2 Corintios 10:8 - Õꞌacʉ̃ Yere Ucũrĩ Turi

⁸ Marĩ wiogʉ ʉ̃sãrẽ aꞌtiro weedutiwĩ. Mʉsãrẽ “Añurõ ẽjõpeocã weeya”, niwĩ. Mʉsã ẽjõpeosere dojorẽdutitiwĩ. Tere ʉpʉtʉ ucũnuꞌcũsĩꞌrĩmigʉ̃, yʉꞌʉ ucũsere bopoyaweꞌe.

Tukano

⁸ Marî wiôgɨ ɨ̃sâre a'tîro wee dutíwĩ. Mɨsâre “Ãyuró ẽho peókã weeyá”, niîwĩ. Mɨsâ ẽho peósere dohórẽ' dutitiwĩ. Teeré ɨpɨ́tɨ uúkũ nu'ku sĩ'rimigɨ, yɨ'ɨ̂ uúkũsere bopôya wee'.

2 Corintios 10:8 Iomraidhean Croise

2 Corintios 1:24

Mʉsã ẽjõpeosere “Aꞌtiro peꞌe ʉaꞌa”, nigʉ̃ mejẽta weeꞌe. Mʉsã añurõ ẽjõpeoꞌo. Mʉsãrẽ añurõ eꞌcatise meꞌrã nisetiato nígʉ̃ tojo weetamusĩꞌrĩꞌi.

2 Corintios 10:4

Surara aꞌmewẽjẽrã, narẽ ĩꞌatuꞌtirãrẽ docaqueꞌacã weesama. Na weronojõ ʉ̃sã quẽꞌrã ñaꞌasere docaqueꞌacã weesĩꞌrĩꞌi. Tojo weesĩꞌrĩrã, aꞌti turicjãrã wãmotiro weronojõ weeweꞌe. Ʉ̃sã basu ʉ̃sã tutuaro ucũse meꞌrã, ʉ̃sã meꞌrĩse meꞌrã ñaꞌasere cõꞌaweꞌe. Tojo weronojõ oꞌorã, ʉ̃sã Õꞌacʉ̃ tutuase meꞌrã peꞌe cʉ̃rẽ ẽjõpeotirã na wãcũsere cõꞌaꞌa. Na ãpẽrã ẽjõpeoboꞌcãrãrẽ cãꞌmotaꞌasere cõꞌaꞌa. Cʉ̃ tutuase meꞌrã masã na masĩyʉꞌrʉaꞌa ni tʉꞌoñaꞌsere wapamarĩse dojocã weeꞌe.

2 Corintios 10:9

Yʉꞌʉ ojawʉase pũrĩ meꞌrã mʉsãrẽ tʉꞌoʉcʉadutigʉ mejẽta ojaꞌa.

2 Corintios 12:19

Apetero weerã mʉsã ʉ̃sãrẽ “Añurõ wãcũdutirã weema”, nisaꞌa. Tojo niweꞌe. Aꞌtiro peꞌe niꞌi. Ʉ̃sã Õꞌacʉ̃ ĩꞌorõpʉre Cristo dutiro meꞌrã ucũꞌu. Yʉꞌʉ mairã yʉꞌʉ acawererã, mʉsãrẽ Õꞌacʉ̃rẽ nemorõ ẽjõpeonemodutigʉ tojo weeꞌe.

2 Corintios 12:6

Tojo nimigʉ̃, yʉꞌʉ basu añurõ ucũgʉ̃, ucũmaꞌagʉ̃ mejẽta weebosaꞌa. Diacjʉ̃ta ucũbosaꞌa. Aꞌtiro niꞌi. Mʉsã yʉꞌʉre ẽjõpeobosaꞌa. Tojo weeri nígʉ̃, “Yʉꞌʉ ãpẽrã yʉꞌrʉoro niꞌi” nisere nisome. Yʉꞌʉ weetisepʉreta, yʉꞌʉ weretisepʉreta yʉꞌrʉoquejobosaꞌa.

2 Corintios 13:10

Yʉꞌʉ mʉsã tiropʉ waꞌase dʉporo aꞌti pũrĩrẽ ojaꞌa. Topʉ waꞌagʉ, tutuaro meꞌrã mʉsãrẽ tuꞌtisĩꞌrĩtisaꞌa. Marĩ wiogʉ yʉꞌʉ mʉsãrẽ dutimasĩsere oꞌocʉ niwĩ. Tojo weegʉ yʉꞌʉ mʉsãrẽ tuꞌtimasĩꞌi. Tojo weesĩꞌrĩtisaꞌa. Jesucristo mʉsã ẽjõpeosere dojorẽdutigʉ mejẽta dutisere yʉꞌʉre oꞌowĩ. Mʉsãrẽ nemorõ ẽjõpeocã ʉagʉ, tojo weewĩ.

2 Corintios 13:8

Aꞌtiro niꞌi. Õꞌacʉ̃ ye diacjʉ̃ cjaseta niꞌi. Mʉsã tere queoro weecã ĩꞌarã, “Aꞌtiro peꞌe weeya”, nisome. Ʉ̃sã tereta ʉasãꞌa.

2 Corintios 7:14

Mʉsã ye cjasere yʉꞌʉ Titore na añuyʉꞌrʉama nígʉ̃, nisoogʉ weronojõ nitiwʉ. Nipeꞌtisere yʉꞌʉ mʉsãrẽ wereꞌquere diacjʉ̃ta werewʉ. Aꞌte weronojõ ʉ̃sã Titore mʉsã ye cjasere wereꞌque quẽꞌrã diacjʉ̃ta niwʉ̃.

2 Corintios 7:4

Yʉꞌʉ mʉsãrẽ “Diacjʉ̃ta weema, añuyʉꞌrʉama”, ni ejeripõꞌrãtiꞌi. Mʉsãrẽ wãcũgʉ̃, wãcũtutuaꞌa. Pũrõ piꞌetimigʉ̃, eꞌcatiyʉꞌrʉaꞌa.

Gálatas 1:1

Yʉꞌʉ Pablo, yʉꞌʉ meꞌrãcjãrã meꞌrã mʉsã Jesucristore ẽjõpeorãrẽ Galacia diꞌtapʉ nirãrẽ ojaꞌa. Mʉsãrẽ añudutise oꞌoꞌo. Yʉꞌʉ Jesucristo besecṹúꞌcʉ niꞌi. Yʉꞌʉre masã mejẽta Õꞌacʉ̃ ye quetire weredutirã besewã. Na oꞌócã mejẽta tere wereꞌe. Jesucristo, cʉ̃ pacʉ Õꞌacʉ̃ na basu yʉꞌʉre besewã. Õꞌacʉ̃ta Jesucristo wẽrĩꞌcʉpʉre masõcʉ niwĩ.

2 Timoteo 1:12

Te quetire werese buꞌiri yʉꞌʉ pũrõ piꞌetiꞌi. Tojo piꞌetimigʉ̃, bopoyaweꞌe. Yʉꞌʉ Jesucristore masĩꞌi. “Cʉ̃ níꞌquere queorota weegʉsami”, niꞌi. Cʉ̃ tutuagʉ nimi. Yʉꞌʉre te queti wereturiase cũuꞌquere añurõ coꞌteyapadaꞌreogʉsami. “Téé apaturi aꞌtigʉpʉ, coꞌtenuꞌcũgʉ̃sami”, niꞌi. Tojo weegʉ yʉꞌʉ ne bopoyaweꞌe.