2 Corintios 10:1 - Õꞌacʉ̃ Yere Ucũrĩ Turi

¹ Yʉꞌʉ Pablo mʉsãrẽ apeyenojõ weregʉti. Cristo tuꞌtiro marĩrõ cʉ̃ añurõ pajañaꞌse meꞌrã ucũrõnojõta mʉsãrẽ ojasĩꞌrĩsaꞌa. Ãpẽrã yʉꞌʉre aꞌtiro nisama: “Cʉ̃ marĩ tiropʉ tutuatigʉ, pajasecʉogʉ weronojõ ucũmeꞌrĩcãꞌmi”, nisama. “Yoaropʉ papera oꞌógʉ peꞌe, tutuaro meꞌrã ojaoꞌomi”, nisama.

Tukano

¹ Yɨ'ɨ̂ Paulo mɨsâre apêye noho werêgɨti. Cristo tu'tiró mariró kɨ̃ɨ̂ ãyuró pahá yã'ase me'ra uúkũro nohota mɨsâre ohâ sĩ'risa'. Ãpêrã yɨ'ɨ̂re a'tîro niîsama: “Kɨ̃ɨ̂ marî tiropɨ tutuâtigɨ, pahasé kɨogɨ weeró noho uúkũ me'rikã'mi”, niîsama. “Yoarópɨ papéra o'ôo'gɨ pe'e, tutuaró me'ra ohâ o'omi”, niîsama.

2 Corintios 10:1 Iomraidhean Croise

Mateus 11:29

Yʉꞌʉ dutisere, yʉꞌʉ ʉaronojõ weeya. Mʉsã tojo weecã, weetamugʉ̃ti. Yʉꞌʉ daꞌradutipegʉ niweꞌe. Yʉꞌʉ mʉsãrẽ pajañaꞌgʉ̃, mejõ nigʉ̃ weronojõ weeꞌe. Mʉsã bʉjawetisere yʉꞌʉre werecã, mʉsãrẽ eꞌcatise dʉcayugʉti.

Mateus 21:5

Jerusalẽ́cjãrãrẽ aꞌtiro niña: “Ĩꞌaña. Mʉsã wiogʉ mʉsã tiropʉ aꞌtimi. Mejõ nigʉ̃́ weronojõ burra macʉ̃ wĩꞌmagʉ̃ buꞌipʉ pesawãꞌcãtimi”, ni ojacʉ niwĩ.

Hechos 8:32

Etiopíacjʉ̃ cʉ̃ buꞌesãñaꞌque Õꞌacʉ̃ macʉ̃rẽ waꞌatje nicaro niwʉ̃ Isaía cʉ̃ aꞌtiro ojaꞌque: Masã ovejare wẽjẽrãtirã, cʉ̃rẽ miasama na wẽjẽwʉaropʉ. Niꞌcʉ̃ masʉ̃ quẽꞌrãrẽ cʉ̃ ne buꞌiri moogʉ̃ nimicã, tojota weerãsama. Oveja wĩꞌmagʉ̃, yuta weerãtirã na poari seecã, ne utitisami. Cʉ̃ masʉ̃ quẽꞌrã yeꞌsutigʉsami cʉ̃rẽ ñaꞌarõ weecã.

Romanos 10:20

Beꞌro Isaía quẽꞌrã Õꞌacʉ̃ cʉ̃ ucũꞌquere “To nibosaʉ” nirṍ marĩrõ ninemopeocʉ niwĩ: Ne aꞌmatiꞌcãrã peꞌe yʉꞌʉre bocacoꞌtecãꞌma. Yʉꞌʉ nisetisere yʉꞌʉre sẽrĩtiñaꞌtiꞌcãrã peꞌere ĩꞌowʉ̃, tojo ni ojacʉ niwĩ Isaía.

