2 Corintios 11:3 - Õꞌacʉ̃ Yere Ucũrĩ Turi

³ Tojo ʉamigʉ̃, mʉsãrẽ aꞌtiro waꞌacã uisaꞌa. Pĩrõ cʉ̃ niquesãse meꞌrã Evare nisoo ẽjõpeocã weecʉ niwĩ. Mʉsã quẽꞌrã co weronojõ ãpẽrã nisoosere ẽjõpeobosaꞌa. Mʉsã Cristore queoro ẽjõpeomiꞌquere duꞌubosaꞌa. Tojo weegʉ uisaꞌa.

Tukano

³ Tohô ɨamígɨ, mɨsâre a'tîro wa'akã́ uísa'. Pĩrô kɨ̃ɨ̂ niî kehe sãase me'ra Evare niî soo ẽho peókã weékɨ niîwĩ. Mɨsá kẽ'ra koô weeró noho ãpêrã niî soosere ẽho peó boosa'. Mɨsâ Cristore keoró ẽho peómi'kere du'u boósa'. Tohô weégɨ uísa'.

2 Corintios 11:3 Iomraidhean Croise

Génesis 3:1

Ʉmʉ, numio Õꞌacʉ̃ cʉ̃ narẽ weebosáca wesepʉ nicãrã niwã. Topʉ na niseti, na pʉarã nirĩ curare, niꞌcʉ̃ pĩrõ numio tiropʉ etacʉ niwĩ. Cʉ̃ nipeꞌtirã waꞌicʉrã yʉꞌrʉoro nisoomeꞌrĩgʉ̃ nicʉ niwĩ. Co tiro etagʉ, core sẽrĩtiñaꞌcʉ niwĩ: —¿Nirõta Õꞌacʉ̃ mʉsãrẽ aꞌtepagʉ dʉcare baꞌadutitiati? nicʉ niwĩ.

Génesis 3:13

Cʉ̃ tojo nicã tʉꞌogʉ, co numiorẽ sẽrĩtiñaꞌcʉ niwĩ: —¿Mʉꞌʉ deꞌro weego tojo weeati? Co cʉ̃rẽ yʉꞌtico niwõ: —Pĩrõ yʉꞌʉre nisooami. Yʉꞌʉ tojo weego baꞌasʉ, ni yʉꞌtico niwõ.

Génesis 3:20

Adã́ cʉ̃ nʉmorẽ Eva wãme õꞌocʉ niwĩ. “Co nipeꞌtirã paco nigõsamo,” nígʉ̃, tojo wãme õꞌocʉ niwĩ.

Génesis 3:4

Co tojo nicã tʉꞌogʉ, añurõ nisoomeꞌrĩse meꞌrã core nicʉ niwĩ: —Wẽrĩsome.

Mateus 24:24

Pãjãrã nisoori masã aꞌtirãsama. Aꞌtiro nirãsama: “Yʉꞌʉ Õꞌacʉ̃ beseꞌcʉ Cristo niꞌi. Õꞌacʉ̃ ye quetire weremʉꞌtãrĩ masʉ̃ niꞌi”, nisoorãsama. Narẽ ẽjõpeocã weesĩꞌrĩrã, peje weeĩꞌose ĩꞌorãsama. Basiocãma, Õꞌacʉ̃ cʉ̃ beseꞌcãrãpʉreta ẽjõpeoduꞌucã weesĩꞌrĩrãsama.

San Juan 8:44

Mʉsã pacʉ wãtĩ nimi. Mʉsã cʉ̃ yarã niꞌi. Tojo weerã cʉ̃ ʉaro weesĩꞌrĩꞌi. Cʉ̃ ne waropʉta masãrẽ wẽjẽcõꞌagʉ̃ nitojacʉ niwĩ. Cʉ̃ ne cãꞌrõacã diacjʉ̃ cjasere weetimi. Ne niꞌcãti diacjʉ̃ ucũtisami. Cʉ̃ nisoogʉ nimi. Tojo weegʉ nisoose meꞌrãta ucũsami. Cʉ̃ nisoosepijatjĩagʉ̃, nisoose wiogʉ nimi.

Romanos 12:8

Ãpẽrãrẽ wãcũtutuacã weemasĩgʉ̃nojõ añurõ weeya. Ãpẽrãrẽ niyeru o apeyenojõ oꞌodutise cʉogʉnojõ eꞌcatise meꞌrã oꞌoya. “Ãpẽrãrẽ niyeru oꞌoapʉ” nirṍ marĩrõ oꞌoya. Noꞌo sʉꞌori dutimeꞌrĩgʉ̃nojõ añurõ weeya. Noꞌo pajañaꞌsere cʉogʉnojõ eꞌcatise meꞌrã weetamuña.

