌcʉ Cristo oꞌmecururipʉ dijatigʉsami. Cʉ̃ aꞌticã, nipeꞌtirã ĩꞌarãsama. Tojo nicã cʉ̃rẽ wẽjẽꞌcãrãpʉta ĩꞌasãjãrãsama. Nipeꞌtirã aꞌti diꞌtacjãrã cʉ̃ aꞌticã ĩꞌarã, utirãsama. Tojota waꞌarosaꞌa.

Tukano

⁷ Mɨsâ tɨ'oyá. Õ'âkɨ̃hɨ besé'kɨ Cristo o'me kuráripɨ dihátigɨsami. Kɨ̃ɨ̂ a'tikã́, niî pe'tirã ĩ'yârãsama. Tohô niikã́ kɨ̃ɨ̂re wẽhé'kãrãpɨta ĩ'yârãsama. Niî pe'tirã a'tí di'takãharã kɨ̃ɨ̂ a'tikã́ ĩ'yârã, utîrãsama. Tohôta wa'ârosa'.

Apocalipse 1:7 Iomraidhean Croise

Mateus 16:27

Yʉꞌʉ Õꞌacʉ̃ macʉ̃ masʉ̃ weronojõ upʉtigʉ aꞌtiro weegʉti. Yʉꞌʉ pacʉ asistese meꞌrã, cʉ̃rẽ werecoꞌterã meꞌrã aꞌti turipʉre aꞌtigʉti tja. Yʉꞌʉ apaturi aꞌtigʉ, nipeꞌtirãrẽ deꞌro na weeꞌquenʉcʉ̃rẽ wapayegʉti.

Mateus 16:28

Diacjʉ̃ mʉsãrẽ weregʉti. Niꞌcãrẽrã aꞌtopʉ nirã́ na wẽrĩse dʉporo aꞌtere ĩꞌarãsama. Yʉꞌʉ Õꞌacʉ̃ macʉ̃ masʉ̃ weronojõ upʉtigʉ wiogʉ sãjãcã ĩꞌatimirã, wẽrĩsome, niwĩ.

Mateus 24:30

Tojo waꞌacã, ʉꞌmʉsepʉ yʉꞌʉ Õꞌacʉ̃ macʉ̃ masʉ̃ weronojõ upʉtigʉ yʉꞌʉ aꞌtisere ĩꞌarãsama. Nipeꞌtise macãrĩcjãrã uirã, utirãsama. Yʉꞌʉ oꞌmecururipʉ tutuaro meꞌrã asistedijaticã, ĩꞌarãsama.

Mateus 25:31

Jesú ʉ̃sãrẽ werenemowĩ: —Beꞌro yʉꞌʉ Õꞌacʉ̃ macʉ̃ masʉ̃ weronojõ upʉtigʉ aꞌti turicjãrãrẽ dutigʉ aꞌtigʉti. Yʉꞌʉre werecoꞌterã ʉꞌmʉsecjãrã meꞌrã aꞌtigʉ, asistese meꞌrã aꞌtigʉti. Beꞌro wiogʉ dujiri cũmurõpʉ dujigʉsaꞌa.

Mateus 26:64

Jesú cʉ̃rẽ yʉꞌticʉ niwĩ: —Cʉ̃́ta niꞌi mʉꞌʉ nírõnojõta. Apeye quẽꞌrãrẽ mʉsãrẽ werenemogʉ̃ti. Beꞌro yʉꞌʉ Õꞌacʉ̃ macʉ̃ masʉ̃ weronojõ upʉtigʉ Õꞌacʉ̃ tutuayʉꞌrʉgʉ pʉꞌtopʉ dujicã ĩꞌarãsaꞌa. Tojo nicã yʉꞌʉ oꞌmecururi buꞌipʉ apaturi dijaticã ĩꞌarãsaꞌa, nicʉ niwĩ.

Marcos 13:26

Tojo waꞌari cura nipeꞌtirã yʉꞌʉ Õꞌacʉ̃ macʉ̃ masʉ̃ weronojõ upʉtigʉ oꞌmecururipʉ tutuaro meꞌrã asistedijaticã ĩꞌarãsama.

Marcos 14:62

Jesú cʉ̃rẽ yʉꞌticʉ niwĩ: —Cʉ̃́ta niꞌi. Mʉsã yʉꞌʉ Õꞌacʉ̃ macʉ̃ masʉ̃ weronojõ upʉtigʉ Õꞌacʉ̃ pʉꞌtopʉ dujicã ĩꞌarãsaꞌa. Cʉ̃ ʉꞌmʉsepʉ nigʉ̃́ tutuayʉꞌrʉami. Yʉꞌʉ oꞌmecururipʉ dijaticã ĩꞌarãsaꞌa, nicʉ niwĩ.

San Lucas 21:27

Tojo waꞌari cura yʉꞌʉ Õꞌacʉ̃ macʉ̃ masʉ̃ weronojõ upʉtigʉ oꞌmecururipʉ tutuaro meꞌrã asistedijaticã, masã ĩꞌarãsama.

San Juan 19:34

Mejõ diaꞌcʉ̃ niꞌcʉ̃ surara Jesure paatipaꞌmapʉ ñosẽwĩ. Cʉ̃ tojo weecã, dí aco meꞌrã oꞌmabʉrowʉ.

