1 João 3:2 - Õꞌacʉ̃ Yere Ucũrĩ Turi

² Acawererã, marĩ Õꞌacʉ̃ põꞌrã nitojaꞌa. Cʉ̃ põꞌrã nimirã, beꞌropʉ marĩ deꞌro waꞌatjere añurõ masĩnoꞌña marĩꞌi yujupʉ. Aꞌte diaꞌcʉ̃rẽ masĩꞌi. Marĩ Jesucristo aꞌticã, cʉ̃ bajusere ĩꞌarãsaꞌa. Cʉ̃rẽ ĩꞌarã, cʉ̃ weronojõ waꞌarãsaꞌa.

Tukano

² Akawerérã, marî Õ'âkɨ̃hɨ põ'ra niî toha'. Kɨ̃ɨ̂ põ'rá niîmirã, be'ropɨ́ marî de'ró wa'aátehere ãyuró masî no'oya marí' yuhûpɨ. A'té di'akɨ̃re masî'. Marî Jesu Cristo a'tikã́, kɨ̃ɨ̂ bahusére ĩ'yârãsa'. Kɨ̃ɨ̂re ĩ'yârã, kɨ̃ɨ̂ weeró noho wa'ârãsa'.

1 João 3:2 Iomraidhean Croise

Mateus 5:8

”Noꞌo ñaꞌase moorãnojõ eꞌcatima. Náta Õꞌacʉ̃rẽ ĩꞌarãsama.

San Lucas 17:30

Yʉꞌʉ Õꞌacʉ̃ macʉ̃ masʉ̃ weronojõ upʉtigʉ aꞌtiri curare mejãrõta weerãsama.

San Lucas 20:36

Na wẽ́rĩ́ca beꞌro masãꞌcãrã nitjĩarã, Õꞌacʉ̃ põꞌrã nima. Tojo nicã Õꞌacʉ̃rẽ werecoꞌterã ʉꞌmʉsepʉ nirã́ weronojõ nirãsama. Tojo weerã wẽrĩsome majã.

San Juan 1:12

Niꞌcãrẽrã cʉ̃rẽ ñeꞌe ẽjõpeowã. Nipeꞌtirã cʉ̃rẽ ẽjõpeorãrẽ Õꞌacʉ̃ põꞌrã sãjãcã weewĩ.

San Juan 11:52

Jesú ti diꞌtacjãrã diaꞌcʉ̃rẽ wẽrĩbosaticʉ niwĩ. Nipeꞌtirã Õꞌacʉ̃ põꞌrã cʉ̃rẽ ẽjõpeoajãrẽ noꞌo apeye diꞌtapʉ nirã́ quẽꞌrãrẽ wẽrĩbosacʉ niwĩ. Niꞌcã curua weesĩꞌrĩgʉ̃ tojo weecʉ niwĩ.

San Juan 17:24

»Aꞌti turi weese dʉporo mʉꞌʉ yʉꞌʉre maꞌiwʉ̃. Tojo weegʉ mʉꞌʉ nisetisere yʉꞌʉre oꞌowʉ. Pacʉ, mʉꞌʉ oꞌoꞌcãrãrẽ yʉꞌʉ meꞌrã nicã ʉasaꞌa. Narẽ yʉꞌʉ tutuasere ĩꞌadutigʉ tojo weeꞌe.

Romanos 8:16

Espíritu Santu marĩ wãcũsepʉ “Õꞌacʉ̃ põꞌrã nitojaꞌa”, ni tʉꞌoñaꞌcã weemi.

Romanos 8:18

Marĩ aꞌti nucũcãpʉ piꞌetiꞌi, piꞌetirã. Beꞌropʉ Õꞌacʉ̃ marĩrẽ ʉꞌmʉsepʉ añusere oꞌoatjere wãcũcãma, niꞌcãrõacã marĩ piꞌetise mejõ niseacã niꞌi.

Romanos 8:19

Beꞌro niꞌcã nʉmʉ Õꞌacʉ̃ “Ãꞌrã yʉꞌʉ põꞌrã nima. Narẽ añuse oꞌogʉti”, nigʉ̃sami. Nipeꞌtise cʉ̃ weeꞌque ʉꞌmʉarõ cjase, aꞌti turi cjase cʉ̃ tojo weeatjere masã apeyenojõrẽ ʉpʉtʉ ĩꞌasĩꞌrĩrõ weronojõ coꞌtewapamoꞌo.

