2 Corintios 13:5 - Õꞌacʉ̃ Yere Ucũrĩ Turi

⁵ Mʉsã “¿Jesucristore ẽjõpeorãta nimiti ʉ̃sã?” ni, mʉsã basu beseya. ¿Ʉ̃sã ẽjõpeose diacjʉ̃ta nimitito? nírã, tojo wãcũña. ¿Ʉ̃sãpʉre Jesucristo diacjʉ̃ta nimiti? nírã, tʉꞌoñaꞌrẽ mʉsã. Apetero weerã cʉ̃rẽ ẽjõpeotirã, ẽjõpeotisaꞌa mʉsã.

Tukano

⁵ Mɨsâ “Jesu Cristore ẽho peórãta niîmiti ɨ̃sa?” niî, mɨsâ basi beseyá. Ɨ̃sâ ẽho peóse diakɨ̃hɨ́ta niîmitito? niîrã, tohô wãkûya. Ɨ̃sâpɨre Jesu Cristo diakɨ̃hɨ́ta niîmiti kɨ̃ɨ? niîrã, tɨ'ó yã'aya. Apé tero weérã kɨ̃ɨ̂re ẽho peótirã, ẽho peótisa' mɨsa.

2 Corintios 13:5 Iomraidhean Croise

San Juan 14:23

Jesú cʉ̃rẽ niwĩ: —Yʉꞌʉre maꞌigʉ̃ yʉꞌʉ dutisere weemi. Yʉꞌʉ pacʉ cʉ̃rẽ maꞌigʉ̃sami. Ʉ̃sã pʉarãpʉta cʉ̃ meꞌrã nirãsaꞌa.

San Juan 15:4

Yʉꞌʉ mʉsãpʉre ninuꞌcũgʉ̃saꞌa. Mʉsã quẽꞌrã yʉꞌʉ meꞌrãcjãrã ninuꞌcũcãꞌña. Niꞌcã dʉpʉ yucʉgʉpʉ aꞌmesʉꞌatimirõ dʉcatitisaꞌa. Aꞌte weronojõ mʉsã yʉꞌʉ meꞌrã ninuꞌcũtirã, ne añurõ weemasĩsome.

San Juan 17:23

Yʉꞌʉ napʉre niꞌi. Mʉꞌʉ peꞌe yʉꞌʉpʉre niꞌi. Tojo weerã na niꞌcãrõ meꞌrã nirãsama. Tojo waꞌacã ĩꞌarã, aꞌti nucũcãcjãrã mʉꞌʉ yʉꞌʉre oꞌóꞌquere masĩrãsama. Apeyere, mʉꞌʉ yʉꞌʉre maꞌirõnojõta “Marĩrẽ maꞌimi”, nirãsama.

San Juan 17:26

Mʉꞌʉ nisetisere narẽ masĩcã weewʉ. Tojo masĩcã weenuꞌcũcʉ̃ti. Mʉꞌʉ yʉꞌʉre maꞌirõnojõta na quẽꞌrãrẽ aꞌmerĩ maꞌidutigʉ tojo weeꞌe. Tojo nicã yʉꞌʉ na meꞌrã ninuꞌcũgʉ̃ti nígʉ̃, tojo weeꞌe, niwĩ Jesú.

San Juan 6:56

Yé upʉre baꞌagʉ, yé díre sĩꞌrĩgʉ̃ yʉꞌʉ meꞌrã nimi. Yʉꞌʉ quẽꞌrã cʉ̃ meꞌrã niꞌi.

San Juan 6:6

Felipere ¿deꞌro yʉꞌtigʉsari? nígʉ̃, tojo sẽrĩtiñaꞌwĩ. Jesú peꞌe cʉ̃ weeatjere masĩyutojacʉ niwĩ.

Romanos 1:28

Cʉ̃ weeꞌquere ĩꞌamirã, Õꞌacʉ̃rẽ ẽjõpeosĩꞌrĩtisama. Tojo weegʉ na wãcũmaꞌasere weeato nígʉ̃ cõꞌawãꞌcãcʉ niwĩ. Cʉ̃ narẽ cõꞌacã, totá na ñaꞌarõ weeꞌquere nemopeosama.

Romanos 8:10

Marĩ ñaꞌarõ weese wapa marĩ upʉ boadijatji upʉ niꞌi. Tojo boadijatji upʉ nimicã, Jesucristo marĩpʉre niyucã, Õꞌacʉ̃ marĩrẽ “Añurã, buꞌiri marĩrã nima”, ni ĩꞌasami. Tojo weero marĩ upʉ boamicã, marĩ ejeripõꞌrã ʉꞌmʉsepʉ catinuꞌcũcãꞌrõsaꞌa.