2 Corintios 1:12

Apeyere ʉ̃sã pũrõ eꞌcatiꞌi. Ʉ̃sã aꞌti nucũcãpʉre weesooro marĩrõ añurõ weesetiwʉ. Mʉsã waꞌteropʉ quẽꞌrãrẽ tojota weewʉ. Tojo weerã ʉ̃sã buꞌiri marĩrã añurõ tʉꞌoñaꞌa. Ʉ̃sã basu ʉ̃sã masĩse meꞌrã weetiwʉ. Õꞌacʉ̃ weetamuse meꞌrã weewʉ.

2 Corintios 11:20

Mʉsã aꞌtiro weeꞌe. Ãpẽrã mʉsãrẽ dutipecã, nʉꞌcãsaꞌa. Noꞌo mʉsã yere miiwapacã, nʉꞌcãsaꞌa. Noꞌo tojo weetirã, mʉsãrẽ mejõ nirã weecã, nʉꞌcãsaꞌa. Tʉꞌomasĩtirãrẽ weronojõ ĩꞌacõꞌacã, nʉꞌcãsaꞌa. Noꞌo mʉsãrẽ diapoapʉ paacã quẽꞌrãrẽ, nʉꞌcãcãꞌsaꞌa. Tojo weese nipeꞌtisere nʉꞌcãpeꞌocãꞌsaꞌa.

2 Corintios 11:29

Noꞌo tutuatigʉnojõ nicã, yʉꞌʉ quẽꞌrã cʉ̃ tutuatisere tʉꞌoñaꞌtamuꞌu. Niꞌcʉ̃ Jesucristore ẽjõpeogʉre ãpẽrã ñaꞌarõ weeduticã, cʉ̃ ñaꞌarõ weecã, yʉꞌʉ bopoyasãꞌa. Cʉ̃rẽ ñaꞌarõ weecã weerã́ meꞌrã uaꞌa.

2 Corintios 2:17

Pãjãrã aꞌtiro weema. Õꞌacʉ̃ ye quetire wérérã, wapataꞌase diaꞌcʉ̃rẽ wãcũma. Ʉ̃sã na weronojõ weeweꞌe. Õꞌacʉ̃ oꞌóꞌcãrã Cristore daꞌracoꞌterã niꞌi. Tojo weerã Õꞌacʉ̃ ĩꞌorõpʉre cʉ̃ ye quetire queoro wereꞌe.

2 Corintios 4:2

Bopoyoro weesere, tojo nicã masã ĩꞌatiropʉ weesere yabi niꞌi. Õꞌacʉ̃ weredutiꞌquere nisoose meꞌrã wereweꞌe. Tere dʉcayuro marĩrõ, queoro diaꞌcʉ̃ wereꞌe. Õꞌacʉ̃ ĩꞌorõpʉre tojo weeꞌe. Tojo weerã ʉ̃sã weresere “Diacjʉ̃ta werema”, nisama.

Gálatas 1:6

Õꞌacʉ̃ mʉsãrẽ maꞌígʉ̃, besecʉ niwĩ. Jesucristo cʉ̃ wẽrĩse meꞌrã mʉsãrẽ yʉꞌrʉocʉ niwĩ. Cʉ̃ tojo weemicã, mʉsã peꞌe maata waro cʉ̃rẽ ẽjõpeoduꞌurã weeꞌe. Apeye buꞌese peꞌere siruturã weeꞌe. Mʉsã tojo weecã tʉꞌogʉ, ʉpʉtʉ ʉcʉasaꞌa.

Gálatas 2:4

Wiorã peꞌe “Titore õꞌrẽcjʉ yapa caserore yejecõꞌarõʉaꞌa” nitimicã, ãpẽrã tojo nicoꞌterã peꞌe “Cʉ̃rẽ yejecõꞌarõʉaꞌa”, niwã. Na Jesucristore ẽjõpeotaꞌsarã, Jesucristore ẽjõpeorã meꞌrã aꞌmesʉꞌawã. Tojo nitaꞌsa, ĩꞌaduꞌtiri masã niwã. Na ʉ̃sã Jesucristore ẽjõpeorã weesetisere ĩꞌawã. Ʉ̃sã cʉ̃rẽ ẽjõpeorã Moisé dutise doca niticã ĩꞌawã. Tere ĩꞌarã, ʉ̃sãrẽ ʉ̃sã ñecʉ̃sʉmʉarẽ dutimʉjãtiꞌquere weedutisĩꞌrĩmiwã tja. Moisé cʉ̃ dutiꞌque doca cũusĩꞌrĩmiwã tja.

Gálatas 3:1

Mʉsã Galaciacjãrã Jesucristore ẽjõpeoduꞌurã, tʉꞌomasĩtibutiarã weronojõ weerã weeꞌe. ¿Noa mʉsãrẽ nisoosijamirĩto mejẽcã ẽjõpeodutirã? Ʉ̃sã topʉre nírã, mʉsãrẽ Jesucristo cʉ̃ curusapʉ wẽrĩsere queoro werewʉ. Mʉsã añurõ ʉ̃sã weresere tʉꞌowʉba.

