1 João 1:9 - Õꞌacʉ̃ Yere Ucũrĩ Turi

⁹ Õꞌacʉ̃ queoro weenuꞌcũgʉ̃ marĩ ñaꞌarõ weeꞌquere diacjʉ̃ wereyʉꞌrʉcã, queorota marĩrẽ acobojogʉsami. Nipeꞌtise marĩ ñaꞌarõ weesetiꞌquere coepeꞌocʉ̃sami.

Tukano

⁹ Õ'âkɨ̃hɨ keoró weé nu'kugɨ marî yã'âro weé'kere diakɨ̃hɨ́ werê yɨ'rɨkã, keoróta marîre akobohógɨsami. Niî pe'tise marî yã'âro weeséti'kere koé pe'okɨ̃'sami.

1 João 1:9 Iomraidhean Croise

1 João 1:7

Õꞌacʉ̃ añurõ weemi. Marĩ Õꞌacʉ̃ weronojõ añurõ wéérã pũrĩcã, ãpẽrã meꞌrã añurõ nisetimasĩꞌi. Cʉ̃ macʉ̃ Jesucristo wẽrĩse meꞌrã nipeꞌtise marĩ ñaꞌarõ nisetisere dʉcayunuꞌcũmi.

Hebreos 10:23

Õꞌacʉ̃ “Tojo weegʉti” níꞌquere weegʉsami. Tojo weerã marĩ ẽjõpeosetisere ẽjõpeoronojõta ne dʉcayuro marĩrõ ẽjõpeonuꞌcũrã. Cʉ̃ oꞌoatjere eꞌcatise meꞌrã yucuerã, tojo weerã.

1 Timoteo 1:15

Aꞌte yʉꞌʉ ucũatje queoro waro niꞌi. Nipeꞌtirã ẽjõpeoroʉaꞌa. Aꞌtiro niꞌi. Jesucristo ñaꞌarõ weerãrẽ yʉꞌrʉosĩꞌrĩgʉ̃ aꞌti nucũcãpʉre aꞌticʉ niwĩ. Yʉꞌʉta nipeꞌtirã yʉꞌrʉoro ñaꞌarõ weeyʉꞌrʉnʉꞌcãꞌcʉ niꞌi.

1 Corintios 1:9

Õꞌacʉ̃ cʉ̃ níꞌquere queoro weemi. Cʉ̃́ta mʉsãrẽ besecʉ niwĩ. Cʉ̃ macʉ̃ Jesucristo marĩ wiogʉ meꞌrã añurõ nidutigʉ besecʉ niwĩ.

Hechos 19:18

Tojo weerã pãjãrã masã Jesure ẽjõpeorã, masã na tʉꞌoropʉ wereyʉꞌrʉcãrã niwã na todʉporopʉ masãrẽ dojorẽsetiꞌquere, na yai weronojõ nisetiꞌquere.

Marcos 1:5

Pãjãrã ti diꞌta Judeapʉ nirã́, tojo nicã Jerusalẽ́cjãrã cʉ̃ buꞌesere tʉꞌorã waꞌacãrã niwã. Na ñaꞌarõ weeꞌquere wereyʉꞌrʉca beꞌro Jordã́ wãmetiri maapʉ narẽ wãmeyecʉ niwĩ.

Tito 2:14

Jesucristo marĩ ñaꞌarõ weesere yʉꞌrʉweticã wéégʉ, wẽrĩbosacʉ niwĩ. Cʉ̃ marĩrẽ cʉ̃ yarã sãjãdutigʉ, ñaꞌase moorã niato nígʉ̃ tojo weecʉ niwĩ. Marĩrẽ eꞌcatise meꞌrã añurõ weeseticã ʉasami. Tojo weegʉ wẽrĩbosacʉ niwĩ.

1 Corintios 6:11

Todʉporopʉre mʉsã niꞌcãrẽrã aꞌtere tojota weeseticãrã niwʉ̃. Niꞌcãrõacãrẽ acobojo, dʉcayunoꞌcãrãpʉ niꞌi. Õꞌacʉ̃ yarã niꞌi. Marĩ wiogʉ Jesú meꞌrã, tojo nicã Espíritu Santu meꞌrã Õꞌacʉ̃ mʉsãrẽ “Añurã nima”, ni ĩꞌasami.