Romanos 12:1

Acawererã, Õꞌacʉ̃ marĩrẽ añurõ pajañaꞌnuꞌcũmi. Tojo weerã Õꞌacʉ̃rẽ marĩ basu marĩ upʉ, wãcũse, nipeꞌtise meꞌrã oꞌorã. Mʉꞌʉ yarã diaꞌcʉ̃ niꞌi nírã, Õꞌacʉ̃rẽ wiarã. Cʉ̃ meꞌrã nibutiarã weronojõ weerã. Õꞌacʉ̃ marĩ meꞌrã eꞌcaticã ʉarã, tojo weerã. Marĩ aꞌtiro weese meꞌrã cʉ̃rẽ ẽjõpeosere diacjʉ̃ ĩꞌorãsaꞌa.

Romanos 15:15

Mʉsã tojo weemicã, aꞌti pũrĩpʉre mʉsãrẽ tutuaro meꞌrã ojaꞌa. Mʉsã tʉꞌoꞌquere acobojoticãꞌto nígʉ̃ tojo weeꞌe. Õꞌacʉ̃ yʉꞌʉre añurõ wéégʉ, Jesucristo yere mʉsãrẽ buꞌedutigʉ cũuwĩ.

1 Corintios 2:3

Yʉꞌʉ mʉsã tiropʉ nígʉ̃, mejõ nigʉ̃ tʉꞌoñaꞌwʉ̃. Apetero yʉꞌʉ te quetire queoro weretibosaꞌa nígʉ̃, narãsãcũcãti.

1 Corintios 4:10

Cristo ye quetire werecã, aꞌti nucũcãcjãrã ʉ̃sãrẽ “Tʉꞌomasĩtirã nima”, nisama. Mʉsã peꞌe “Cristo ye quetire masĩpeꞌocãꞌa”, nisaꞌa. Ʉ̃sã mʉsã ĩꞌacãta, tutuaweꞌe. Mʉsã pũrĩcã “Ʉ̃sã tutuarã niꞌi”, nisaꞌa. Masã ʉ̃sãrẽ tojo ĩꞌacõꞌacãꞌma. Mʉsã peꞌere wiopesase meꞌrã ĩꞌasama.

1 Corintios 4:21

¿Ñeꞌerẽ ʉasari mʉsã? ¿Yʉꞌʉ mʉsã tiropʉ waꞌagʉ, ñaꞌarõ weese wapa mʉsãrẽ tuꞌticã ʉasari? ¿O añurõ weese wapa peꞌe maꞌise meꞌrã weremeꞌrĩcã ʉasarine?

2 Corintios 10:10

Ãpẽrã yʉꞌʉre aꞌtiro nisama: “Cʉ̃ ojase tutuabutiaꞌa. Cʉ̃ bajuyoropʉma tutuatʉꞌsatigʉ bajumimi. Cʉ̃ ucũse quẽꞌrãrẽ sõꞌowaro tʉꞌsaya marĩꞌi”, nisama.

2 Corintios 10:2

Yʉꞌʉre mʉsã tiropʉ waꞌagʉ, tutuaro meꞌrã ucũcã weeticãꞌña. Ãpẽrã “Cʉ̃ aꞌti turicjʉ̃ weronojõ ãpẽrã yʉꞌrʉoro nisĩꞌrĩmi. Õꞌacʉ̃ dutiro meꞌrã mejẽta ucũmi”, nisama. Yʉꞌʉ tojo wãcũrãnojõrẽ tutuaro meꞌrã ucũpõtẽomasĩꞌi.

2 Corintios 10:7

Mʉsã buꞌicjase diaꞌcʉ̃rẽ ĩꞌaꞌa. Noꞌo “Jesucristo yagʉ niꞌi” nigʉ̃nojõ aꞌtiro masĩrõʉaꞌa. Cʉ̃ ucũrõnojõta ʉ̃sã quẽꞌrãrẽ “Cristo yarã nima”, nirõʉaꞌa.

2 Corintios 11:21

Na mʉsãrẽ tojo wéérã, ñaꞌabutiaro weerã weeama. Ʉ̃sã pũrĩcã mʉsãrẽ tenojõrẽ ne weemasĩtibosaꞌa. Ãpẽrã na weesere añurõ ucũcã, yʉꞌʉ quẽꞌrã na weronojõ ucũmaꞌasirutugʉti. Maatigʉ weronojõ weemaꞌaꞌa.

