1 João 1:1 - Õꞌacʉ̃ Yere Ucũrĩ Turi

^1-2 Yʉꞌʉ mʉsãrẽ Jesucristo ye cjasere, cʉ̃ nisetisere ojagʉ weeꞌe. Aꞌtiro niꞌi. Aꞌti turi weese dʉporo cʉ̃, cʉ̃ pacʉ meꞌrã nitojacʉ niwĩ. Beꞌro aꞌti turipʉre bajuacʉ niwĩ. Cʉ̃ catinuꞌcũgʉ̃ marĩrẽ catinuꞌcũcã weegʉ́ nimi. Ʉ̃sã cʉ̃rẽ ĩꞌawʉ̃. Cʉ̃ ucũsere tʉꞌowʉ. Ʉ̃sã basu warota cʉ̃rẽ ĩꞌabutiawʉ. Cʉ̃rẽ añurõ masĩwʉ̃. Tojo weerã cʉ̃rẽ ĩꞌaꞌquere mʉsãrẽ wereꞌe.

Tukano

^1-2 Yɨ'ɨ̂ mɨsâre Jesu Cristo yeekãhasere, kɨ̃ɨ̂ niisétisere ohâgɨ weé'. A'tîro niî'. A'ti ɨmɨ́koho weeátoho dɨporo kɨ̃ɨ̂, kɨ̃ɨ̂ pakɨ́ me'ra niî tohakɨ niîwĩ. Be'ró a'ti nukúkãpɨre bahuákɨ niîwĩ. Kɨ̃ɨ̂ katî nu'kugɨ marîre katî nu'kukã weegɨ́ niîmi. Ɨ̃sâ kɨ̃ɨ̂re ĩ'yâwɨ. Kɨ̃ɨ̂ uúkũsere tɨ'owɨ́. Ɨ̃sâ basita kɨ̃ɨ̂re ĩ'yâ butia'wɨ. Kɨ̃ɨ̂re ãyuró masîwɨ. Tohô weérã kɨ̃ɨ̂re ĩ'yâ'kere mɨsâre werê'.

1 João 1:1 Iomraidhean Croise

San Lucas 1:2

Ʉ̃sãrẽ buꞌeꞌcaronojõta ojacãrã niwã. Jesú ne waro weenʉꞌcãꞌquere ĩꞌaꞌcãrã, cʉ̃ ye quetire weretamuꞌcãrã wereturiacãrã niwã. Tereta ãpẽrã ojacãrã niwã.

San Lucas 24:39

Ĩꞌaña yʉꞌʉ omocãrĩ, yʉꞌʉ dʉꞌpocãrĩrẽ. Yʉꞌʉta niꞌi. Yʉꞌʉre ñeꞌeñaꞌrã aꞌtia. Wẽrĩꞌcʉ wãtĩ mʉsã yʉꞌʉre niꞌcãrõacã ĩꞌarõ weronojõ upʉtitimi, nicʉ niwĩ.

San Juan 19:35

Yʉꞌʉ aꞌtere ĩꞌawʉ̃. Diacjʉ̃ta niꞌi. Mʉsã quẽꞌrã aꞌtere ẽjõpeoato nígʉ̃ mʉsãrẽ wereꞌe.

San Juan 20:27

Beꞌro Tomárẽ niwĩ: —Ĩꞌaña yé omocãrĩrẽ. Mʉꞌʉ omopicare na yʉꞌʉre paabiꞌpeꞌque peripʉ sĩosõrõña. Yʉꞌʉre paatipaꞌmapʉ na ñosẽꞌcaropʉre mʉꞌʉ ya omopicare sĩosõrõña. Ẽjõpeose moogʉ̃ niticãꞌña. Yʉꞌʉre ẽjõpeoya.

San Juan 5:26

Yʉꞌʉ pacʉta masãrẽ catinuꞌcũsere oꞌomasĩmi. Cʉ̃́ta masãrẽ catinuꞌcũcã weedutigʉ yʉꞌʉre oꞌómi.

San Juan 8:58

Jesú narẽ niwĩ: —Diacjʉ̃ta nigʉ̃ti. Abrahã bajuase dʉporopʉ yʉꞌʉ nitojawʉ.