Hebreos 6:10

Õꞌacʉ̃ queoro weegʉ́ nimi. Cʉ̃ mʉsã acawererã Jesucristore ẽjõpeorãrẽ mʉsã añurõ weeꞌquere acobojosome. Narẽ mʉsã weetamusere acobojosome. Mʉsã narẽ añurõ wéérã, Õꞌacʉ̃rẽ maꞌisere ĩꞌoꞌo.

Apocalipse 15:3

Na Õꞌacʉ̃rẽ daꞌracoꞌtegʉ Moisé ye basasere basapeowã. Õꞌacʉ̃ macʉ̃ oveja wĩꞌmagʉ̃ weronojõ bajugʉ ye basase quẽꞌrãrẽ basapeowã. Aꞌtiro niwã: Õꞌacʉ̃ ʉ̃sã wiogʉ, mʉꞌʉ tutuayʉꞌrʉgʉ niꞌi. Nipeꞌtise mʉꞌʉ weeꞌque añubutiase paca niꞌi. Tere ĩꞌarã, ʉ̃sã ĩꞌamarĩa waꞌaꞌa. Mʉꞌʉ nipeꞌtise macãrĩcjãrã wiogʉ niꞌi. Mʉꞌʉ weesetise queoro niꞌi. Mʉꞌʉrẽ ne nisoose marĩꞌi.

Hebreos 11:11

Apego quẽꞌrã Õꞌacʉ̃rẽ ẽjõpeogo, Abrahã nʉmo Sara aꞌtiro weenoꞌco niwõ. Co bʉcʉo waro põꞌrã bocata basiotimicã, Õꞌacʉ̃ core põꞌrãticã weecʉ niwĩ. Co niꞌcʉ̃ põꞌrãtico niwõ. Co aꞌtiro wãcũco niwõ: “Õꞌacʉ̃ yʉꞌʉre ‘Wĩꞌmagʉ̃ wʉagosaꞌa’ níꞌquere queoro weegʉsami”, nico niwõ. Tojo weegʉ Õꞌacʉ̃ queoro weecʉ niwĩ.

Mateus 3:6

Na ñaꞌarõ weeꞌquere wereyʉꞌrʉca beꞌro narẽ wãmeyecʉ niwĩ.

Efesios 5:26

Jesucristo cʉ̃ ya curuacjãrãrẽ cʉ̃ yarã nidutigʉ tojo wẽrĩbosacʉ niwĩ. Cʉ̃ ye quetire ẽjõpeocã, marĩ ñaꞌarõ weeꞌquere cõꞌa dʉcayucã weemi. Aco meꞌrã ũꞌirĩtisere coero weronojõ weemi.

Romanos 3:26

Aꞌtiro nicãrẽ Jesucristo marĩ ñaꞌarõ weeꞌquere wẽrĩ wapayeꞌque meꞌrã Õꞌacʉ̃ cʉ̃ queoro weesere ĩꞌosami. Mejãrõta tja cʉ̃ macʉ̃ Jesucristore ẽjõpeorãrẽ buꞌiri marĩrã, añurã waꞌacã weesami.

Éxodo 34:7

Peje curari beꞌrocjãrã quẽꞌrãrẽ maꞌinuꞌcũcʉ̃saꞌa. Masã ñaꞌarõ weesere, yʉꞌʉre yʉꞌrʉnʉꞌcãsere acobojoꞌo. Yʉꞌʉ tojo weemicã, ñaꞌarõ weegʉ́a ne buꞌiri daꞌrenoꞌña marĩgʉ̃ tojatisami. Buꞌiri daꞌrenoꞌsami. Pacʉsʉmʉa ñaꞌarõ weeꞌque wapa na põꞌrãpʉre, na pãrãmerãpʉre, na pãrãmerã nituriarãpʉre, tojota buꞌiri daꞌre yapatinoꞌrãsama, nicʉ niwĩ.

San Juan 17:25

Pacʉ, mʉꞌʉ queoro weeꞌe. Aꞌti nucũcãcjãrã yʉꞌʉre ẽjõpeotirã mʉꞌʉrẽ masĩtima. Yʉꞌʉ mʉꞌʉrẽ masĩꞌi. Ãꞌrã yʉꞌʉ buꞌerã mʉꞌʉ yʉꞌʉre oꞌóꞌquere masĩma.

San Lucas 22:57

Pedro core nisoogʉ, aꞌtiro nicʉ niwĩ: —Cʉ̃rẽ masĩtisaꞌa, nicʉ niwĩ.