1 Pedro 3:1 - Õꞌacʉ̃ Yere Ucũrĩ Turi

^1-2 Numia, marãpʉsʉmʉatirã, añurõ tʉꞌoya yʉꞌʉ wereatjere. Mʉsã marãpʉsʉmʉa dutisere, na ʉaro weeya. Niꞌcãrẽrã mʉsã marãpʉsʉmʉa Jesucristore ẽjõpeotisama. Cʉ̃ ye quetire ne tʉꞌosĩꞌrĩtisama. Tojo weerã te quetire weretimirã, aꞌtiro peꞌe weeya. Narẽ ẽjõpeoya. Na dutisere eꞌcatise meꞌrã weeya. Mʉsã tojo weecã, na quẽꞌrã mʉsã añurõ weesetisere ĩꞌacũu, Jesucristore ẽjõpeobosama.

Tukano

^1-2 Numiâ, marâpɨ sɨmɨatirã ãyuró tɨ'oyá yɨ'ɨ̂ wereátehere. Mɨsâ marapɨ́ sɨmɨa dutisére, naâ ɨaró weeyá. Ni'karérã mɨsâ marapɨ́ sɨmɨa Jesu Cristore ẽho peótisama. Kɨ̃ɨ yeé kitire neê tɨ'ó sĩ'ritisama. Tohô weérã tee kitíre werêtimirã, a'tîro pe'e weeyá. Naâre ẽho peóya. Naâ dutisére e'katíse me'ra weeyá. Mɨsâ tohô weekã́, naá kẽ'ra mɨsâ ãyuró weesétisere ĩ'yâ kũu, Jesu Cristore ẽho peó boosama.

1 Pedro 3:1 Iomraidhean Croise

Génesis 3:16

Cʉ̃rẽ tojo nitoja, numio peꞌere aꞌtiro nicʉ niwĩ: —Mʉꞌʉ yʉꞌrʉnʉꞌcãꞌque buꞌiri wĩꞌmagʉ̃rẽ ñeꞌegõtigo, pũrõ piꞌetigosaꞌa. Tojo põꞌrãti, pũrĩnoꞌmigõ, mʉꞌʉ marãpʉ meꞌrã nisĩꞌrĩgõsaꞌa. Cʉ̃ peꞌe mʉꞌʉ wiogʉ weronojõ nigʉ̃sami, nicʉ niwĩ.

Mateus 18:15

Jesú werenemowĩ: —Mʉꞌʉ acaweregʉ mʉꞌʉrẽ ñaꞌarõ weecã, mʉꞌʉ seꞌsaro cʉ̃ tiropʉ weregʉ waꞌaya. Cʉ̃ ñaꞌarõ weeꞌquere masĩcã weeya. Cʉ̃ “Yʉꞌʉ ñaꞌarõ weeapʉ” ni tʉꞌoñaꞌcã, mʉsã apaturi aꞌmerĩ ucũ, eꞌcatirãsaꞌa tja.

Romanos 10:16

Aꞌte añuse quetire pãjãrã tʉꞌomirã, nipeꞌtirã Israe curuacjãrã ẽjõpeotima. Isaía cʉ̃ ojaꞌcaronojõta aꞌtiro niꞌi: “Õꞌacʉ̃, ʉ̃sã wiogʉ, ʉ̃sã weresere pejetirãcã ẽjõpeoma”, ni ojacʉ niwĩ.

Romanos 6:17

Todʉporopʉ mʉsã ñaꞌasere wéérã, daꞌrawãꞌñacoꞌterã weronojõ nicãrã niwʉ̃. Niꞌcãrõacãrẽ ãpẽrã mʉsãrẽ Jesucristo ye quetire werecã tʉꞌorã, añurõ ẽjõpeocãrã niwʉ̃. Tojo weerã ñaꞌarõ weesere yʉꞌrʉonoꞌtjĩarã, añusere weewãꞌñaꞌa. Mʉsã tojo weecã wãcũgʉ̃, yʉꞌʉ Õꞌacʉ̃rẽ eꞌcatise oꞌoꞌo.

Romanos 7:2

Queose meꞌrã mʉsãrẽ weregʉti. Marĩrẽ dutiꞌque aꞌtiro niꞌi. Niꞌcõ omocã dʉꞌteꞌco co marãpʉ catiro ejatuaro cʉ̃ nʉmo nimo. Cʉ̃ wẽ́rĩ́ca beꞌro na dʉꞌteꞌque peꞌtia waꞌasaꞌa. Co marãpʉ moogõ tojasamo tja.

1 Corintios 11:3

Apeyenojõ mʉsãrẽ masĩcã ʉaꞌa. Cristo ʉmʉanʉcʉ̃rẽ na dʉpoá nimi. Ʉmʉ peꞌe numio dʉpoá nimi. Õꞌacʉ̃ quẽꞌrã Cristo dʉpoá nimi.

1 Corintios 14:34

Mʉsã nerẽrĩ curare numia ucũtiyʉꞌrʉocãꞌto. Narẽ ucũdutiticãꞌña. Ucũrõnojõ oꞌorã, Õꞌacʉ̃ ye queti ojáca pũrĩpʉ dutiꞌcaronojõta añurõ yʉꞌtiato.

