1 Pedro 5:2 - Õꞌacʉ̃ Yere Ucũrĩ Turi

² Jesucristore ẽjõpeorãrẽ sʉꞌori nirã́, yʉꞌʉ wereatjere tʉꞌoya. Õꞌacʉ̃ cʉ̃ yarãrẽ coꞌtedutigʉ mʉsãrẽ cũucʉ niwĩ. Ovejare coꞌteri masʉ̃ cʉ̃ yarã ovejare añurõ coꞌtesami. Cʉ̃ weronojõta mʉsã quẽꞌrã Õꞌacʉ̃ yarãrẽ añurõ coꞌteya. Ãpẽrã dutiro marĩrõ mʉsã ʉaro narẽ coꞌteya. Mʉsã tojo weecã, Õꞌacʉ̃ ʉasami. Apeye quẽꞌrãrẽ narẽ sʉꞌori wejepeorã, niyeru diaꞌcʉ̃rẽ wapataꞌasĩꞌrĩticãꞌña. Mejõ peꞌe eꞌcatise meꞌrã coꞌteya.

Tukano

² Jesu Cristore ẽho peórãre sɨ'orí niirã́, yɨ'ɨ̂ wereátehere tɨ'oyá. Õ'âkɨ̃hɨ kɨ̃ɨ yarã́re ko'tê dutigɨ mɨsâre kũûkɨ niîwĩ. Ovelhare ko'tegɨ́ kɨ̃ɨ yarã́ ovelhare ãyuró ko'têsami. Kɨ̃ɨ̂ weeró nohota mɨsá kẽ'ra Õ'âkɨ̃hɨ yarãre ãyuró ko'têya. Ãpêrã dutiró mariró mɨsâ ɨaró naâre ko'têya. Mɨsâ tohô weekã́, Õ'âkɨ̃hɨ ɨasamí. Apêye kẽ'rare naâre sɨ'orí wehê peorã, niyéru di'akɨ̃re wapá ta'a sĩ'ritikã'ya. Mehô pe'e e'katíse me'ra ko'têya.

1 Pedro 5:2 Iomraidhean Croise

San Lucas 12:32

»Mʉsã yʉꞌʉ buꞌerã, yarã oveja weronojõ niꞌi. Mʉsã pejetirãcã nimirã, uiticãꞌña. Marĩ pacʉ cʉ̃ wiogʉ nirõpʉ mʉsã waꞌacã ʉasami.

Hechos 20:29

Yʉꞌʉ waꞌáca beꞌro ãpẽrã nisoori masã aꞌtirãsama. Yaiwa ovejare baꞌaꞌcaro weronojõ mʉsã Jesure ẽjõpeomiꞌquere peꞌticã weesĩꞌrĩrãsama.

Hechos 21:13

Cʉ̃ peꞌe ʉ̃sãrẽ niwĩ: —Mʉsã ne utiticãꞌña. Yʉꞌʉre tojo wéérã, ʉpʉtʉ bʉjawetise oꞌorã weeꞌe. Na yʉꞌʉre dʉꞌtesĩꞌrĩcã, yʉꞌʉ narẽ “Dʉꞌteticãꞌña”, nisome. Jerusalẽ́pʉ na yʉꞌʉre Jesú ye buꞌiri wẽjẽsĩꞌrĩcã, yʉꞌʉ eꞌcatise meꞌrã wẽrĩgʉ̃ti, niwĩ Pablo.

Romanos 1:15

Tojo weegʉ mʉsã ya macãcjãrã Jesucristore ẽjõpeotirãrẽ cʉ̃ ye quetire pũrõ weresĩꞌrĩsaꞌa.

1 Corintios 9:7

Surara cʉ̃ baꞌasere cʉ̃ basu wapayetisami. Cʉ̃ wiorã cʉ̃rẽ ecasama. Ʉꞌsere otegʉ te dʉcare baꞌasami. Oveja coꞌtegʉ quẽꞌrã oveja õpẽcõ meꞌrã weeꞌquere baꞌasami.

1 Timoteo 3:3

Tojo nicã queꞌagʉ, cumucabʉcʉ niticãꞌrõʉaꞌa. Tojo weronojõ oꞌogʉ, tuꞌtiro marĩrõ masãrẽ queoro weegʉnojõ nirõʉaꞌa. Aꞌmequẽsere ʉatigʉ, niyerure ʉaripejatigʉnojõ nirõʉaꞌa.