Romanos 8:29

Õꞌacʉ̃ ne waropʉre ĩꞌabesenʉꞌcõtojagʉpʉ “Ãꞌrã yʉꞌʉ põꞌrã nirãsama”, nicʉ niwĩ. Cʉ̃ macʉ̃ weronojõ nisetiato nígʉ̃ tojo weecʉ niwĩ. Tojo nicã cʉ̃ macʉ̃rẽ “Nipeꞌtirã cʉ̃rẽ ẽjõpeorã masã maꞌmi niato”, nicʉ niwĩ.

1 Corintios 13:12

Tojo weronojõ aꞌtocatero marĩ añurõ masĩweꞌe. Ẽorõ mejãrõpʉ marĩ ĩꞌase weronojõ niꞌi. Queoro bajuweꞌe. Beꞌro bajuyoropʉ Õꞌacʉ̃rẽ ĩꞌarãsaꞌa. Niꞌcãrõacãrẽ marĩ cãꞌrõacã masĩꞌi. Beꞌro cʉ̃ marĩrẽ masĩrõnojõta masĩpeꞌocãꞌrãsaꞌa.

1 Corintios 15:49

Adã́ diꞌta meꞌrã yeenoꞌcʉ niwĩ. Marĩ cʉ̃ weronojõ upʉtiꞌi. Mejãrõta beꞌropʉ ʉꞌmʉsecjʉ̃ Cristo weronojõ upʉtirãsaꞌa.

1 Corintios 2:9

Õꞌacʉ̃ ye queti ojáca pũrĩpʉre aꞌtiro peꞌe ojanoꞌo: Õꞌacʉ̃ cʉ̃rẽ mairãrẽ añuse apoyucʉ niwĩ. Na ĩꞌatiꞌque, na tʉꞌotiꞌque niꞌi. Na ne cãꞌrõ wãcũmaꞌatiꞌque niꞌi, ni ojanoꞌo.

2 Corintios 3:18

Marĩ Cristore ẽjõpeorã niꞌi. Tojo weerã marĩ wiogʉ añuyʉꞌrʉagʉ nimi nisere masĩꞌi. Marĩ, marĩ catiri ʉmʉco põtẽorõ cʉ̃ diaꞌcʉ̃rẽ wãcũnuꞌcũꞌu. Cʉ̃rẽ wãcũrã, siape meꞌrã cʉ̃ weronojõ cʉ̃ añurõ weesere marĩ quẽꞌrã weenemowãꞌcãꞌa. Marĩ wiogʉ Espíritu Santu marĩrẽ tojo weemi.

2 Corintios 4:17

Aꞌtiro niꞌi. Marĩ aꞌti nucũcãpʉ piꞌetise maata peꞌtiatje niꞌi. Marĩ Jesucristore ẽjõpeorã piꞌetiꞌque wapa nemorõ añuse peꞌtitiatjere bocarãsaꞌa.

Gálatas 3:26

Marĩ nipeꞌtirã Jesucristore ẽjõpeose meꞌrã Õꞌacʉ̃ põꞌrã niꞌi.

Gálatas 4:6

Õꞌacʉ̃ marĩrẽ yʉꞌʉ põꞌrã nitojama nígʉ̃, marĩrẽ cʉ̃ macʉ̃ meꞌrã Espíritu Santure oꞌócʉ niwĩ. Tojo weerã Õꞌacʉ̃rẽ “Pacʉ”, pisumasĩꞌi.

Filipenses 3:21

Cʉ̃ marĩ ya upʉ aꞌti upʉmejãrõrẽ dʉcayugʉsami. Cʉ̃ ya upʉ weronojõ añubutiari upʉ weegʉsami. Cʉ̃ nipeꞌtisere cʉ̃ doca tojacã weegʉsami. Cʉ̃ tojo weemasĩrõnojõta mejãrõta cʉ̃ tutuaro meꞌrã marĩ quẽꞌrãrẽ dʉcayugʉsami.

Colosenses 3:4

Cʉ̃́ta marĩrẽ sʉꞌori nimi. Sʉꞌori catimi. Marĩ cʉ̃ meꞌrã niꞌi. Tojo weerã cʉ̃ aꞌti nucũcãpʉre apaturi aꞌticã, marĩ quẽꞌrã cʉ̃ tutuase, cʉ̃ asistese meꞌrã aꞌtirãsaꞌa.