1 Corintios 11:28

Aꞌtiro niꞌi. Marĩ Jesucristore ẽjõpeorã nerẽwʉarã, niꞌcã curua, niꞌcã upʉ niꞌi. Marĩ wiogʉ ya upʉ niꞌi. Marĩ tere queoro wãcũtimirã, pã́rẽ baꞌa, ti pare sĩꞌrĩcã, Õꞌacʉ̃ buꞌiri daꞌresami. Tojo weerã nipeꞌtirã marĩ põtẽrĩati dʉporo marĩ weesere ¿ñaꞌarõ weecãti? nírã, wãcũmʉꞌtãrõʉaꞌa. Tojo wééca beꞌropʉ pã́rẽ baꞌa, ti pare sĩꞌrĩmasĩꞌi.

1 Corintios 11:31

Marĩ põtẽrĩse dʉporo wãcũmʉꞌtãcãma, Õꞌacʉ̃ tojo buꞌiri daꞌretibosami.

1 Corintios 3:16

¿Mʉsã masĩweti? Mʉsã Õꞌacʉ̃ wiꞌi weronojõ niꞌi. Espíritu Santu mʉsãpʉre nimi.

1 Corintios 6:15

¿Mʉsã masĩweti? Mʉsã ya upʉ, Cristo ya upʉ meꞌrã aꞌmesʉꞌaꞌa. Marĩ tojo niꞌi nírã, Cristo ya upʉre aꞌtiro weeta basioweꞌe. Aꞌmetãrãwapataꞌari masõ ya upʉ meꞌrã ti upʉre aꞌmesʉꞌota basioweꞌe.

1 Corintios 6:19

¿Mʉsã masĩweti? Marĩrẽ Õꞌacʉ̃ Espíritu Santure oꞌócʉ niwĩ. Marĩ ya upʉ Espíritu Santu ya wiꞌi niꞌi. Tojo weerã marĩ upʉ meꞌrã noꞌo ʉaro weemasĩweꞌe. Jesucristo marĩrẽ maꞌígʉ̃, cʉ̃ yarã niato nígʉ̃ wẽrĩ wapayecʉ niwĩ. Tojo weerã marĩ upʉ meꞌrã Õꞌacʉ̃ cʉ̃ ʉaro peꞌe weemasĩꞌi. Aꞌtiro weecã, ãpẽrã cʉ̃rẽ añurõ wãcũrãsama.

1 Corintios 6:2

Mʉsã masĩsaꞌa. Aꞌti turi peꞌtíca beꞌro Jesucristo yarã aꞌti turicjãrãrẽ beserãsama. Mʉsã aꞌti turicjãrãrẽ beserãsama nírã, to pũrĩcãrẽ ¿deꞌro weerã aꞌteacãrẽ besemasĩweti?

1 Corintios 9:24

Aꞌtere queose meꞌrã wereꞌe. Omawapataꞌari masã nipeꞌtirã omasama. Nipeꞌtirã omamirã, niꞌcʉ̃ta wapataꞌasami. Mʉsã tere masĩꞌi. Mʉsã quẽꞌrã nipeꞌtirã wapataꞌasĩꞌrĩrã, wapataꞌari masʉ̃ weronojõ omaña. Mʉsãrẽ Õꞌacʉ̃ oꞌoatjere wapataꞌasĩꞌrĩrã, cʉ̃ ʉaro weeya.

1 Corintios 9:27

Yʉꞌʉ ʉaro diaꞌcʉ̃ weeweꞌe. Ñaꞌarõ ʉaripejasere weeweꞌe. Wãcũtutuaꞌa. Tojo weeticãma, Jesucristo ye quetire ãpẽrãrẽ werecã, Õꞌacʉ̃ yʉꞌʉre “Añurõ weewʉ”, nitibosami. Añuse yʉꞌʉre oꞌoboꞌquere oꞌotibosami.

2 Corintios 6:16

Õꞌacʉ̃ wiꞌi, tojo nicã ẽjõpeose queose yeeꞌque meꞌrã ne niꞌcãrõnojõ niweꞌe. Mʉsã peꞌe Õꞌacʉ̃ wiꞌi cʉ̃ nirõpʉ weronojõ niꞌi. Cʉ̃ catinuꞌcũgʉ̃ nimi. Cʉ̃ aꞌtiro nicʉ niwĩ: Yʉꞌʉ na tiropʉ ni, na meꞌrã ninuꞌcũgʉ̃saꞌa. Na wiogʉ nigʉ̃saꞌa. Na quẽꞌrã yarã nirãsama, nicʉ niwĩ.

