1 Pedro 1:21 - Õꞌacʉ̃ Yere Ucũrĩ Turi

²¹ Jesucristo wẽrĩse meꞌrã Õꞌacʉ̃rẽ ẽjõpeonoꞌo. Cʉ̃ Jesucristore wẽrĩꞌcʉpʉre masõcʉ niwĩ. Masõ, ʉꞌmʉsepʉ cʉ̃rẽ miimʉjãcʉ niwĩ. Topʉ cʉ̃rẽ wiogʉ sõrõcʉ niwĩ. Marĩrẽ ẽjõpeodutigʉ tojo weecʉ niwĩ. Tojo nicã marĩ ʉꞌmʉsepʉ waꞌatjere eꞌcatise meꞌrã yucuedutigʉ tojo weecʉ niwĩ.

Tukano

²¹ Jesu Cristo wẽrisé me'ra Õ'âkɨ̃hɨre ẽho peó no'o'. Kɨ̃ɨ̂ Jesu Cristore wẽrî'kɨpɨre masókɨ niîwĩ. Masó, ɨ'mɨ̂sepɨ kɨ̃ɨ̂re mii mɨhákɨ niîwĩ. Toopɨ́ kɨ̃ɨ̂re wiôgɨ sõróokɨ niîwĩ. Marîre ẽho peó dutigɨ tohô weékɨ niîwĩ. Tohô niikã́ marî ɨ'mɨ̂sepɨ wa'aátehere e'katíse me'ra yuû kue dutigɨ tohô weékɨ niîwĩ.

1 Pedro 1:21 Iomraidhean Croise

Mateus 28:18

Beꞌro Jesú ʉ̃sã pʉꞌtopʉ aꞌti, aꞌtiro niwĩ: —Õꞌacʉ̃ yʉꞌʉre wiogʉ sõrõtojami. Nipeꞌtiro ʉꞌmʉse, aꞌti diꞌtare dutimasĩꞌi.

San Juan 12:44

Jesú nipeꞌtirã tʉꞌoato nígʉ̃, tutuaro ucũwĩ: —Yʉꞌʉre ẽjõpeogʉ yʉꞌʉ seꞌsarore ẽjõpeotimi. Yʉꞌʉ pacʉ yʉꞌʉre oꞌóꞌcʉ quẽꞌrãrẽ ẽjõpeomi.

San Juan 14:1

Jesú ʉ̃sãrẽ aꞌtiro niwĩ: —Mʉsã ʉpʉtʉ waro wãcũqueꞌtiticãꞌña. Õꞌacʉ̃rẽ ẽjõpeoya. Tojo nicã yʉꞌʉ quẽꞌrãrẽ ẽjõpeoya.

San Juan 14:6

Jesú cʉ̃rẽ niwĩ: —Yʉꞌʉ, yʉꞌʉ pacʉ tiropʉ waꞌari maꞌa weronojõ niꞌi. Yʉꞌʉ masãrẽ topʉ waꞌacã weegʉ́ niꞌi. Yʉꞌʉ masãrẽ diacjʉ̃ cjasere masĩcã weeꞌe. Narẽ catinuꞌcũcã weegʉ́ niꞌi. Yʉꞌʉre ẽjõpeorã diaꞌcʉ̃ yʉꞌʉ pacʉ tiropʉ waꞌarãsama.

San Juan 17:1

Jesú tojo níca beꞌro ĩꞌamorõ, aꞌtiro niwĩ: —Pacʉ, mʉꞌʉ yʉꞌʉre cũuꞌque ejaꞌa. Yʉꞌʉ mʉꞌʉ macʉ̃ nisere masãrẽ ĩꞌoña. Mʉꞌʉ tojo weecã, yʉꞌʉ masãrẽ mʉꞌʉ tutuasere, mʉꞌʉ añuyʉꞌrʉsere ĩꞌogʉ̃saꞌa.