Gálatas 4:11

¿Yʉꞌʉ mʉsãrẽ mejõ waro buꞌepari? nígʉ̃, ñaꞌarõ tʉꞌoñaꞌsaꞌa.

Efesios 4:14

Tojo weerã wĩꞌmarã weronojõ dʉcayumʉjãrã nisome. Nipeꞌtisetiri maꞌma buꞌesere tʉꞌorã, naꞌirõ dʉcayumʉjãsome. Nisoomeꞌrĩrĩ masã marĩrẽ mejẽcã ẽjõpeocã weesome.

Efesios 4:22

Mʉsã todʉporopʉ weesetiꞌquema duꞌucãꞌña majã. Mʉsã “Ñaꞌarõ ʉaripejasere wéérã, eꞌcatirãsaꞌa”, ni wãcũmipã. Niweꞌe. Tojo weese mʉsãrẽ dojorẽpã.

Efesios 6:24

Õꞌacʉ̃ nipeꞌtirã Jesucristore maꞌinuꞌcũrãrẽ añurõ weeato. Tocãꞌrõta ojaꞌa. Pablo

Colosenses 2:18

Ãpẽrã mʉsãrẽ aꞌtiro nisoobosama: “Ʉ̃sã añurã niꞌi. Õꞌacʉ̃ ʉ̃sãrẽ añurõ wãcũato nírã beꞌti ñubueꞌe. Õꞌacʉ̃rẽ werecoꞌterãrẽ ñubuepeoꞌo. Ʉ̃sã cãrĩtimirã quẽꞌese weronojõ Õꞌacʉ̃ yere ĩꞌaꞌa. Tojo wéérã, ʉ̃sã ãpẽrã yʉꞌrʉoro Õꞌacʉ̃ ye cjasere añurõ masĩꞌi. Mʉsã quẽꞌrã tojota weeya. Mʉsã aꞌtere weetirã, buꞌiri cʉorãsaꞌa”, nibosama. Mʉsãrẽ tojo nicã, ne ẽjõpeoticãꞌña. “Masĩrã waro niꞌi ʉ̃sã”, ni wãcũsama. Tojo nimaꞌacãrã weema. Aꞌte masã wãcũse diaꞌcʉ̃ niꞌi.

Colosenses 2:4

Ãpẽrã mʉsãrẽ diacjʉ̃ weronojõ ucũmaasoobosama. Añurõ tʉꞌomasĩña nígʉ̃, tere wereꞌe.

Colosenses 2:8

Ãpẽrã mʉsãrẽ werecã, añurõ tʉꞌomasĩña. Na mʉsãrẽ nisoose meꞌrã werebosama. Diacjʉ̃ weronojõ ucũsama. Niweꞌe. Te ucũse meꞌrã masãrẽ were, maasoorã weema. Jesucristo ye mejẽta niꞌi. Na basu na wãcũsere, dʉporocjãrãpʉ nisetimʉjãtiꞌquere wererã weema. Tojo weerã narẽ ẽjõpeoticãꞌña.

1 Tesalonicenses 3:5

Mʉsã Jesure ẽjõpeosere masĩsĩꞌrĩgʉ̃ põtẽoti, ¿deꞌro waꞌamiti narẽ? nígʉ̃, mʉsã ye quetire miitidutigʉ Timoteore oꞌówʉ. “Apetero weegʉ mʉsãrẽ wãtĩ Jesure ẽjõpeoduꞌucã weecãꞌpĩ”, nicãti. ¿Ʉ̃sã buꞌeꞌque ne wapamarĩpari? ni masĩsĩꞌrĩgʉ̃ cʉ̃rẽ oꞌówʉ.

1 Timoteo 1:3

Yʉꞌʉ Macedoniapʉ waꞌase dʉporo mʉꞌʉrẽ ti macã Éfesopʉ tojadutiwʉ. Noꞌo mejẽcã buꞌerãrẽ cãꞌmotaꞌadutigʉ tojaqueꞌadutiwʉ. Niꞌcãrõacãrẽ mejãrõta nigʉ̃ti tja.

1 Timoteo 2:14

Apeye quẽꞌrãrẽ, Adã́ wãtĩ nisoonoꞌmʉꞌtãcʉ mejẽta nimi. Numio peꞌe nisoonoꞌmʉꞌtãco niwõ. Tojo weenoꞌco niyugo, Õꞌacʉ̃ dutiꞌquere yʉꞌrʉnʉꞌcãco niwõ.

