1 Corintios 9:12 - Õꞌacʉ̃ Yere Ucũrĩ Turi

¹² Mʉsã ãpẽrãmarĩcãrẽ tojo oꞌosaꞌa. Ʉ̃sã pũrĩcãrẽ tjãsaꞌa. “Ʉ̃sãrẽ oꞌoya”, nímasĩꞌi. Tojo nimirã, “Oꞌoya”, ne niweꞌe. Tojo nírõnojõ oꞌorã, suꞌtinojõ, baꞌasenojõ moorã, tojo nʉꞌcãcãꞌwʉ̃. Aꞌtiro wãcũwʉ̃: “Marĩ sẽrĩcã peꞌere, Cristo ye quetire ʉatibosama”, ni wãcũwʉ̃. Tojo weerã apeyenojõ marĩcã ĩꞌarã, tojo nʉꞌcãcãꞌwʉ̃.

Tukano

¹² Mɨsâ ãpêrã marikãre tohô o'ósa'. Ɨ̃sâ pũrikãre tãhása'. “Ɨ̃sâre o'ôya”, niî masi'. Tohô niîmikã, “O'ôya”, neê nií wee'. Tohô niiró noho o'ôrã, su'ti nohó, ba'asé noho moórã, tohô tɨ'ó yã'akã'wɨ. A'tîro wãkûwɨ: “Marî sẽrikã́ pe'ere, Cristo yee kitire ɨatí boosama”, niî wãkûwɨ. Tohô weérã apêye noho marikã ĩ'yârã, tohô tɨ'ó yã'akã'wɨ.

1 Corintios 9:12 Iomraidhean Croise

Génesis 24:56

Abrahãrẽ daꞌracoꞌtegʉ peꞌe aꞌtiro nicʉ niwĩ: —Yʉꞌʉ tojaacã, cãꞌmotaꞌanemoticãꞌña majã. Õꞌacʉ̃ yʉꞌʉ aꞌtiꞌquere añurõ waꞌacã weetojami. Tojo weerã yʉꞌʉ wiogʉ ya wiꞌipʉ dajatojaadutiya.

San Lucas 11:52

»Mʉsã Moisé ojaꞌquere buꞌeri masã Õꞌacʉ̃ yere masĩꞌi. Tere masĩmirã, ãpẽrãrẽ masĩcã weeweꞌe. Mʉsã basuta yʉꞌʉre ẽjõpeoweꞌe. Ãpẽrã quẽꞌrãrẽ ẽjõpeosĩꞌrĩcã ʉasãweꞌe. Tojo weero ñaꞌarõ waꞌarosaꞌa mʉsãrẽ, nicʉ niwĩ Jesú.

Hechos 18:3

Na quẽꞌrã cʉ̃ weronojõta daꞌrasetirã nicãrã niwã. Ʉsebʉtise suꞌti caseri paca meꞌrã ãpẽrã sijarã waꞌarã na miase wiꞌserire daꞌrerã nicãrã niwã. Te na daꞌraseticã ĩꞌagʉ̃, na tiro na meꞌrã daꞌragʉ tojacãꞌcʉ niwĩ.

Romanos 15:22

Yʉꞌʉ peje macãrĩpʉ buꞌesijayugʉ, mʉsã tiropʉ waꞌamasĩtisaꞌa yujupʉ.

1 Corintios 13:7

Ãpẽrã na ñaꞌarõ weesere ne cãꞌrõ wereturiaweꞌe. Na weesere añuse diaꞌcʉ̃rẽ ẽjõpeoꞌo. “Beꞌropʉ añurõ weerãsama”, ni wãcũꞌu. Nipeꞌtise ãpẽrã marĩrẽ ñaꞌarõ weecã, wãcũtutuaꞌa.

1 Corintios 6:7

Mʉsã basu aꞌmerĩ uarã, tojo weemaꞌacãrã weeꞌe. Mʉsãrẽ ñaꞌarõ weesere tojo tʉꞌoñaꞌcã, nemorõ añubosaꞌa. Narẽ weresãrõnojõ oꞌorã, na yajasere yaꞌyiosãrã, tojo tʉꞌoñaꞌcãꞌña.