San Juan 17:24

»Aꞌti turi weese dʉporo mʉꞌʉ yʉꞌʉre maꞌiwʉ̃. Tojo weegʉ mʉꞌʉ nisetisere yʉꞌʉre oꞌowʉ. Pacʉ, mʉꞌʉ oꞌoꞌcãrãrẽ yʉꞌʉ meꞌrã nicã ʉasaꞌa. Narẽ yʉꞌʉ tutuasere ĩꞌadutigʉ tojo weeꞌe.

San Juan 17:5

Pacʉ, aꞌti nucũcã weese dʉporo yʉꞌʉ mʉꞌʉ meꞌrã niwʉ̃. Mʉꞌʉ meꞌrã nígʉ̃, mʉꞌʉ weronojõ nisetiwʉ. Niꞌcãrõacãrẽ mʉꞌʉ tiropʉ waꞌagʉ weeꞌe. Yʉꞌʉre mejãrõta weeya tja.

San Juan 3:34

Õꞌacʉ̃ Jesucristore Espíritu Santure cʉoyʉꞌrʉmajãcã weecʉ niwĩ. Tojo weegʉ cʉ̃ pacʉ yere ucũmi.

Hechos 2:24

Marĩ pacʉ tojo waꞌáca beꞌro Jesucristore cʉ̃ wẽrĩꞌcʉpʉre masõcʉ niwĩ. Cʉ̃ wẽrĩdojaticʉ niwĩ. Masã waꞌacʉ niwĩ.

Hechos 3:13

Ʉ̃sã tutuaro mejẽta niapʉ. Jesú cʉ̃ tutuaro meꞌrã cʉ̃ sijamasĩtigʉ níꞌcʉ sijami. Marĩ ñecʉ̃sʉmʉa Abrahã, Isaa, Jacob, ãpẽrã marĩ ñecʉ̃sʉmʉa na wiogʉ níꞌcʉ nimi Õꞌacʉ̃ ʉꞌmʉsepʉ nigʉ̃́. Cʉ̃́ta tja “Yʉꞌʉ macʉ̃ añuyʉꞌrʉagʉ nimi” ni, tutuasere ĩꞌoami. Cʉ̃ macʉ̃ta ãꞌrĩ sijamasĩtigʉ níꞌcʉre sijacã weeami. Cʉ̃rẽta mʉsã wiorãrẽ oꞌowʉ. Pilato ĩꞌorõ mʉsã cʉ̃rẽ ʉatiwʉ. Cʉ̃ “Cʉ̃rẽ duꞌugʉti weeꞌe” nimicã, mʉsã “Duꞌuticãꞌña”, niwʉ̃.

Hechos 3:15

Jesú catise oꞌogʉ peꞌere wẽjẽdutiwʉ. Cʉ̃ pacʉ pũrĩcã cʉ̃ macʉ̃rẽ wẽrĩꞌcʉpʉre masõcʉ niwĩ. Cʉ̃ tojo weeꞌquere ʉ̃sã ĩꞌawʉ̃.

Hechos 4:10

Yʉꞌʉ mʉsãrẽ nipeꞌtirãrẽ tere weregʉti. Jesucristo Nazarecjʉ̃ tutuaro meꞌrã ãꞌrĩ sijamasĩtimiꞌcʉ sijami. Mʉsã cʉ̃rẽ Jesure curusapʉ paabiꞌpewʉ. Cʉ̃ pacʉ pũrĩcã cʉ̃ wẽrĩꞌcʉpʉre masõcʉ niwĩ. Cʉ̃ tutuaro meꞌrã ãꞌrĩ sijamasĩtigʉ níꞌcʉ sijami.

Romanos 10:9

Marĩ aꞌtiro wéérã, yʉꞌrʉrãsaꞌa. “Jesucristo marĩ wiogʉ nimi” nírã, “Õꞌacʉ̃ Jesucristo wẽrĩꞌcʉpʉre masõcʉ niwĩ” ni ẽjõpeorã, yʉꞌrʉrãsaꞌa.