Gálatas 2:20

Jesucristo curusapʉ wẽrĩcʉ niwĩ. Yʉꞌʉ cʉ̃rẽ ẽjõpeogʉ, cʉ̃ meꞌrã wẽrĩgʉ̃ weronojõ waꞌacʉ niwʉ̃. Tojo weegʉ yʉꞌʉ seꞌsaro niweꞌe. Niꞌcãrõacãrẽ Jesucristo yʉꞌʉre sʉꞌori nimi. Yʉꞌʉ cʉ̃ ʉaro, cʉ̃ dutiro weeꞌe. Õꞌacʉ̃ macʉ̃rẽ ẽjõpeogʉ, wãcũtutuaꞌa. Cʉ̃ yʉꞌʉre maꞌígʉ̃, ñaꞌarõ weeꞌquere wẽrĩ wapayebosacʉ niwĩ.

Gálatas 4:19

Yʉꞌʉ meꞌrã mʉsã tʉꞌsatimicã, yʉꞌʉ põꞌrãrẽ weronojõ maꞌiꞌi. Mʉsãrẽ wãcũgʉ̃, pũrõ bʉjawetiꞌi. Niꞌcõ nijĩpaco co macʉ̃rẽ wʉatji dʉporoacã pũrĩse piꞌetisamo. Co weronojõta yʉꞌʉ quẽꞌrã mʉsã Jesucristore ẽjõpeocã ʉasãgʉ̃, pũrõ piꞌetiꞌi. Mʉsã Jesucristo weronojõ nisetica beꞌropʉ ejerisãjãgʉ̃ti.

Gálatas 6:4

Marĩnʉcʉ̃ ¿añurõ weemiti yʉꞌʉ? nígʉ̃, marĩ weesere beseroʉaꞌa. Añurõ wééca beꞌro “Ãpẽrã yʉꞌrʉoro añurõ weeapã” nirṍ marĩrõ marĩ ye peꞌere eꞌcatiroʉaꞌa.

Efesios 3:17

Mʉsã Cristore ẽjõpeo, nemorõ cʉ̃ meꞌrã añurõ niato nígʉ̃ sẽrĩbosaꞌa. Apeyema, mʉsã Cristore, tojo nicã ãpẽrãrẽ añurõ maꞌicã ʉagʉ sẽrĩbosaꞌa.

Colosenses 1:23

Mʉsã cʉ̃ ye quetire ẽjõpeonuꞌcũcã, cʉ̃ ʉaro weenuꞌcũcã, tojo weegʉsami. Ãpẽrã mʉsãrẽ mejẽcã werecã, cʉ̃ ye quetire ne cõꞌaticãꞌña. Aꞌtere nipeꞌtirocjãrãpʉ tʉꞌorã weema. Yʉꞌʉ quẽꞌrã aꞌte quetire weretamusijagʉta niꞌi.

Colosenses 2:19

Na Jesucristore sirututima. Marĩ pũrĩcã Jesucristo ya curuacjãrã niꞌi. Cʉ̃́ta nimi marĩ dʉpoá. Marĩrẽ cʉ̃ masĩsere, tutuasere oꞌosami. Te meꞌrã marĩ ʉmʉcorinʉcʉ̃ Õꞌacʉ̃ ʉaronojõ nemorõ aꞌmerĩ maꞌi, weetamumasĩꞌi.

Colosenses 2:7

Cʉ̃rẽ nemorõ masĩnemoña. Mʉsãrẽ buꞌeꞌcaronojõta cʉ̃rẽ ẽjõpeonemoña. Ʉmʉcorinʉcʉ̃ Õꞌacʉ̃rẽ “Añuꞌu”, ni eꞌcatise oꞌoya.

1 Timoteo 2:15

Tojo nimicã, Õꞌacʉ̃ numiarẽ yʉꞌrʉogʉsami. Na põꞌrãticã, narẽ añurõ yʉꞌrʉweticã weegʉsami. Na cʉ̃rẽ ẽjõpeocã, masãrẽ maꞌicã, tojo weegʉsami. Na queoro wãcũyu, weeseticã, Õꞌacʉ̃ cʉ̃ ʉaro weenuꞌcũcã, yʉꞌrʉweticã weegʉsami.

2 Timoteo 3:8

Numiarẽ nisoori masã pʉarã Janes, Jambres weronojõ nima. Na dʉporopʉ Moisé nícateropʉre na Egiptocjãrã tʉꞌoñaꞌrĩ masã nicãrã niwã. Na Moisére ĩꞌatuꞌticãrã niwã. Diacjʉ̃ cjasere ne ʉaticãrã niwã. Na weronojõ ãꞌrã quẽꞌrã diacjʉ̃ cjasere ʉatima. Ñaꞌarõ wãcũpoꞌcãrã ne queoro ẽjõpeomasĩtima.