1 Corintios 7:16

Cõꞌanoꞌgõ “Yʉꞌʉre cõꞌaticã, yʉꞌʉ marãpʉre Jesucristore ẽjõpeocã weemasĩbopã”, nita basioweꞌe. Cõꞌanoꞌgʉ̃ quẽꞌrã “Yʉꞌʉre cõꞌaticã, yʉꞌʉ nʉmorẽ Jesucristore ẽjõpeocã weemasĩbopã”, nita basioweꞌe.

Efesios 5:33

Tojo nimigʉ̃, aꞌte quẽꞌrãrẽ nigʉ̃ti. Nʉmotirãnʉcʉ̃ mʉsã basu maꞌirõnojõta mʉsã nʉmosãnumiarẽ maꞌiña. Numia quẽꞌrã, mʉsã marãpʉsʉmʉarẽ añurõ yʉꞌti ẽjõpeoya.

Colosenses 3:18

Marãpʉtirãnumia, Jesucristo marĩ wiogʉre ẽjõpeorã, aꞌtiro weeya. Mʉsã marãpʉsʉmʉarẽ na dutisere yʉꞌti ẽjõpeoya.

Colosenses 4:5

Ãpẽrã Jesucristore ẽjõpeotirã meꞌrã añurõ nisetiya. Na meꞌrã mʉsã weesetisetirinʉcʉ̃ Õꞌacʉ̃ ʉaronojõta narẽ añurõ weeya.

2 Tesalonicenses 1:8

Õꞌacʉ̃rẽ ẽjõpeotirãrẽ, marĩ wiogʉ Jesú masãrẽ yʉꞌrʉose quetire yʉꞌrʉnʉꞌcãrãrẽ buꞌiri daꞌregʉ aꞌtigʉsami.

Hebreos 11:8

Abrahã quẽꞌrã Õꞌacʉ̃rẽ ẽjõpeogʉ, aꞌtiro weecʉ niwĩ. Õꞌacʉ̃ cʉ̃rẽ ape diꞌtapʉ waꞌaduticã, yʉꞌticʉ niwĩ. Õꞌacʉ̃ cʉ̃rẽ oꞌoatjopʉ waꞌacʉ niwĩ. Cʉ̃ ya macãrẽ wijawãꞌcãgʉ̃, “Ti diꞌtapʉ waꞌagʉsaꞌa” nirṍ marĩrõ waꞌacʉ niwĩ.

Hebreos 5:9

Cʉ̃ wẽrĩgʉ̃, nipeꞌtise cʉ̃ pacʉ cũuꞌquere weecʉ niwĩ. Tojo weegʉ cʉ̃ masãrẽ yʉꞌrʉogʉ sãjãcʉ niwĩ. Marĩ nipeꞌtirã cʉ̃rẽ ẽjõpeo yʉꞌtirãrẽ yʉꞌrʉo, catinuꞌcũcã weemi.

1 Pedro 1:22

Mʉsã diacjʉ̃ nisere yʉꞌtirã, Jesucristore ẽjõpeorã weecãrã niwʉ̃. Cʉ̃rẽ ẽjõpeorã, mʉsã ñaꞌarõ weesetiꞌquere duꞌucãrã niwʉ̃. Tojo weerã mʉsã niꞌcãrõacãrẽ buꞌiri marĩrã niꞌi. Mʉsã niꞌcʉ̃ põꞌrã weronojõ aꞌmerĩ maꞌiꞌi. Aꞌmerĩ maꞌírã, buꞌicjase ucũse meꞌrã diaꞌcʉ̃ maꞌiticãꞌña. Nipeꞌtise mʉsã weese meꞌrã peꞌe maꞌiña.

1 Pedro 3:7

Niꞌcãrõacãrẽ nʉmotirãrẽ weregʉti. Mʉꞌʉ nʉmorẽ añurõ weesetiya. Core ẽjõpeoya. Co mʉꞌʉ weronojõ tutuatimo. Õꞌacʉ̃ co quẽꞌrãrẽ pajañaꞌgʉ̃, mʉꞌʉrẽ weronojõta yʉꞌrʉocʉ niwĩ. Tojo weegʉ core añurõ coꞌteya. Aꞌtiro weecã, mʉsã Õꞌacʉ̃rẽ ñubuese ne cãꞌmotaꞌata basiosome.

1 Pedro 4:17

Niꞌcãrõacãrẽ Õꞌacʉ̃ masãrẽ beseri nʉmʉ nʉꞌcãtojaꞌa. Cʉ̃rẽ ẽjõpeorã meꞌrã besenʉꞌcãmi. Marĩ cʉ̃rẽ ẽjõpeorã meꞌrã nʉꞌcãcã, ãpẽrã cʉ̃rẽ ẽjõpeotirã peꞌema deꞌro waꞌaro waꞌarosaꞌa. Õꞌacʉ̃ náma ʉpʉtʉ buꞌiri daꞌregʉsami.