Romanos 4:24

Marĩ quẽꞌrãrẽ ojanoꞌcaro niwʉ̃. Marĩ Õꞌacʉ̃rẽ ẽjõpeocã, Abrahãrẽ níꞌcaronojõta marĩrẽ “Añurã, buꞌiri marĩrã nima”, nisami. Cʉ̃́ta marĩ wiogʉ Jesú wẽrĩꞌcʉpʉre masõcʉ niwĩ.

2 Corintios 6:15

Cristo quẽꞌrã, wãtĩa wiogʉ meꞌrã niꞌcãrõnojõ wãcũse cʉomasĩtima. Ẽjõpeogʉ, ẽjõpeotigʉ meꞌrã ne niꞌcãrõnojõ “Tojo weeroʉaꞌa”, nímasĩtisama.

Efesios 1:15

Yʉꞌʉ mʉsã añurõ weesere masĩꞌi. Mʉsã marĩ wiogʉ Jesure ẽjõpeoꞌo. Tojo nicã nipeꞌtirã Õꞌacʉ̃ yarãrẽ maꞌiꞌi. Mʉsã tojo weecã wãcũgʉ̃, yʉꞌʉ Õꞌacʉ̃rẽ sẽrĩbosasetirinʉcʉ̃ cʉ̃rẽ eꞌcatise oꞌonuꞌcũꞌu.

1 Timoteo 1:1

Yʉꞌʉ Pablo Jesucristo besecṹúꞌcʉ niꞌi. Õꞌacʉ̃ marĩrẽ yʉꞌrʉogʉ nimi. Cʉ̃́ta Jesucristo ye quetire weredutigʉ oꞌówĩ. Jesucristo marĩ wiogʉ quẽꞌrã yʉꞌʉre oꞌówĩ. Cʉ̃rẽta marĩ yucuerã weeꞌe.

1 Timoteo 3:16

Diacjʉ̃ta niꞌi. Marĩ ẽjõpeose todʉporo masã masĩtiꞌque niꞌi. Mejõ nise niweꞌe. Añuse waro niꞌi. Aꞌtiro niꞌi: Õꞌacʉ̃ macʉ̃ masʉ̃ weronojõ upʉtigʉ aꞌti nucũcãpʉre bajuacʉ niwĩ. Espíritu Santu cʉ̃rẽ “Añugʉ̃ waro nimi”, ni werebajurẽcʉ niwĩ. Õꞌacʉ̃rẽ werecoꞌterã ʉꞌmʉsepʉ nirã́ cʉ̃rẽ ĩꞌacãrã niwã. Cʉ̃ ye queti aꞌti nucũcãpʉre wereseꞌsanoꞌo. Aꞌti nucũcãpʉre masã cʉ̃rẽ ẽjõpeoma. Beꞌro Õꞌacʉ̃ ʉꞌmʉsepʉ cʉ̃rẽ miacʉ niwĩ.

Hebreos 2:9

Jesú pũrĩcãrẽ tojo ojaꞌcaronojõta waꞌacaro niwʉ̃. Õꞌacʉ̃ cʉ̃rẽ aꞌti nucũcãpʉre oꞌógʉ, cʉ̃rẽ werecoꞌterã docapʉ cũunicʉ niwĩ. Õꞌacʉ̃ marĩrẽ pajañaꞌgʉ̃, nipeꞌtirãrẽ wẽrĩbosadutigʉ tojo cũucʉ niwĩ. Niꞌcãrõacãrẽ cʉ̃ wẽrĩ piꞌetiꞌque wapa Õꞌacʉ̃ cʉ̃rẽ wiogʉ sõrõcʉ niwĩ. Nipeꞌtirã cʉ̃rẽ “Añuyʉꞌrʉgʉ nimi” nidutigʉ tojo weecʉ niwĩ.

