2 Corintios 2:12 - Õꞌacʉ̃ Yere Ucũrĩ Turi

¹² Yʉꞌʉ Troa wãmetiri macãpʉ Cristo ye quetire buꞌegʉ etagʉ, aꞌtiro bocaejawʉ. Jesucristo marĩ wiogʉ pãjãrãrẽ cʉ̃ ye quetire tʉꞌosĩꞌrĩcã weecʉ niwĩ.

Tukano

¹² Yɨ'ɨ̂ Trôade wamêtiri makapɨ Cristo yee kitire bu'êgɨ ehâgɨ, a'tîro boka eháwɨ. Jesu Cristo marî wiôgɨ pãharã́re kɨ̃ɨ yeé kitire tɨ'ó sĩ'rikã weékɨ niîwĩ.

2 Corintios 2:12 Iomraidhean Croise

Hechos 14:27

Ti macãpʉ na dajarã, Jesure ẽjõpeorãrẽ neocũu, narẽ werepeꞌocãꞌcãrã niwã Õꞌacʉ̃ na meꞌrã weetamusijaꞌquere. Tojo nicã “Judío masã nitirã quẽꞌrã Jesure ẽjõpeorã weeama aꞌtiro nicãrẽ”, ni quetiwerecãrã niwã narẽ.

Hechos 16:11

Ʉ̃sã Troapʉ níꞌcãrã yucʉsʉ meꞌrã pẽꞌawʉ̃ Samotracia wãmetiri nʉcʉ̃rõpʉre. Tocjãrãta ape nʉmʉ waꞌanemowʉ̃ ape macã Neápoli wãmetiri macãpʉ.

Hechos 16:8

Na to Misia yʉꞌrʉaa, waꞌa, buꞌacãrã niwã Troa wãmetiri macãpʉ.

Hechos 20:8

Ʉ̃sã iꞌtia casatiri wiꞌi buꞌica tucũpʉ nerẽwʉ̃. Ti tucũpʉre peje sĩꞌosepa niwʉ̃. Niꞌcʉ̃ maꞌmʉ Eutico wãmetigʉ ventana sopepʉ dujiwĩ. Pablo yoacã ucũyucã, cʉ̃rẽ wʉja ejayʉꞌrʉacaro niwʉ̃. Cʉ̃ cãrĩyʉꞌrʉmajã waꞌa, bʉrʉdija waꞌawĩ nucũcãpʉ. Ti tucũpʉ níꞌcãrã cʉ̃ tiropʉ dija, cʉ̃ wẽrĩꞌcʉpʉre wejewãꞌcõ dʉpowã.

Romanos 1:1

Yʉꞌʉ Pablo mʉsã Roma wãmetiri macãcjãrã Jesucristore ẽjõpeorãrẽ ojaꞌa. Jesucristo dutiro weewãꞌñacoꞌtegʉ niꞌi. Cʉ̃ yʉꞌʉre Õꞌacʉ̃ masãrẽ yʉꞌrʉose quetire weredutigʉ besecṹúwĩ.

1 Corintios 16:9

Aꞌtore peje daꞌrase niꞌi. Pãjãrã marĩ wiogʉ ye quetire tʉꞌosĩꞌrĩma. Tere cãꞌmotaꞌasĩꞌrĩrã quẽꞌrã pãjãrã nima.

1 Corintios 9:12

Mʉsã ãpẽrãmarĩcãrẽ tojo oꞌosaꞌa. Ʉ̃sã pũrĩcãrẽ tjãsaꞌa. “Ʉ̃sãrẽ oꞌoya”, nímasĩꞌi. Tojo nimirã, “Oꞌoya”, ne niweꞌe. Tojo nírõnojõ oꞌorã, suꞌtinojõ, baꞌasenojõ moorã, tojo nʉꞌcãcãꞌwʉ̃. Aꞌtiro wãcũwʉ̃: “Marĩ sẽrĩcã peꞌere, Cristo ye quetire ʉatibosama”, ni wãcũwʉ̃. Tojo weerã apeyenojõ marĩcã ĩꞌarã, tojo nʉꞌcãcãꞌwʉ̃.

1 Corintios 9:14

Aꞌte weronojõ Jesucristo ye queti wererã quẽꞌrãrẽ “Na te daꞌrase meꞌrã wapataꞌabaꞌato”, nicʉ niwĩ marĩ wiogʉ.

