2 Corintios 13:7 - Õꞌacʉ̃ Yere Ucũrĩ Turi

⁷ Ʉ̃sã mʉsãrẽ ñaꞌarõ weeticãꞌto nírã Õꞌacʉ̃rẽ sẽrĩbosaꞌa. Cʉ̃rẽ sẽrĩrã, ʉ̃sãrẽ ẽjõpeodutirã mejẽta sẽrĩbosaꞌa. Mʉsã peꞌere queoro weedutirã sẽrĩbosaꞌa. Noꞌo ʉ̃sã queoro weemicãta, “Na queoro weetima” ʉ̃sãrẽ nicã, añucãꞌrõsaꞌa.

Tukano

⁷ Ɨ̃sâ mɨsâre yã'âro weetíkã'ato niîrã Õ'âkɨ̃hɨre sẽri basá'. Kɨ̃ɨ̂re sẽrírã, ɨ̃sâre ẽho peó dutirã meheta sẽri basá'. Mɨsâ pe'ere keoró wee dutírã sẽri basá'. No'ó ɨ̃sâ keoró weemíkãta, “Naâ keoró weetíma” ɨ̃sâre niikã́, ãyúkã'rosa'.

2 Corintios 13:7 Iomraidhean Croise

Mateus 6:13

Ʉ̃sã ñaꞌarõ weesĩꞌrĩsere cãꞌmotaꞌaya. Tojo nicã ñaꞌagʉ̃ ʉ̃sãrẽ niquesãcã, cãꞌmotaꞌaya. Mʉꞌʉ niꞌcʉ̃ta dutimasĩꞌi. Tutuayʉꞌrʉgʉ niꞌi. Mʉꞌʉ niꞌcʉ̃rẽta masã ẽjõpeorãsama. Mʉꞌʉ ninuꞌcũcʉ̃saꞌa’, ni sẽrĩña Õꞌacʉ̃rẽ.

San Juan 17:15

“Narẽ, aꞌti nucũcãpʉ nirãrẽ mʉꞌʉ tiropʉ miaña”, nigʉ̃ mejẽta weeꞌe. Wãtĩ peꞌere cãꞌmotaꞌaya nígʉ̃, tojo niꞌi.

Romanos 1:28

Cʉ̃ weeꞌquere ĩꞌamirã, Õꞌacʉ̃rẽ ẽjõpeosĩꞌrĩtisama. Tojo weegʉ na wãcũmaꞌasere weeato nígʉ̃ cõꞌawãꞌcãcʉ niwĩ. Cʉ̃ narẽ cõꞌacã, totá na ñaꞌarõ weeꞌquere nemopeosama.

Romanos 12:17

Mʉsãrẽ ñaꞌarõ weecã, narẽ aꞌmeticãꞌña. Nipeꞌtirã ĩꞌorõpʉre “Añuse diaꞌcʉ̃ weeroʉasato”, ni wãcũtutuaya.

Romanos 13:13

Ʉmʉco, bajuyoropʉ weesetironojõ weeroʉaꞌa. Bosenʉmʉ nicã queꞌa, caricũticãꞌrã. Numia meꞌrã ñaꞌarõ weeticãꞌrã. Numia quẽꞌrã, ʉmʉa meꞌrã ñaꞌarõ weeticãꞌña. Aꞌpepũrĩse meꞌrã tʉꞌoñaꞌticãꞌrã. Ãpẽrã yere ʉoticãꞌrã.

Romanos 16:10

Apeles quẽꞌrã añuato. Cʉ̃ Jesucristore añurõ ẽjõpeomi. Nipeꞌtise cʉ̃ weesere ĩꞌarã, “Jesucristore añurõ ẽjõpeogʉ nimi”, ni ĩꞌaꞌa. Aristóbulo ya wiꞌicjãrã quẽꞌrã añuato.

1 Corintios 11:19

Mʉsã aꞌtiro ni wãcũsaꞌa: “Marĩ dʉcawatiwijaroʉaꞌa. Te meꞌrã ¿noa peꞌe Jesucristo yarã waro nitito? nisere ĩꞌorãsaꞌa”, nisaꞌa.

2 Corintios 10:10

Ãpẽrã yʉꞌʉre aꞌtiro nisama: “Cʉ̃ ojase tutuabutiaꞌa. Cʉ̃ bajuyoropʉma tutuatʉꞌsatigʉ bajumimi. Cʉ̃ ucũse quẽꞌrãrẽ sõꞌowaro tʉꞌsaya marĩꞌi”, nisama.

2 Corintios 10:18

Niꞌcʉ̃ cʉ̃ basu ucũgʉ̃, “Yʉꞌʉ añurõ weeꞌe” nigʉ̃nojõrẽ “Cʉ̃ añugʉ̃ nimi”, nita basioweꞌe. Jesucristo marĩ wiogʉ “Añugʉ̃ nimi” ninoꞌgʉ̃ peꞌe añugʉ̃ nimi.

2 Corintios 13:6

Ʉ̃sã Jesucristore diacjʉ̃ta ẽjõpeoꞌo. Cʉ̃ yarã niꞌi. Mʉsãrẽ tere masĩcã ʉaꞌa.

2 Corintios 13:8

Aꞌtiro niꞌi. Õꞌacʉ̃ ye diacjʉ̃ cjaseta niꞌi. Mʉsã tere queoro weecã ĩꞌarã, “Aꞌtiro peꞌe weeya”, nisome. Ʉ̃sã tereta ʉasãꞌa.