2 Corintios 11:30

Yʉꞌʉ peꞌe “Ãpẽrã yʉꞌrʉoro niꞌi” nirṍnojõ oꞌogʉ, yʉꞌʉre waꞌaꞌque meꞌrã tutuatigʉ niꞌi nisere ĩꞌogʉ̃ti.

2 Corintios 12:5

Aꞌtiro waꞌagʉnojõ pũrĩcãrẽ “Ãpẽrã yʉꞌrʉoro nimi”, nirõʉaꞌa. Yʉꞌʉ basu “Aꞌtiro nigʉ̃nojõ niꞌi”, nímasĩtisaꞌa. Yʉꞌʉ tutuatise diaꞌcʉ̃rẽ añurõ ucũgʉ̃ti.

2 Corintios 3:12

Ʉ̃sã Jesucristo ye queti peꞌtitiatjere eꞌcatiyutojaꞌa. Tojo weerã diacjʉ̃ta wereꞌe. Moisé cʉ̃ diapoare asistese nidojatisere peꞌtidijacã ĩꞌadutiticʉ niwĩ. Tojo weegʉ suꞌtiro casero meꞌrã moꞌacʉ niwĩ. Ʉ̃sã cʉ̃ weronojõ weeweꞌe. Tojo weerã Jesucristo ye quetire uiro marĩrõ bajuyoropʉ wereꞌe.

2 Corintios 5:20

Tojo weerã ʉ̃sã Cristo dʉcayurã niꞌi. Cʉ̃rẽ, cʉ̃ ye quetire werebosaꞌa. Ʉ̃sã werese meꞌrã Õꞌacʉ̃ mʉsãrẽ “Yʉꞌʉ meꞌrãcjãrã nima”, nisami. Tojo weerã mʉsãrẽ Cristo dutiro meꞌrã “Añurõ Õꞌacʉ̃ meꞌrã niato”, niꞌi.

2 Corintios 6:1

Ʉ̃sã Õꞌacʉ̃ yere daꞌratamurĩ masã niꞌi. Tojo weeyurã, cʉ̃ mʉsãrẽ añurõ weesere wãcũdutiꞌi. Cʉ̃ ʉaronojõta añurõ weeya.

2 Corintios 7:4

Yʉꞌʉ mʉsãrẽ “Diacjʉ̃ta weema, añuyʉꞌrʉama”, ni ejeripõꞌrãtiꞌi. Mʉsãrẽ wãcũgʉ̃, wãcũtutuaꞌa. Pũrõ piꞌetimigʉ̃, eꞌcatiyʉꞌrʉaꞌa.

Gálatas 4:13

Mʉsã masĩsaꞌa. Yʉꞌʉ dutititjĩagʉ̃, mʉsã tiropʉre Jesucristo masãrẽ yʉꞌrʉose quetire buꞌewʉ.

Gálatas 5:2

Tʉꞌoñaꞌrẽ mʉsã. Yʉꞌʉ mʉsãrẽ weregʉti. Mʉsã “Õꞌrẽcjʉ yapa caserore yejecõꞌase meꞌrã Õꞌacʉ̃ ʉ̃sãrẽ yʉꞌrʉogʉsami”, niticãꞌña. Mʉsã tojo nicã, mʉsãrẽ Jesucristo wẽrĩbosaꞌque ne wapamarĩrõsaꞌa.

Efesios 3:1

Õꞌacʉ̃ mʉsãrẽ maꞌígʉ̃, añurõ weecʉ niwĩ. Cʉ̃ tojo weesere wãcũgʉ̃, cʉ̃rẽ eꞌcatipeoꞌo. Yʉꞌʉ Pablo mʉsã judío masã nitirãrẽ Jesucristo ye quetire werese wapa, buꞌiri daꞌreri wiꞌipʉ niꞌi.