San Juan 19:37

Apero Õꞌacʉ̃ ye queti ojaꞌcaro quẽꞌrãrẽ aꞌtiro niwʉ̃: “Na cãmidaꞌreꞌcʉpʉre ĩꞌarãsama”, ni ojanoꞌwʉ̃.

1 Tesalonicenses 1:10

Õꞌacʉ̃ cʉ̃ macʉ̃ Jesú ʉꞌmʉsepʉ nigʉ̃rẽ, cʉ̃ apaturi aꞌtiatjere eꞌcatise meꞌrã yucuerã weeaporo. Aꞌtere ãpẽrã ʉ̃sãrẽ quetiwerema mʉsã weesetisere. Õꞌacʉ̃ cʉ̃ macʉ̃ wẽrĩꞌcʉpʉre masõcʉ niwĩ. Cʉ̃ Jesúta nimi marĩ ʉpʉtʉ buꞌiri bocaboꞌquere yʉꞌrʉoꞌcʉ.

1 Tesalonicenses 4:17

Na beꞌroacã marĩ Jesure ẽjõpeorã quẽꞌrã aꞌti nucũcãpʉ catirã oꞌmecururipʉ na meꞌrã mʉjãarãsaꞌa. Topʉ Jesure põtẽrĩrãsaꞌa. Tojo wee cʉ̃ meꞌrã ninuꞌcũcãꞌrãsaꞌa.

Hebreos 10:29

Añurõ wãcũña. Õꞌacʉ̃ dutiꞌque cʉ̃ Moisére cũuꞌquere yʉꞌrʉnʉꞌcãgʉ̃, buꞌiri daꞌrenoꞌcʉ niwĩ. Niꞌcãrõacãma Õꞌacʉ̃ macʉ̃ cʉ̃rẽ wẽrĩbosaꞌquere ẽjõpeoduꞌugʉre tjãsami. Ẽjõpeotigʉnojõ Õꞌacʉ̃ macʉ̃ cʉ̃rẽ wẽrĩbosaꞌquere “Wapamarĩꞌi”, ni wãcũsami. Espíritu Santu cʉ̃rẽ maꞌisere yabisami. Aꞌtiro niꞌi. Jesucristo wẽrĩse meꞌrã Õꞌacʉ̃ masãrẽ cʉ̃ “Weegʉti” níꞌquere queoro waꞌacã weecʉ niwĩ. Cʉ̃ wẽrĩse meꞌrã, cʉ̃ ye dí meꞌrã marĩ ñaꞌarõ weeꞌquere cõꞌacʉ niwĩ. Tojo weegʉ Õꞌacʉ̃ cʉ̃ macʉ̃rẽ ʉatigʉre ʉpʉtʉ buꞌiri daꞌregʉsami.

1 João 3:2

Acawererã, marĩ Õꞌacʉ̃ põꞌrã nitojaꞌa. Cʉ̃ põꞌrã nimirã, beꞌropʉ marĩ deꞌro waꞌatjere añurõ masĩnoꞌña marĩꞌi yujupʉ. Aꞌte diaꞌcʉ̃rẽ masĩꞌi. Marĩ Jesucristo aꞌticã, cʉ̃ bajusere ĩꞌarãsaꞌa. Cʉ̃rẽ ĩꞌarã, cʉ̃ weronojõ waꞌarãsaꞌa.

Judas 1:14

Dʉporocjʉ̃pʉ Enoc wãmetigʉ Õꞌacʉ̃ cʉ̃rẽ masĩse oꞌoro meꞌrã na nisoori masãrẽ buꞌiri daꞌreatjere weremʉꞌtãcʉ niwĩ. Marĩ ñecʉ̃ Adã́ pãrãmi nituriagʉpʉ nicʉ niwĩ Enoc. Seis turiri beꞌrocjʉ̃ nicʉ niwĩ. Cʉ̃, beꞌropʉ waꞌatjere aꞌtiro nicʉ niwĩ: “Marĩ wiogʉ pãjãrã ʉꞌmʉsecjãrã cʉ̃rẽ werecoꞌterã meꞌrã aꞌtigʉsami.

Apocalipse 22:20

Jesucristo aꞌtere weregʉ, aꞌtiro nimi: —Tojota niꞌi. Cãꞌrõacã dʉꞌsaꞌa yʉꞌʉ dijatiatjo, nimi. Tojota waꞌarosaꞌa. Wiogʉ Jesú, quero aꞌtibaqueꞌoya.

Apocalipse 22:4

Bajuyoropʉ cʉ̃rẽ ĩꞌarãsama. Na diapoapʉ cʉ̃ wãmerẽ cʉorãsama.

Jueces 5:31

Õꞌacʉ̃rẽ basapeorã, aꞌtiro ni basacãrã niwã: “Õꞌacʉ̃, nipeꞌtirã mʉꞌʉrẽ ĩꞌatuꞌtirã Sísara weronojõ wẽrĩpeꞌtia waꞌato. Mʉꞌʉrẽ mairã peꞌe tutuarã ninuꞌcũcãꞌto. Mujĩpũ ʉmʉcocjʉ̃ asistero weronojõ niato”, ni basacãrã niwã. Beꞌro ti diꞌtapʉre Israe curuacjãrã nirõpʉre cuarenta cʉ̃ꞌmarĩ aꞌmewẽjẽse marĩcaro niwʉ̃.