Hebreos 9:28

Cristo niꞌcãtita cʉ̃ wẽrĩse meꞌrã waꞌicʉrãrẽ wẽjẽ ʉ̃jʉ̃amorõpeoro weronojõ weecʉ niwĩ. Tojo weese meꞌrã masã nipeꞌtirã ñaꞌarõ weeꞌquere cõꞌacʉ niwĩ. Beꞌro apaturi aꞌtigʉsami. Masã na ñaꞌarõ weeꞌquere cõꞌagʉ̃ mejẽta aꞌtigʉsami. Masã cʉ̃rẽ yucuerã peꞌere yʉꞌrʉogʉ aꞌtigʉ weegʉsami.

2 Pedro 1:4

Aꞌtiro wéégʉ, cʉ̃ tutuaro meꞌrã marĩrẽ “Peje añurõ weegʉti”, nicʉ niwĩ. Cʉ̃ tojo níꞌque añuse waro niꞌi. Wapatiyʉꞌrʉaꞌa. Cʉ̃ “Aꞌtiro weegʉti” nise meꞌrã marĩ cʉ̃ weronojõ nisetimasĩrãsaꞌa. Tojo nicã mʉsã aꞌti turi cjase ñaꞌase ʉaripejasere yʉꞌrʉwetirãsaꞌa.

1 João 2:28

Niꞌcãrõacã quẽꞌrãrẽ cʉ̃ meꞌrã ninuꞌcũcãꞌña. Marĩ tojo wéérã, cʉ̃ aꞌti nucũcãpʉ aꞌticã, cʉ̃rẽ põtẽrĩrã ĩꞌaʉcʉasome. Bopoyasome.

1 João 2:7

Acawererã, yʉꞌʉ mʉsãrẽ ojase apeye maꞌma dutise mejẽta niꞌi. Todʉporopʉ mʉsã dutise cʉoꞌquereta ojaꞌa. Aꞌte mʉsã tʉꞌoꞌquepʉ niꞌi.

1 João 3:1

Ĩꞌarẽ mʉsã Õꞌacʉ̃ marĩ pacʉ marĩrẽ maꞌisere. Marĩrẽ maꞌígʉ̃, “Yʉꞌʉ põꞌrã” ni ẽjõpeosami. Tojo nírõnojõta marĩ cʉ̃ põꞌrã niꞌi. Ãpẽrã aꞌti turicjãrã Õꞌacʉ̃rẽ masĩtitjĩarã, marĩ cʉ̃rẽ ẽjõpeorã weesetisere masĩtisama.

1 João 3:10

Marĩ Õꞌacʉ̃ põꞌrãrẽ, wãtĩ yarãrẽ aꞌtiro ĩꞌadʉcawaamasĩꞌi. Noꞌo ãpẽrãrẽ maꞌitirã, ñaꞌarõ weesetirãrẽ “Wãtĩ yarã nima”, niꞌi. Ãpẽrãrẽ maꞌírã añurõ weesetirã peꞌere “Õꞌacʉ̃ põꞌrã nima”, niꞌi.

1 João 3:21

Marĩ ne buꞌiri moosaꞌa ni tʉꞌoñaꞌrã, uise marĩrõ Õꞌacʉ̃rẽ sẽrĩmasĩꞌi. Cʉ̃ dutisere, cʉ̃ ʉasere weecã, Õꞌacʉ̃ nipeꞌtise marĩ sẽrĩsere yʉꞌtigʉsami.

1 João 5:1

Nipeꞌtirã “Jesú Õꞌacʉ̃ beseꞌcʉ nimi” ni ẽjõpeorãnojõ Õꞌacʉ̃ põꞌrã nima. Ãpẽrãrẽ maꞌírã, na põꞌrã quẽꞌrãrẽ maꞌirõʉaꞌa.

Apocalipse 2:28

Apeye quẽꞌrãrẽ yʉꞌʉ ʉaro weenuꞌcũgʉ̃rẽ aꞌtiro weegʉti. Narẽ sʉꞌori nigʉ̃́ weronojõ nigʉ̃sami. Ñocõawʉ̃ boꞌrequeꞌari cura mʉjãtigʉ weronojõ nigʉ̃sami.

Apocalipse 22:4

Bajuyoropʉ cʉ̃rẽ ĩꞌarãsama. Na diapoapʉ cʉ̃ wãmerẽ cʉorãsama.