1 Corintios 8:3 - Õꞌacʉ̃ Yere Ucũrĩ Turi

³ Õꞌacʉ̃ cʉ̃rẽ maꞌigʉ̃ peꞌema aꞌtiro nisami: “Yagʉ nimi. Cʉ̃rẽ masĩꞌi”, nisami.

Tukano

³ Õ'âkɨ̃hɨ kɨ̃ɨ̂re ma'igɨ́ pe'e maa a'tîro niîsami: “Yagɨ́ niîmi. Kɨ̃ɨ̂re masî'”, niîsami.

1 Corintios 8:3 Iomraidhean Croise

Éxodo 33:12

Moisé Õꞌacʉ̃rẽ aꞌtiro nicʉ niwĩ: —Mʉꞌʉ yʉꞌʉre “Ãꞌrã masãrẽ sʉꞌori miaña”, niapʉ. Tojo nimigʉ̃, yʉꞌʉ meꞌrã waꞌacjʉre weretiapʉ. Tojo nicã “Mʉꞌʉrẽ añurõ masĩꞌi. Mʉꞌʉ weesere ĩꞌagʉ̃, eꞌcatiꞌi”, niapʉ.

Éxodo 33:17

Õꞌacʉ̃ Moisére apaturi ucũapocʉ niwĩ: —Mʉꞌʉrẽ añurõ masĩꞌi. Mʉꞌʉ meꞌrã eꞌcatiꞌi. Tojo weegʉ mʉꞌʉ sẽrĩꞌcaronojõta weegʉsaꞌa, nicʉ niwĩ Õꞌacʉ̃.

Mateus 7:23

Na tojo nimicã, ‘Mʉsãrẽ ne masĩticãti. Mʉsã ñaꞌarõ weeꞌcãrã niꞌi. Waꞌarãsaꞌa’, nigʉ̃saꞌa narẽ”, nicʉ niwĩ Jesú.

San Juan 10:14

»Yʉꞌʉ oveja añurõ coꞌtemeꞌrĩgʉ̃ weronojõ niꞌi. Aꞌtiro niꞌi. Yʉꞌʉ pacʉ yʉꞌʉre masĩmi. Yʉꞌʉ quẽꞌrã cʉ̃rẽ masĩꞌi. Te weronojõ yʉꞌʉ quẽꞌrã yarã ovejare masĩꞌi. Na quẽꞌrã yʉꞌʉre masĩma. Yʉꞌʉ na ye niatjere wẽrĩ, narẽ yʉꞌrʉogʉti.

San Juan 21:17

Apaturi ninemowĩ tja: —¿Simó, Joná macʉ̃, yʉꞌʉre mʉꞌʉ maꞌiti? Jesú iꞌtiati cʉ̃rẽ sẽrĩtiñaꞌcã ĩꞌagʉ̃, Pedro pũrõ bʉjawetiwĩ. Cʉ̃rẽ niwĩ: —Wiogʉ, nipeꞌtisere mʉꞌʉ masĩꞌi. Masĩꞌi yʉꞌʉ mʉꞌʉrẽ maꞌisere. Jesú cʉ̃rẽ niwĩ: —To pũrĩcãrẽ narẽ buꞌeya. Narẽ coꞌteya, niwĩ tja.

Romanos 11:2

Dʉporopʉ cʉ̃ yarã masã niato nígʉ̃ Õꞌacʉ̃ Israe curuacjãrãrẽ besecʉ niwĩ. Tojo weegʉ narẽ cõꞌaticʉ niwĩ. Mʉsã masĩsaꞌa Õꞌacʉ̃ ye queti weremʉꞌtãrĩ masʉ̃ Elía cʉ̃ níꞌquere. Cʉ̃ Õꞌacʉ̃pʉre “Israe curuacjãrã buꞌiri cʉoma”, nicʉ niwĩ. Aꞌtiro nicʉ niwĩ:

1 Corintios 13:12

Tojo weronojõ aꞌtocatero marĩ añurõ masĩweꞌe. Ẽorõ mejãrõpʉ marĩ ĩꞌase weronojõ niꞌi. Queoro bajuweꞌe. Beꞌro bajuyoropʉ Õꞌacʉ̃rẽ ĩꞌarãsaꞌa. Niꞌcãrõacãrẽ marĩ cãꞌrõacã masĩꞌi. Beꞌro cʉ̃ marĩrẽ masĩrõnojõta masĩpeꞌocãꞌrãsaꞌa.

1 Corintios 2:9

Õꞌacʉ̃ ye queti ojáca pũrĩpʉre aꞌtiro peꞌe ojanoꞌo: Õꞌacʉ̃ cʉ̃rẽ mairãrẽ añuse apoyucʉ niwĩ. Na ĩꞌatiꞌque, na tʉꞌotiꞌque niꞌi. Na ne cãꞌrõ wãcũmaꞌatiꞌque niꞌi, ni ojanoꞌo.

Gálatas 4:9

Niꞌcãrõacãrẽ mʉsã Õꞌacʉ̃rẽ masĩꞌi. Cʉ̃ peꞌe mʉsãrẽ masĩmʉꞌtãcʉ niwĩ. Cʉ̃rẽ ẽjõpeoca beꞌro todʉporopʉ mʉsã ẽjõpeoꞌquere duꞌucãꞌcãrã niwʉ̃. Mʉsã ẽjõpeomʉꞌtãꞌque mejõ nise niꞌi. Wapamarĩꞌi. Niꞌcãrõacãrẽ Moisé dutisere wéérã, mʉsã ẽjõpeomʉꞌtãꞌquere ẽjõpeorã weronojõ weerã weesaꞌa. ¿Todʉporopʉ daꞌrawãꞌñacoꞌteꞌcãrã weronojõ nisĩꞌrĩsari tja?