1 Corintios 9:16

Yʉꞌʉ Jesucristo ye quetire weregʉ, tere werese buꞌiri “Ãpẽrã yʉꞌrʉoro añuyʉꞌrʉnʉꞌcãꞌa”, niweꞌe. Te yʉꞌʉ daꞌrase niꞌi. Yʉꞌʉ tere wereticã, ñaꞌarõ waꞌabosaꞌa.

2 Corintios 10:14

Tojo nígʉ̃, nisoogʉ mejẽta weeꞌe. Mʉsã tiropʉ ejagʉ, Õꞌacʉ̃ yʉꞌʉre cũuꞌquere weewʉ. Yʉꞌʉta mʉsãrẽ añuse Cristo masãrẽ yʉꞌrʉomi nise quetire weremʉꞌtãwʉ̃. Tojo weegʉ yʉꞌʉ weeꞌquere queoro ucũꞌu.

2 Corintios 11:4

Mʉsã aꞌtiro weeꞌe. Ãpẽrã mʉsãrẽ mejẽcã werecã, añurõ tʉꞌotʉꞌsaꞌa. Ʉ̃sã Jesú yere werewʉ. Na peꞌe te mejẽtare werema. Mʉsã ne waropʉre Espíritu Santure ñeꞌewʉ̃. Niꞌcãrõacãrẽ Espíritu Santu mejẽtare ñeꞌerã weeꞌe. Na Õꞌacʉ̃ masãrẽ yʉꞌrʉose mejẽtare werecã, añurõ tʉꞌo ẽjõpeoꞌo.

2 Corintios 11:7

Ne waro yʉꞌʉ Õꞌacʉ̃ masãrẽ yʉꞌrʉose quetire mʉsãrẽ weregʉ, wapaseetiwʉ. ¿Mʉsã deꞌro wãcũti? Apetero weegʉ mʉsãrẽ wapaseetigʉ, ¿ñaꞌarõ weegʉ weepari? Yʉꞌʉ daꞌra wapataꞌabaꞌawʉ. Mʉsãrẽ añurõ weesĩꞌrĩgʉ̃, tojo weewʉ.

2 Corintios 4:3

Noꞌo Jesucristo ye quetire tʉꞌoti ẽjõpeotirãnojõ buꞌiri daꞌrenoꞌajã nima.

2 Corintios 4:4

Na ẽjõpeotise ye buꞌiri aꞌti turicjãrã wiogʉ wãtĩ narẽ tʉꞌomasĩtirã, caperi ĩꞌatirã weronojõ dojocã weesami. Cʉ̃, Cristo nipeꞌtirã buꞌipʉ añubutiagʉ nimi nisere ẽjõpeodutitigʉ tojo weesami. Jesucristo masʉ̃ weronojõ upʉtigʉ nicʉ niwĩ. Cʉ̃ Õꞌacʉ̃ warota nimi. Tojo weegʉ masãrẽ Õꞌacʉ̃rẽ masĩcã weecʉ niwĩ.

2 Corintios 8:18

Tito meꞌrã apĩ oꞌónemorãsaꞌa. Cʉ̃ marĩ acaweregʉ Jesucristore ẽjõpeogʉ nimi. Nipeꞌtirã Jesucristore ẽjõpeori curuacjãrã cʉ̃rẽ aꞌtiro ucũma: “Cʉ̃ Jesucristo ye quetire weremeꞌrĩyʉꞌrʉami”, nima.

2 Corintios 9:13

Mʉsã sẽrĩneosere oꞌorã, Cristore queoro ẽjõpeosere narẽ ĩꞌoꞌo. Mʉsã cʉ̃ dutisere yʉꞌticã ĩꞌarã, Õꞌacʉ̃rẽ eꞌcatipeorãsama. Mʉsã pajiro oꞌosere ĩꞌarã, Õꞌacʉ̃rẽ añurõ wãcũrãsama. Tojo nicã nipeꞌtirãrẽ oꞌosere ĩꞌarã, tojo weerãsama.

Colosenses 4:3

Mʉsã Õꞌacʉ̃rẽ sẽrĩrã, ʉ̃sã quẽꞌrãrẽ sẽrĩbosaya. “Pãjãrã Jesucristo ye quetire masĩtirãrẽ tʉꞌosĩꞌrĩcã weeato”, ni sẽrĩbosaya. Cʉ̃ ye queti dʉporocjãrãpʉ na masĩnoꞌña marĩꞌque añuse queti niꞌi. Aꞌte werese ye buꞌirita yʉꞌʉ buꞌiri daꞌreri wiꞌipʉ dujisaꞌa.