Hebreos 6:1

Marĩ añurõ ẽjõpeorã nisĩꞌrĩrã, Cristo ye queti diasasere buꞌerã. Marĩrẽ buꞌemʉꞌtãꞌquere apaturi buꞌeticãꞌrã majã. Buꞌetojawʉ tema. Marĩ buꞌemʉꞌtãꞌque aꞌtiro niwʉ̃. Marĩ ñaꞌarõ weeꞌquere acobojose sẽrĩdutiwʉ. Tojo ñaꞌarõ weeꞌque buꞌiri pecameꞌepʉ waꞌabopã, niwʉ̃. Marĩ wãcũse dʉcayuroʉaꞌa nisere buꞌewʉ. Tojo nicã Õꞌacʉ̃rẽ ẽjõpeoroʉaꞌa nisere buꞌemʉꞌtãwʉ̃. Aꞌte ne waro buꞌenʉꞌcãꞌquere weeticãꞌrã majã.

Hebreos 7:25

Tojo weegʉ Õꞌacʉ̃rẽ masĩsĩꞌrĩrãrẽ yʉꞌrʉwetidojacã weemi. Cʉ̃rẽ ẽjõpeorãrẽ tojo weemi. Cʉ̃ catinuꞌcũgʉ̃ marĩ ye niatjere Õꞌacʉ̃rẽ sẽrĩbosanuꞌcũmi.

1 Pedro 1:11

Espíritu Santu weetamuse meꞌrã aꞌtiro wereyucãrã niwã: “Masãrẽ yʉꞌrʉoacjʉ pũrõ piꞌeti wẽrĩgʉ̃sami. Wẽrĩꞌcʉpʉ nimigʉ̃, masãgʉ̃sami. Cʉ̃ masã́ca beꞌro ʉꞌmʉsepʉ mʉjãa, cʉ̃ pacʉ tiro wiogʉ dujiri cũmurõ diacjʉ̃ peꞌe dujigʉsami.” Espíritu Santu tojo nisere tʉꞌorã, Õꞌacʉ̃ ye queti weremʉꞌtãrĩ masã “¿Deꞌro nicã, noarẽ tojo waꞌarosari?” nírã, pũrõ masĩsĩꞌrĩcãrã niwã.

1 Pedro 1:3

Õꞌacʉ̃, marĩ wiogʉ Jesucristo pacʉre eꞌcatise oꞌorã. Cʉ̃ marĩrẽ pajañaꞌgʉ̃, cʉ̃ põꞌrã sãjãcã weecʉ niwĩ. Cʉ̃ macʉ̃ Jesucristo wẽrĩꞌcʉpʉre masõꞌque meꞌrã marĩ todʉporo ñaꞌarõ nisetiꞌquere acobojocʉ niwĩ. Tere wéégʉ, marĩrẽ apaturi bajuaapoꞌcãrãrẽ weronojõ weecʉ niwĩ. Õꞌacʉ̃ cʉ̃ põꞌrãrẽ “Añubutiasere oꞌogʉti”, nicʉ niwĩ. Cʉ̃ oꞌoatjere marĩ eꞌcatise meꞌrã yucuerã weeꞌe. Tere ʉꞌmʉsepʉ cʉoyutojasami. Cʉ̃ oꞌoatje aꞌti nucũcã cjase weronojõ peꞌti, boasome. Ninuꞌcũcãꞌrõsaꞌa.

1 Pedro 3:22

Jesucristo masã́ca beꞌro cʉ̃ pacʉ tiropʉ mʉjãacʉ niwĩ. Niꞌcãrõacãrẽ cʉ̃ wiogʉ dujiri cũmurõpʉ nisami. Cʉ̃ nipeꞌtirã buꞌipʉ, wiogʉ nimi. Õꞌacʉ̃rẽ werecoꞌterã, nipeꞌtirã wiorã ʉꞌmʉarõpʉ nirã́ yʉꞌrʉoro nimi.