1 Corintios 6:16 - Õꞌacʉ̃ Yere Ucũrĩ Turi

¹⁶ ¿Masĩweti? Õꞌacʉ̃ ye queti ojáca pũrĩpʉ aꞌtiro ojanoꞌwʉ̃: “Ʉmʉ, numio meꞌrã nígʉ̃, na pʉarã nimirã, niꞌcã upʉ weronojõ tojasama”, ni ojanoꞌwʉ̃. Tojo weerã mʉsã ñaꞌagõ meꞌrã nírã, ñaꞌarã tojasaꞌa. Co meꞌrã niꞌcã upʉ dojorã weesaꞌa.

Tukano

¹⁶ Masí weeti? Õ'âkɨ̃hɨ yee kiti ohâka pũripɨ a'tîro ohâ no'okaro niîwɨ: “Ɨmɨ́, numiô me'ra niîgɨ, naâ pɨárã niîmirã, ni'kâ ɨpɨ weeró noho tohasamá”, niî ohâ no'okaro niîwɨ. Tohô weérã mɨsâ yã'agó me'ra niîrã, yã'arã́ tohása'. Koô me'ra ni'kâ ɨpɨ tohárã weésa'.

1 Corintios 6:16 Iomraidhean Croise

Génesis 2:24

Tojo weegʉ ʉmʉ cʉ̃ pacʉre, cʉ̃ pacore wijagʉsami. Cʉ̃ nʉmo meꞌrã nigʉ̃sami. Na pʉarã niꞌcã upʉ weronojõ nirãsama.

Génesis 34:31

Na peꞌe cʉ̃rẽ yʉꞌticãrã niwã: —To pũrĩcãrẽ ¿cʉ̃ ʉ̃sã acabijore ʉmʉarẽ aꞌmetãrãwapataꞌari masõrẽ weronojõ cʉobopari? nicãrã niwã.

Génesis 38:15

Judá core ĩꞌagʉ̃, “Ʉmʉarẽ aꞌmetãrãwapataꞌari masõ nisamo”, ni wãcũcʉ niwĩ. Co diapoare moꞌa, ĩꞌata basiotico niwõ.

Génesis 38:24

Iꞌtiarã mujĩpũ beꞌro ãpẽrã Judáre aꞌtiro quetiwererã etacãrã niwã: —Mʉꞌʉ macʉ̃ nʉmo ãpẽrã ʉmʉarẽ aꞌmetãrã, nijĩpacoyoja waꞌaco niamo, nicãrã niwã. Judá tere tʉꞌogʉ, “Core miiwĩrõ, ʉ̃jʉ̃acõꞌacãꞌrã waꞌaya”, ni caricũcʉ niwĩ.

Marcos 10:8

Na pʉarã niꞌcã upʉ weronojõ nirãsama”, nicʉ niwĩ Õꞌacʉ̃. Tojo weerã pʉarã nitima. Niꞌcã upʉta nima.

1 Corintios 6:3

¿Mʉsã masĩweti? Aꞌti ʉmʉco peꞌticã, marĩ Õꞌacʉ̃rẽ werecoꞌterã ʉꞌmʉsepʉ nimiꞌcãrã quẽꞌrãrẽ beserãsaꞌa. Tojo beserãsaꞌa nírã, aꞌti ʉmʉco cjase mʉsã dʉꞌsasoꞌquema tjãsaꞌa.

Efesios 5:31

Õꞌacʉ̃ ye queti ojáca pũrĩpʉ aꞌtiro ojanoꞌwʉ̃: Tojo weegʉ nʉmotigʉ cʉ̃ pacʉsʉmʉa meꞌrã níꞌcʉ narẽ wijagʉsami. Wija, cʉ̃ nʉmo meꞌrã nigʉ̃sami. Õꞌacʉ̃ ĩꞌorõpʉre na pʉarã niꞌcã upʉ nirãsama, ni ojanoꞌwʉ̃.

Hebreos 11:31

Tojo nicã ti macãcjõ Rahab wãmetigo ʉmʉa meꞌrã aꞌmetãrãwapataꞌari masõ ẽjõpeose cʉogo nico niwõ. Co Israe curuacjãrã ĩꞌaduꞌtiri masãrẽ añurõ coꞌteco niwõ. Tojo weego ãpẽrã ti macãcjãrã Õꞌacʉ̃rẽ yʉꞌrʉnʉꞌcãꞌcãrã meꞌrã wẽrĩtico niwõ.

Jueces 16:1

Niꞌcã nʉmʉ Sansón Gaza wãmetiri macãpʉ waꞌacʉ niwĩ. Topʉ ejagʉ, niꞌcõ numio ʉmʉarẽ aꞌmetãrãwapataꞌari masõrẽ ĩꞌacʉ niwĩ. Beꞌro co ya wiꞌipʉ co meꞌrã cãrĩgʉ̃ sãjãacʉ niwĩ.