1 Corintios 9:14

Aꞌte weronojõ Jesucristo ye queti wererã quẽꞌrãrẽ “Na te daꞌrase meꞌrã wapataꞌabaꞌato”, nicʉ niwĩ marĩ wiogʉ.

1 Corintios 9:15

Tojo nimicã, yʉꞌʉ ne niꞌcãti aꞌtere niticãti. Tojo nicã niꞌcãrõacã quẽꞌrãrẽ mʉsãrẽ apeyenojõ oꞌodutigʉ mejẽta tojo ojaꞌa. Ʉjaboa wẽrĩmigʉ̃, mʉsãrẽ wereꞌque wapa wapaseesome.

1 Corintios 9:16

Yʉꞌʉ Jesucristo ye quetire weregʉ, tere werese buꞌiri “Ãpẽrã yʉꞌrʉoro añuyʉꞌrʉnʉꞌcãꞌa”, niweꞌe. Te yʉꞌʉ daꞌrase niꞌi. Yʉꞌʉ tere wereticã, ñaꞌarõ waꞌabosaꞌa.

1 Corintios 9:18

Yʉꞌʉ Jesucristo ye quetire weregʉ, wapataꞌabaꞌamasĩꞌi. Tojo weeta basiomicã, “Wapayeya”, niweꞌe. Yʉꞌʉ wapataꞌase aꞌtiro niꞌi. Jesucristo masãrẽ yʉꞌrʉomi nise quetire weregʉ, eꞌcatiꞌi. Tere weregʉ, wapaseeweꞌe. Tereta yʉꞌʉ wapataꞌa.

1 Corintios 9:2

Ãpẽrã yʉꞌʉre “Cʉ̃ Jesucristo besecṹúꞌcʉ mejẽta nimi”, nírã nisama. Mʉsã pũrĩcã tojo niticãꞌña. Yʉꞌʉ mʉsãrẽ Jesucristore ẽjõpeocã weewʉ. Tojo nicã mʉsã cʉ̃rẽ ẽjõpeorãrẽ niꞌcã curuata nerẽqueꞌacã weewʉ. Tojo weese meꞌrã yʉꞌʉ cʉ̃ besecṹúꞌcʉ nisere masĩꞌi.

2 Corintios 11:12

Yʉꞌʉ weewʉaronojõ weenuꞌcũgʉ̃ti. Ãpẽrã peꞌe yʉꞌʉ weronojõ weerã weeꞌe, nisama. Na buꞌese wapare wapaseesama. Yʉꞌʉ peꞌe wapaseeweꞌe. Tojo weerã na “Cʉ̃ weronojõ weeꞌe”, nímasĩtisama.

2 Corintios 11:20

Mʉsã aꞌtiro weeꞌe. Ãpẽrã mʉsãrẽ dutipecã, nʉꞌcãsaꞌa. Noꞌo mʉsã yere miiwapacã, nʉꞌcãsaꞌa. Noꞌo tojo weetirã, mʉsãrẽ mejõ nirã weecã, nʉꞌcãsaꞌa. Tʉꞌomasĩtirãrẽ weronojõ ĩꞌacõꞌacã, nʉꞌcãsaꞌa. Noꞌo mʉsãrẽ diapoapʉ paacã quẽꞌrãrẽ, nʉꞌcãcãꞌsaꞌa. Tojo weese nipeꞌtisere nʉꞌcãpeꞌocãꞌsaꞌa.

2 Corintios 2:12

Yʉꞌʉ Troa wãmetiri macãpʉ Cristo ye quetire buꞌegʉ etagʉ, aꞌtiro bocaejawʉ. Jesucristo marĩ wiogʉ pãjãrãrẽ cʉ̃ ye quetire tʉꞌosĩꞌrĩcã weecʉ niwĩ.

2 Corintios 6:3

Ãpẽrãrẽ ʉ̃sã weresere mejẽcã wãcũdutitirã ʉ̃sã ne cãꞌrõ ñaꞌarõ weeweꞌe.