Hechos 1:3

Cʉ̃ wẽrĩ masã́ca beꞌro pejetiri Jesú bajuacʉ niwĩ. Cuarenta nʉmʉrĩ bajuacʉ niwĩ narẽ. Tojo weerã cʉ̃rẽ ĩꞌarã, “Marĩ ‘Wẽrĩa waꞌami’ níꞌcʉ catimi”, nicãrã niwã. Narẽ Õꞌacʉ̃ nipeꞌtirã masã wiogʉ nimi nise quetire werecʉ niwĩ.

Hebreos 2:3

Marĩ pũrĩcã Õꞌacʉ̃ masãrẽ yʉꞌrʉose queti añubutiasere cʉoꞌo. Tojo cʉomirã, tere tojo ĩꞌacõꞌarã, cʉ̃ buꞌiri daꞌresere ne yʉꞌrʉwetisome. Ne warore Jesucristo marĩ wiogʉ masãrẽ yʉꞌrʉogʉti nisere werenʉꞌcãcʉ niwĩ. Beꞌro tja cʉ̃ wereꞌquere tʉꞌorã, aꞌtiro weeꞌcãrã niwã. Diacjʉ̃ta niꞌi nírã, marĩrẽ wereturiacãrã niwã.

1 João 4:14

Õꞌacʉ̃ macʉ̃rẽ ʉ̃sã basuta ĩꞌawʉ̃. Cʉ̃rẽ aꞌti turipʉre marĩ ñaꞌarõ wee nisetimiꞌcãrãrẽ yʉꞌrʉweticã weedutigʉ oꞌócʉ niwĩ. Tojo weerã mʉsãrẽ aꞌtere wereꞌe.

1 João 5:7

Aꞌte quetire na basuta ĩꞌoma. Na iꞌtiarã ʉꞌmʉsepʉ nima: pacʉ, macʉ̃, tojo nicã Espíritu Santu. Ãꞌrã iꞌtiarãpʉ dʉcawatimirã, niꞌcʉ̃ta nimi.

Apocalipse 1:11

Cʉ̃ yʉꞌʉre aꞌtiro niwĩ: —Yʉꞌʉta nimʉꞌtãgʉ̃, nitʉogʉpʉ niꞌi. Nipeꞌtise mʉꞌʉ ĩꞌasere niꞌcã pũrĩpʉ ojaya. Mʉꞌʉ ojaꞌquere Asiapʉ nirã́ siete cururi Jesucristore ẽjõpeose cururicjãrãrẽ oꞌóya. Na aꞌticʉrã nima: Éfesocjãrã, Esmirnacjãrã, Pérgamocjãrã, Tiatiracjãrã, Sardicjãrã, Filadelfiacjãrã, tojo nicã Laodiceacjãrãrẽ oꞌóya, niwĩ.

Apocalipse 1:8

Marĩ wiogʉ Õꞌacʉ̃ tutuayʉꞌrʉnʉꞌcãgʉ̃ aꞌtiro nimi: “Yʉꞌʉta nimʉꞌtãgʉ̃, nitʉogʉpʉ niꞌi.” Õꞌacʉ̃ ne waropʉta níꞌcʉ nimi. Aꞌtiro nicã quẽꞌrãrẽ ninuꞌcũmi. Beꞌropʉ quẽꞌrãrẽ apaturi aꞌtigʉsami.

Apocalipse 19:13

Cʉ̃ ya suꞌtiro dí meꞌrã yosoꞌcarore sãñawĩ. Cʉ̃ wãmetiwĩ Õꞌacʉ̃ Ucũse.

Apocalipse 2:8

Apaturi Jesucristo ninemowĩ tja: “Esmirnacjãrã, yʉꞌʉre ẽjõpeori curuacjãrã wiogʉ sʉꞌori nigʉ̃́ quẽꞌrãrẽ aꞌtiro ojaya: ‘Yʉꞌʉta nimʉꞌtãgʉ̃, nitʉogʉpʉ niꞌi. Yʉꞌʉ wẽrĩ masãꞌcʉ niꞌi.