Tito 1:13

Cʉ̃ narẽ diacjʉ̃ta ojacʉ niwĩ. Tojota nima. Tojo weegʉ tocjãrã Jesucristore ẽjõpeorã ñaꞌarõ weesetirãrẽ tuꞌtiya. Narẽ queoro ẽjõpeodutigʉ tojo weeya.

Tito 1:16

Na “Õꞌacʉ̃rẽ masĩꞌi”, nimima, nírã. Marĩ peꞌe na weesetisere ĩꞌarã, masĩꞌi. “Na cʉ̃rẽ masĩtisama”, ninoꞌo. Na ñaꞌayʉꞌrʉarã, Õꞌacʉ̃ dutisere yʉꞌrʉnʉꞌcãrã, ne cãꞌrõ añurõ weemasĩtisama.

Tito 2:2

Aꞌtiro buꞌeya. Bʉcʉrã ʉmʉa wiopesase meꞌrã weesetiato. Na wiopesase meꞌrã ĩꞌanoꞌato. Añurõ wãcũyu weesetirãnojõ niato. Apeyere queoro ẽjõpeoato. Aꞌmerĩ maꞌisetiato. Mejẽcã waꞌacã, nʉꞌcãpoato.

Hebreos 12:15

Mʉsã tʉꞌomasĩña. Apetero mʉsã ñaꞌarõ weese buꞌiri Õꞌacʉ̃ weetamusere ʉatirã weronojõ waꞌabosaꞌa. Ne niꞌcʉ̃ Õꞌacʉ̃ añurõ weesere ʉatigʉnojõ marĩato. Tojo nicã mʉsã wãcũsepʉ ãpẽrãrẽ ʉose, aꞌpepũrĩse, nipeꞌtise ãpẽrãrẽ ñaꞌarõ weese wãꞌcãcã weeticãꞌña. Siape meꞌrã tojo weesere cãꞌmotaꞌatirã, pãjãrãrẽ dojorẽbosaꞌa.

Hebreos 4:1

Õꞌacʉ̃ dʉporocjãrãrẽ “Soo, eꞌcatitamurã aꞌtia”, nicʉ niwĩ. Aꞌtiro nicã marĩ quẽꞌrãrẽ mejãrõta nigʉ̃ weemi. Apetero weerã niꞌcãrẽrã mʉsã tiropʉ nirã́ cʉ̃ meꞌrã soo, eꞌcatitamutibosama. Tojo weerã nʉcʉ̃ĩꞌase meꞌrã cʉ̃rẽ yʉꞌtiroʉaꞌa.

Hebreos 6:8

Ãpẽrã peꞌe ñaꞌase diꞌta weronojõ nima. Ñaꞌase diꞌtapʉre acoro pejamicã, pota, ñaꞌase diaꞌcʉ̃ bajuasaꞌa. Ti diꞌta wapamarĩꞌi. Ti diꞌta wiogʉ tere ĩꞌagʉ̃, “Ñaꞌase niꞌi, ʉ̃jʉ̃acõꞌarã”, nisami. Cʉ̃ níꞌcaronojõ Õꞌacʉ̃ quẽꞌrã cʉ̃rẽ ẽjõpeoduꞌurãrẽ mejãrõta nisami.

Santiago 4:4

Tojo weerã mʉsã niꞌcõ numio marãpʉtigo nimigõta, apĩrẽ tʉꞌsago weronojõ niꞌi. Mʉsã Õꞌacʉ̃ põꞌrã nimirãta, aꞌti diꞌta cjasere wãcũyʉꞌrʉnʉꞌcãsaꞌa. Tojo weerã Õꞌacʉ̃rẽ yabirã weronojõ niꞌi. Noꞌo aꞌti diꞌta cjasere ʉaripejayʉꞌrʉnʉꞌcãgʉ̃nojõ Õꞌacʉ̃ meꞌrã aꞌpepũrĩgʉ̃ weesami.

1 Pedro 5:9

Wãtĩ dutisere weeticãꞌña. Wãcũtutuaya. Jesucristore ẽjõpeonuꞌcũcãꞌña. Wãtĩ mʉsã diaꞌcʉ̃rẽ ñaꞌarõ weegʉ weetimi. Nipeꞌtirocjãrãpʉ Jesucristore ẽjõpeorãrẽ tojo weegʉ weemi. Na quẽꞌrã mʉsã piꞌetironojõta piꞌetirã weema. Tojo weerã wãcũtutuaya.

Apocalipse 2:5

Tojo weerã mʉsã ne waropʉ añurõ weeꞌquere wãcũña. Mʉsã ñaꞌarõ weeꞌquere bʉjawetiya. Ne waropʉ nisetiꞌquereta weeya tja. Mʉsã dʉcayuticã, mʉsã ya curuacjãgʉ̃ sĩꞌocjʉre cõꞌagʉ̃ti.