Apocalipse 1:3 - Õꞌacʉ̃ Yere Ucũrĩ Turi

³ Aꞌti pũrĩ ojaꞌcaronojõ waꞌatjo cãꞌrõ dʉꞌsaꞌa. Noꞌo aꞌti pũrĩrẽ Jesucristore ẽjõpeorãrẽ buꞌegʉnojõ eꞌcatise bocagʉsami. Tojo nicã aꞌti pũrĩ Õꞌacʉ̃ oꞌoꞌquere buꞌecã tʉꞌorã peꞌe quẽꞌrã eꞌcatise bocarãsama. Noꞌo na aꞌti pũrĩpʉ ojaꞌquere diacjʉ̃ weerãnojõ eꞌcatise bocarãsama.

Tukano

³ A'ti pũrí ohâ'karo noho wa'aátoho kã'ró dɨ'sá'. No'ó a'ti pũríre Jesu Cristore ẽho peórãre bu'êgɨ noho e'katíse bokagɨ́sami. Tohô niikã́ a'ti pũrí Õ'âkɨ̃hɨ o'ô'kere bu'ekã́ tɨ'orã́ pe'e kẽ'ra e'katíse bokarã́sama. No'ó naâ a'ti pũrípɨ ohâ'kere diakɨ̃hɨ́ weerã́ noho e'katíse bokarã́sama.

Apocalipse 1:3 Iomraidhean Croise

Mateus 24:15

Dʉporocjʉ̃pʉ Õꞌacʉ̃ ye queti weremʉꞌtãrĩ masʉ̃ Danie wãmetigʉ aꞌti ʉmʉco peꞌtiatjo dʉporo waꞌatjere ojayucʉ niwĩ. “Ñaꞌagʉ̃, Õꞌacʉ̃ yabigʉnojõ cʉ̃ ya wiꞌi añurĩ wiꞌipʉ sãjãtígʉnojõ Jerusalẽ́ cja wiꞌipʉ sãjãagʉ̃sami”, ni ojayucʉ niwĩ. Cʉ̃ ti wiꞌipʉ nuꞌcũcã ĩꞌarã, mʉsã aꞌti pũrĩrẽ buꞌe, tʉꞌomasĩña.

San Lucas 11:28

Jesú core nicʉ niwĩ: —Yʉꞌʉ peꞌe aꞌtiro nigʉ̃ti. Õꞌacʉ̃ cʉ̃ ucũsere tʉꞌo, cʉ̃ dutisere weerã́ peꞌe pũrĩcã añurõ waro co nemorõ eꞌcatisama, nicʉ niwĩ.

Romanos 13:11

Aꞌtere niꞌcãrõacã marĩ catiriterore wãcũrõʉaꞌa. Cãrĩrã weronojõ niticãꞌrã. Jesú cʉ̃ apaturi aꞌtiatjere añurõ tʉꞌoñaꞌa, wãcũnʉrʉ̃rã. Marĩ Õꞌacʉ̃ tiropʉ waꞌatjo cãꞌrõacã dʉꞌsasaꞌa. Marĩ ne waro Jesucristore ẽjõpeowãꞌcõrã, “Ʉꞌmʉsepʉ marĩ waꞌatje dʉꞌsayʉꞌrʉaꞌa”, nimiwʉ̃. Niꞌcãrõacãrẽ marĩ masĩꞌi. “Cãꞌrõacã dʉꞌsaꞌa Jesucristo apaturi aꞌtiatje”, niꞌi.

Romanos 13:12

Aꞌtiro nicãrẽ ñaꞌarõ weese yʉꞌrʉmajã waꞌaꞌa. Niꞌcãrõacãrẽ boꞌremʉjãtiro weronojõ Jesucristo aꞌtiatjo cãꞌrõ dʉꞌsaꞌa. Tojo weerã marĩ ñaꞌasere masã ñamipʉ weewʉasenojõrẽ weeduꞌuroʉaꞌa. Aꞌtiro peꞌe weeroʉaꞌa. Añuse, ʉmʉco masã ĩꞌorõpʉ weesenojõ diaꞌcʉ̃rẽ weeroʉaꞌa. Marĩ Õꞌacʉ̃ yere wéérã, ñaꞌarõ weesere duꞌupeꞌocãꞌrãsaꞌa.

1 Pedro 4:7

Aꞌti turi peꞌtiatjo cãꞌrõacã dʉꞌsasaꞌa. Tojo weerã mʉsã weesere añurõ tʉꞌoñaꞌnʉꞌcõ, weesetiya. Wãcũtutuaya. Mʉsã ñaꞌarõ weesĩꞌrĩsere nʉꞌcãña. Tojo weerã mʉsã queoro ñubuerãsaꞌa.

2 Pedro 3:8

Yʉꞌʉ mairã, aꞌtere wãcũña. Marĩ tʉꞌoñaꞌcã peꞌema, mil cʉ̃ꞌmarĩ yoabutiaꞌa. Õꞌacʉ̃ peꞌere mil cʉ̃ꞌmarĩ niꞌcã nʉmʉ weronojõ nisaꞌa. Niꞌcã nʉmʉ quẽꞌrã cʉ̃rẽ mejãrõta mil cʉ̃ꞌmarĩ weronojõ nisaꞌa. Niꞌcãrõnojõ ĩꞌasami.

Apocalipse 22:10

Cʉ̃ yʉꞌʉre ninemowĩ: —Aꞌti pũrĩpʉ “Aꞌtiro waꞌarosaꞌa” ni ojaꞌque queoro waꞌatje cãꞌrõ dʉꞌsaꞌa. Tojo weegʉ aꞌti pũrĩpʉ ojaꞌquere Õꞌacʉ̃ ye quetire yaꞌyioropʉ cʉoticãꞌña.

Apocalipse 22:12

Beꞌro Jesú aꞌtiro niwĩ: —Tojota niꞌi. Maata aꞌtigʉsaꞌa. Yʉꞌʉ masãrẽ oꞌoatjere cʉoꞌo. Nánʉcʉ̃ na queoro weeꞌquere oꞌogʉti.

Apocalipse 22:20

Jesucristo aꞌtere weregʉ, aꞌtiro nimi: —Tojota niꞌi. Cãꞌrõacã dʉꞌsaꞌa yʉꞌʉ dijatiatjo, nimi. Tojota waꞌarosaꞌa. Wiogʉ Jesú, quero aꞌtibaqueꞌoya.

Apocalipse 3:11

” ’Maata aꞌtigʉti tja. Mʉsã queoro weesetisere ne duꞌuticãꞌña. Mʉsã queoro weetirã, Õꞌacʉ̃ mʉsãrẽ oꞌoboca beꞌto, cʉ̃ “Oꞌogʉti” níꞌquere bajuriobosaꞌa. Ãpẽrãrẽ oꞌobosami. Tojo weerã queoro weenuꞌcũcãꞌña.