1 Timoteo 3:8

Jesucristore ẽjõpeori curuacjãrã, Õꞌacʉ̃ ye queti wererãrẽ weetamucoꞌterã quẽꞌrã na wiorã weronojõ nirõʉaꞌa. Ãpẽrã ẽjõpeonoꞌrãnojõ nirõʉaꞌa. Na ucũsere queoro weerãnojõ nirõʉaꞌa. Queꞌarã, ñaꞌarõ weese meꞌrã niyeru wapataꞌasĩꞌrĩrãnojõ niticãꞌrõʉaꞌa.

Tito 1:11

Na niyeru wapataꞌamaꞌasĩꞌrĩrã, noꞌo ʉaro buꞌemaꞌacãꞌsama. Na buꞌese meꞌrã pãjãrã niꞌcʉ̃ põꞌrã niꞌcã wiꞌicjãrãrẽ dojorẽpeꞌocãꞌsama. Tojo weerãrẽ na buꞌesere cãꞌmotaꞌaya.

Tito 1:7

Niꞌcʉ̃ Jesucristore ẽjõpeori curuacjãrãrẽ sʉꞌori wejepeogʉ Õꞌacʉ̃ ye cjasere coꞌtegʉ nimi. Tojo weegʉ “Cʉ̃́ta ñaꞌagʉ̃ nimi” ninoꞌña marĩgʉ̃nojõ niato. Cʉ̃ ʉaro diaꞌcʉ̃ dutigʉnojõ, uamʉñagʉ̃nojõ niticãꞌto. Tojo nicã queꞌagʉ, cumucabʉcʉ noꞌo ñaꞌarõ weese meꞌrã niyeru wapataꞌasĩꞌrĩgʉ̃nojõ niticãꞌto.

Tito 2:14

Jesucristo marĩ ñaꞌarõ weesere yʉꞌrʉweticã wéégʉ, wẽrĩbosacʉ niwĩ. Cʉ̃ marĩrẽ cʉ̃ yarã sãjãdutigʉ, ñaꞌase moorã niato nígʉ̃ tojo weecʉ niwĩ. Marĩrẽ eꞌcatise meꞌrã añurõ weeseticã ʉasami. Tojo weegʉ wẽrĩbosacʉ niwĩ.

Tito 3:1

Tocjãrã Cretacjãrãrẽ aꞌtiro weedutiya. “Wiorã dutisere yʉꞌtiato. Nipeꞌtise añurõ weesenojõrẽ weeato.

Filemón 1:14

Mʉꞌʉ dutiro peꞌe yʉꞌʉ weesĩꞌrĩsaꞌa. Mʉꞌʉ “Jaʉ” nicãma, mʉꞌʉ tojo nise yʉꞌʉ dutibutiase mejẽta nirõsaꞌa. Mʉꞌʉ ʉaronojõ waꞌarosaꞌa.

Hebreos 12:15

Mʉsã tʉꞌomasĩña. Apetero mʉsã ñaꞌarõ weese buꞌiri Õꞌacʉ̃ weetamusere ʉatirã weronojõ waꞌabosaꞌa. Ne niꞌcʉ̃ Õꞌacʉ̃ añurõ weesere ʉatigʉnojõ marĩato. Tojo nicã mʉsã wãcũsepʉ ãpẽrãrẽ ʉose, aꞌpepũrĩse, nipeꞌtise ãpẽrãrẽ ñaꞌarõ weese wãꞌcãcã weeticãꞌña. Siape meꞌrã tojo weesere cãꞌmotaꞌatirã, pãjãrãrẽ dojorẽbosaꞌa.

2 Pedro 2:3

Niyerure ʉaripejarã, nisoose meꞌrã mʉsãrẽ buꞌerãsama. Na tojo weese wapa narẽ buꞌiri daꞌreatje niyutojasaꞌa. Ne yʉꞌrʉwetisome. Dʉporopʉ “Õꞌacʉ̃ narẽ buꞌiri daꞌrenoꞌrãsama”, nitojacʉ niwĩ.