2 Timoteo 3:13

Ñaꞌarĩ masã, tojo nicã nisoori masã nemorõ ñaꞌarõ weenemopeorãsama. Nisoonemowãꞌcãrãsama. Nisoorã nimirã, na quẽꞌrã nisoonoꞌo, ẽjõpeorãsama.

Tito 1:10

Aꞌtiro niꞌi. Pãjãrã Õꞌacʉ̃rẽ yʉꞌrʉnʉꞌcãrã nima. Na noꞌo ʉaro ucũmaꞌa, masãrẽ mejẽcã ẽjõpeocã weema. Judío masãta tojo weeyʉꞌrʉnʉꞌcãma.

Hebreos 13:9

Tojo weerã ãpẽrã mʉsãrẽ mejẽcã werecã, ẽjõpeoticãꞌña. Õꞌacʉ̃ cʉ̃ pajañaꞌse meꞌrã marĩrẽ ejeripõꞌrãrĩpʉ wãcũtutuacã weesami. Ãpẽrã aꞌtiro dutisere cʉoma: “Aꞌtere baꞌaroʉaꞌa. Aꞌte peꞌere baꞌaticãꞌrõʉaꞌa”, nima. Na dutisere yʉꞌtiro nemorõ Õꞌacʉ̃ marĩrẽ wãcũtutuacã weese peꞌe añuyʉꞌrʉnʉꞌcãꞌa. Te dutisere yʉꞌticã, tojo nirãnojõrẽ wãcũtutuacã weeweꞌe.

2 Pedro 3:17

Yʉꞌʉ mairã, yʉꞌʉ mʉsãrẽ na nisoorã weeatjere wereyutojapʉ. Mʉsã tojo weerã masĩtojaꞌa. Na ñaꞌarã mʉsãrẽ nisoori nírã, tʉꞌomasĩña. Tojo nicã mʉsãrẽ ẽjõpeotutuarã níꞌcãrãrẽ ẽjõpeoduꞌucã weeticãꞌto.

2 Pedro 3:3

Aꞌtere masĩmʉꞌtãña. Aꞌti ʉmʉco peꞌtiati dʉporo masã Õꞌacʉ̃ yere bujicãꞌrãsama. Noꞌo na ñaꞌarõ weesĩꞌrĩsere weerãsama.

1 João 2:18

Nisoori masã ye quetire weregʉti. Aꞌti ʉmʉco peꞌtiro weeꞌe. Aꞌti turi peꞌtise dʉporo niꞌcʉ̃ Jesucristore ĩꞌatuꞌtigʉ aꞌtigʉsami. Mʉsã aꞌtere tʉꞌotojacãrã niwʉ̃. Pãjãrã cʉ̃ weronojõ nirã́ nitojama. Tojo weerã marĩ aꞌti turi maata peꞌtiatjere masĩꞌi.

1 João 4:1

Acawererã, Õꞌacʉ̃ yere wereri masã mʉsã tiropʉ buꞌerã etacã, na weresere “¿Diacjʉ̃ta Õꞌacʉ̃ ye nimitito?” ni ĩꞌaña. Ãpẽrã Õꞌacʉ̃ oꞌóꞌcãrã nitima. Nipeꞌtirãpʉre ẽjõpeoticãꞌña. Na Espíritu Santure moomirã, tojo nimaꞌacãꞌbosama. Aꞌti ʉmʉcopʉre noꞌo ʉaro nisoori masã nibiꞌacãꞌma. “Õꞌacʉ̃ yere wererã weeꞌe”, ni bʉsʉsijama.

Apocalipse 12:15

Beꞌro pĩrõ diajo dojo, core miibʉrʉato nígʉ̃ cʉ̃ ʉseropʉ acore eꞌocũuwĩ. Co numiorẽ oꞌmabʉrodutigʉ tojo weewĩ.

Apocalipse 12:9

Õꞌacʉ̃ pĩrõrẽ cõꞌacãꞌwĩ. Cʉ̃́ta ne warocjʉ̃ pĩrõ ninoꞌgʉ̃ nimi. Cʉ̃ wãtĩ nimi. Nipeꞌtirãrẽ aꞌti nucũcãcjãrãrẽ mejẽcã ẽjõpeocã weegʉ́ nimi. Õꞌacʉ̃ cʉ̃rẽ, cʉ̃ yarã meꞌrã nucũcãpʉ cõꞌadijowĩ.

Apocalipse 20:2

Cʉ̃ pĩrõjo weronojõ bajugʉre dʉꞌtewĩ. Pĩrõ ne waro aꞌti ʉmʉco daꞌréca beꞌrocjʉ̃ pĩrõ ninoꞌcʉ nimi. Cʉ̃ wãtĩ nimi. Cʉ̃rẽ cõme da meꞌrã peje cʉ̃ꞌmarĩ, mil cʉ̃ꞌmarĩ dʉꞌtecũuwĩ.