Efesios 4:1

Yʉꞌʉ marĩ wiogʉ ye quetire werese wapa, buꞌiri daꞌreri wiꞌipʉ niꞌi. Õꞌacʉ̃ cʉ̃ tutuaro meꞌrã marĩrẽ añurõ weecʉ niwĩ. Tere wãcũgʉ̃, mʉsãrẽ aꞌtiro weecã ʉaꞌa. Mʉsã Õꞌacʉ̃ beseꞌcãrã weronojõta añurõ weesetiya.

Filipenses 4:5

Mʉsã ãpẽrãrẽ pajañaꞌsere nipeꞌtirã masĩato. Marĩ wiogʉ aꞌtiatjo cãꞌrõacã dʉꞌsaꞌa.

Colosenses 1:23

Mʉsã cʉ̃ ye quetire ẽjõpeonuꞌcũcã, cʉ̃ ʉaro weenuꞌcũcã, tojo weegʉsami. Ãpẽrã mʉsãrẽ mejẽcã werecã, cʉ̃ ye quetire ne cõꞌaticãꞌña. Aꞌtere nipeꞌtirocjãrãpʉ tʉꞌorã weema. Yʉꞌʉ quẽꞌrã aꞌte quetire weretamusijagʉta niꞌi.

2 Tesalonicenses 3:17

Yʉꞌʉ Pablo basu aꞌte añudutisema ojaꞌa. Yʉꞌʉ nipeꞌtise pũrĩrẽ ojawʉaronojõta ojaꞌa. Yʉꞌʉ aꞌtiro diaꞌcʉ̃ papera oꞌógʉ ojaꞌa. Tojo weerã mʉsã “Cʉ̃́ta ojapĩ”, ni masĩrãsaꞌa.

Filemón 1:19

Yʉꞌʉ basuta aꞌtere ojaꞌa. Wapayegʉti. Tojo nimigʉ̃, mʉꞌʉrẽ aꞌtiro nímasĩsaꞌa. Yʉꞌʉ Jesucristo ye quetire mʉꞌʉrẽ ẽjõpeocã weewʉ. Tojo weeꞌque wapa mʉꞌʉ yʉꞌʉre wapamooꞌo.

Filemón 1:9

Sõꞌowaro dutibutiasĩꞌrĩtisaꞌa. Maꞌise meꞌrã peꞌe mʉꞌʉrẽ “Tojo weeya”, nisĩꞌrĩsaꞌa. Yʉꞌʉ bʉcʉ ẽjã waꞌaꞌa. Jesucristo yere werese wapa, buꞌiri daꞌreri wiꞌipʉ niꞌi.

1 Pedro 2:11

Yʉꞌʉ mʉsãrẽ pũrõ maꞌisaꞌa. Niꞌcãrõacã yʉꞌʉ wereatjere mʉsã weecã ʉasaꞌa. Marĩ aꞌti turipʉre sijari masã niꞌi. Marĩ niatjo waro ʉꞌmʉsepʉ niꞌi. Topʉ ninuꞌcũcãꞌrãsaꞌa. Tojo weerã marĩ ñaꞌarõ weesĩꞌrĩsere weeticãꞌrã. Marĩ ñaꞌarõ weesĩꞌrĩse añurõ weesĩꞌrĩse meꞌrã aꞌmequẽse niꞌi. Te ñaꞌarõ weesĩꞌrĩse añurõ weese peꞌere cãꞌmotaꞌasĩꞌrĩsaꞌa. Õꞌacʉ̃ peꞌe marĩrẽ añurõ weecã ʉasami.

Apocalipse 1:9

Yʉꞌʉ Juã mʉsã acaweregʉ weronojõ niꞌi. Mʉsã weronojõta yʉꞌʉ quẽꞌrã piꞌetiꞌi. Marĩ niꞌcãrõnojõ Õꞌacʉ̃ põꞌrã niꞌi. Tojo nicã ñaꞌarõ waꞌacã, Jesucristo marĩrẽ wãcũtutuasere oꞌomi. Yʉꞌʉ Patmos wãmetiri nʉcʉ̃rõpʉ buꞌiri daꞌreri wiꞌipʉ niwʉ̃. Õꞌacʉ̃ ye queti, Jesucristo ucũꞌquere werese ye buꞌiri topʉ niwʉ̃.