2 Timoteo 2:19

Õꞌacʉ̃ cʉ̃ ucũse cũuꞌque pũrĩcã tutuari wiꞌi yeenʉꞌcõꞌque weronojõ niꞌi. Cʉ̃ ye queti ne dʉcayuweꞌe. Aꞌtiro niꞌi. “Marĩ wiogʉ Jesucristo cʉ̃ yarãrẽ masĩsami.” Tojo nicã “Nipeꞌtirã ‘Jesucristo yarã niꞌi’, ni wãcũrã ñaꞌarõ weesere duꞌuato.”

Santiago 1:12

Jesucristore ẽjõpeogʉ cʉ̃rẽ ñaꞌarõ waꞌamicã ẽjõpeonuꞌcũgʉ̃, eꞌcatisami. Cʉ̃ wãcũtutuaca beꞌro Õꞌacʉ̃ cʉ̃rẽ “Queoro weemi”, nisami. Tojo weegʉ cʉ̃ meꞌrã ʉꞌmʉsepʉ catinuꞌcũgʉ̃sami. Õꞌacʉ̃ “Yʉꞌʉre ẽjõpeorãrẽ catinuꞌcũsere oꞌogʉti” níꞌcaronojõta oꞌogʉsami.

Santiago 2:5

Yʉꞌʉ acawererã yʉꞌʉ mairã, yʉꞌʉre tʉꞌoya. Õꞌacʉ̃ pajasecʉorãrẽ pũrõ maꞌisami. Cʉ̃rẽ ẽjõpeodutigʉ narẽ besecʉ niwĩ. Na ẽjõpeocã, cʉ̃ ĩꞌorõpʉre na ẽjõpeose pajiro wapatiꞌi. Tojo nicã cʉ̃ tiropʉ waꞌato nígʉ̃ besecʉ niwĩ. Cʉ̃ níꞌcaronojõta cʉ̃rẽ mairã cʉ̃ tiropʉ ninuꞌcũrãsama.

1 Pedro 1:8

Mʉsã Jesucristore aꞌti nucũcãpʉ nicã ĩꞌatiꞌcãrã nimirã, cʉ̃rẽ maꞌiꞌi. Aꞌtiro nicãrẽ cʉ̃rẽ ĩꞌatimirã, ẽjõpeoꞌo. Mʉsã cʉ̃rẽ ẽjõpeocã, mʉsãrẽ pecameꞌepʉ waꞌaboꞌcãrãrẽ yʉꞌrʉcã weegʉsami. Tojo weerã mʉsã Õꞌacʉ̃ tiropʉ waꞌatjere wãcũrã, pũrõ eꞌcatiꞌi. ¿Deꞌro ni werenemobosaʉ? Wereta basioweꞌe.

1 João 4:19

Õꞌacʉ̃ marĩrẽ maꞌimʉꞌtãcʉ niwĩ. Tojo weerã marĩ cʉ̃rẽ maꞌiꞌi.

1 João 4:7

Acawererã, Õꞌacʉ̃ masãrẽ maꞌimi. Tojo weerã marĩ quẽꞌrã aꞌmerĩ maꞌirõʉaꞌa. Aꞌmerĩ mairãnojõ Õꞌacʉ̃ põꞌrã nima. Na Õꞌacʉ̃rẽ masĩma. Noꞌo maꞌise moorãnojõ Õꞌacʉ̃rẽ ne masĩtima.

Apocalipse 2:13

Yʉꞌʉ mʉsã nipeꞌtise weesere masĩpeꞌocãꞌa. Mʉsã ya macã Pérgamo quẽꞌrãrẽ masĩꞌi. Ti macãpʉ wãtĩa wiogʉ dutiro cʉosami. Topʉ nimirã, mʉsã yʉꞌʉre sirutunuꞌcũꞌu. Yʉꞌʉre ẽjõpeoduꞌuweꞌe. Sõꞌonícatero mʉsã ya macã wãtĩ nirõpʉre aꞌtiro waꞌacaro niwʉ̃. Antipas wãmetigʉ Õꞌacʉ̃ ye cjasere queoro werecʉ niwĩ. Ãpẽrã cʉ̃rẽ mʉsã waꞌteropʉ nigʉ̃rẽ wẽjẽcõꞌacãrã niwã. Tita quẽꞌrãrẽ mʉsã yʉꞌʉre ne ẽjõpeoduꞌutiwʉ.

Apocalipse 2:19

Nipeꞌtise mʉsã weesere masĩpeꞌocãꞌa. Mʉsã maꞌise, ẽjõpeose, aꞌmerĩ weetamuse, wãcũtutuasere masĩꞌi. Niꞌcãrõacãrẽ mʉsã ne waro weeꞌcaro nemorõ añurõ weerã weeꞌe.

Apocalipse 2:9

Nipeꞌtise mʉsã weesere masĩꞌi. Mʉsã piꞌetise, pajasecʉosere masĩꞌi. Tojo pajasecʉomirã, peje cʉorã weronojõ niꞌi. Apeyere masĩꞌi. Ãpẽrã “Judío masã niꞌi”, nima. Tojo nimirã, mʉsãrẽ ñaꞌarõ ucũma. Na judío masã waro nitima. Na wãtĩ ya curuacjãrã nima.