2 Corintios 13:9

Mʉsã ʉ̃sãrẽ ĩꞌarã, “Na tutuatirã, dutimasĩtirã nima”, niꞌi. Mʉsã peꞌe tutuarã nicã, añu niꞌi. Tere ĩꞌarã, ʉ̃sã eꞌcatirãsaꞌa. Mʉsãrẽ Õꞌacʉ̃ nipeꞌtisere cʉ̃ ʉaronojõ weecã ʉarã, sẽrĩbosaꞌa.

2 Corintios 6:4

Aꞌtiro peꞌe weeꞌe. Nipeꞌtise ʉ̃sã weese meꞌrã Õꞌacʉ̃rẽ daꞌracoꞌtesere ĩꞌoꞌo. Piꞌetirã, tojo ĩꞌoꞌo. Ʉ̃sãrẽ apeyenojõ dʉꞌsacã, tojo tʉꞌoñaꞌcãꞌa. Mejẽcã waꞌacã, nʉꞌcãꞌa.

2 Corintios 8:21

Aꞌtere wéérã, ʉ̃sã marĩ wiogʉ ĩꞌorõpʉre queoro weesĩꞌrĩꞌi. Tojo nicã masã ĩꞌorõpʉ quẽꞌrãrẽ queoro weesĩꞌrĩꞌi.

Filipenses 4:8

Acawererã, yʉꞌʉ aꞌtiro ojatʉogʉti. Nipeꞌtise diacjʉ̃ nisere wãcũña. Nipeꞌtise aꞌteta wiopesaꞌa nisere wãcũña. Queorota nitʉꞌsaꞌa nisere wãcũña. Añuse warore wãcũña. Añuse tʉꞌsasere wãcũña. Masã añurõ ucũnoꞌsere wãcũña. Nipeꞌtise añusere, eꞌcatipeosenojõrẽ wãcũña.

1 Tesalonicenses 5:23

Õꞌacʉ̃ ejerisãjãsere oꞌogʉ mʉsãrẽ aꞌtiro weeato. Siape meꞌrã añurõ, ñaꞌase marĩrõ, cʉ̃ ʉaro diaꞌcʉ̃ weecã weeato. Mʉsã ejeripõꞌrãrĩrẽ, mʉsã wãcũsere, nipeꞌtiro mʉsã upʉre coꞌteato. Cʉ̃ aꞌtiro weecã, marĩ wiogʉ Jesucristo apaturi aꞌtigʉ, mʉsãrẽ buꞌiri marĩrã bocaejagʉsami.

1 Timoteo 2:2

Wiorãrẽ, nipeꞌtirã dutiri masãrẽ sẽrĩbosato. Marĩ tojo weerã aꞌmequẽse marĩrõ nirãsaꞌa. Nipeꞌtise Õꞌacʉ̃ dutisere queoro weemasĩrãsaꞌa. Masã meꞌrã queoro nisetirãsaꞌa.

2 Timoteo 2:15

Mʉꞌʉ peꞌe Õꞌacʉ̃ yere añurõ buꞌeya. Tojo nicã cʉ̃ yere queoro weeya. Mʉꞌʉ tojo weecã ĩꞌagʉ̃, mʉꞌʉrẽ “Añurõ weemi”, nigʉ̃sami. Queoro wéégʉ, mʉꞌʉ daꞌrasere bopoyasome. Diacjʉ̃ cjasere Jesucristo ye quetire queoro wereturiaya.

2 Timoteo 4:18

Tojo nicã nipeꞌtise yʉꞌʉre beꞌropʉ ñaꞌarõ weeatjere yʉꞌrʉweticã weegʉsami. Ʉꞌmʉsepʉ cʉ̃ wiogʉ nirõpʉ yʉꞌʉre miagʉ̃sami. Masã Õꞌacʉ̃rẽ añurõ ucũnuꞌcũato. Tojota waꞌato.

Santiago 1:12

Jesucristore ẽjõpeogʉ cʉ̃rẽ ñaꞌarõ waꞌamicã ẽjõpeonuꞌcũgʉ̃, eꞌcatisami. Cʉ̃ wãcũtutuaca beꞌro Õꞌacʉ̃ cʉ̃rẽ “Queoro weemi”, nisami. Tojo weegʉ cʉ̃ meꞌrã ʉꞌmʉsepʉ catinuꞌcũgʉ̃sami. Õꞌacʉ̃ “Yʉꞌʉre ẽjõpeorãrẽ catinuꞌcũsere oꞌogʉti” níꞌcaronojõta oꞌogʉsami.

1 Pedro 2:12

Mʉsã Jesucristore ẽjõpeotirã waꞌteropʉ nisaꞌa. Cʉ̃rẽ ẽjõpeose buꞌiri mʉsãrẽ “Ñaꞌarã nima”, ni ucjasama. Mʉsã na waꞌteropʉre añurõ nisetiya. Tojo weecã, na tojo ucjamirã, mʉsã añurõ weesetisere ĩꞌarãsama. Tere ĩꞌarã, siape meꞌrã pãjãrã Jesucristore ẽjõpeorãsama. Tojo weerã cʉ̃ apaturi aꞌticã, mʉsã weronojõta na quẽꞌrã Õꞌacʉ̃rẽ “Mʉꞌʉ añugʉ̃, tutuagʉ niꞌi”, ni ẽjõpeorãsama.