1 Corintios 4:9 - Õꞌacʉ̃ Yere Ucũrĩ Turi

⁹ Yʉꞌʉ aꞌtiro peꞌe tʉꞌoñaꞌa. Õꞌacʉ̃ ʉ̃sãrẽ Jesucristo besecṹúꞌcãrãrẽ nipeꞌtirã docapʉ mejõ nirã mejãrã cũuꞌcaro weronojõ tʉꞌoñaꞌa. Ʉ̃sã wẽjẽcõꞌanoꞌajã weronojõ niꞌi. Nipeꞌtirã, aꞌti diꞌtacjãrã, ʉꞌmʉsecjãrã ʉ̃sã piꞌeticã ĩꞌasama.

Tukano

⁹ Yɨ'ɨ̂ a'tîro pe'e tɨ'ó yã'a'. Õ'âkɨ̃hɨ ɨ̃sâre Jesu Cristo bese kũú'kãrãre niî pe'tirã dokapɨ mehô niirã́ kũû'karo weeró noho tɨ'ó yã'a'. Ɨ̃sâ wẽhé kõ'a no'oahã weeró noho niî'. Niî pe'tirã, a'tí di'takãharã, ɨ'mɨ̂sekãharã ɨ̃sâ pi'etíkã ĩ'yâsama.

1 Corintios 4:9 Iomraidhean Croise

Hechos 19:29

Ãpẽrã quẽꞌrã tere tʉꞌo, to nirã́ waroa añurõ caricũseꞌsa waꞌacãrã niwã. Tojo caricũrãta Gayo, Aristarco wãmetirãrẽ ñeꞌe, sojaro meꞌrã wejewãꞌcãcãrã niwã pajiri wiꞌi ti macãcjãrã na nerẽrĩ wiꞌipʉ. Na Macedoniacjãrã Pablo meꞌrã sijaꞌcãrã nicãrã niwã.

Hechos 19:31

Ãpẽrã quẽꞌrã Asiacjãrã wiorã Pablo meꞌrãcjãrã queti oꞌócãrã niwã cʉ̃rẽ: —Masã pãjãrã waꞌteropʉ ne waꞌaticãꞌto, ni queti oꞌócãrã niwã.

Romanos 8:36

Õꞌacʉ̃ ye queti ojáca pũrĩpʉ nírõnojõta Õꞌacʉ̃ yarãrẽ aꞌtiro niꞌi: Mʉꞌʉrẽ ẽjõpeose buꞌiri ʉmʉcorinʉcʉ̃ ãpẽrã ʉ̃sãrẽ wẽjẽtawioro niꞌi. Ovejare wẽjẽrãtirã aperopʉ miarã weronojõ ʉ̃sãrẽ weema, tojo ni ojanoꞌcaro niwʉ̃.

1 Corintios 15:19

“Wẽrĩꞌcãrã masãsome” nise diacjʉ̃ nicãma, marĩ “Masãrãsama” nírã, marĩta ãpẽrã yʉꞌrʉoro pajasecʉorã waro nibosaꞌa. Mejõ waro ẽjõpeomaꞌabosaꞌa.

2 Corintios 11:23

Na “Cristore daꞌracoꞌterã niꞌi”, nima. Yʉꞌʉ pũrĩcã na nemorõ cʉ̃rẽ daꞌracoꞌtegʉ niꞌi. Yʉꞌʉ tojo nígʉ̃, ucũmaꞌagʉ̃ weronojõ bʉsʉꞌʉ, bʉsʉgʉ peꞌe. Aꞌtiro niꞌi. Yʉꞌʉ na nemorõ daꞌrayʉꞌrʉnʉꞌcãwʉ̃. Yʉꞌʉre na nemorõ tãrãwã. Na nemorõ buꞌiri daꞌreri wiꞌipʉ pejetiri sõrõnoꞌwʉ̃. Pejetiri Jesucristore ẽjõpeotirã yʉꞌʉre wẽjẽsĩꞌrĩcã, wiose pʉꞌto niwʉ̃.

2 Corintios 6:9

Ãpẽrã ʉ̃sãrẽ añurõ ĩꞌamasĩma. Tojo nimirã, ĩꞌamasĩtirã weronojõ ĩꞌama. Apeterore ʉ̃sãrẽ wẽjẽsĩꞌrĩcã, tʉꞌoñaꞌa. Tojo nimicã, catinuꞌcũꞌu. Ʉ̃sãrẽ buꞌiri daꞌreyʉꞌrʉoma. Wẽjẽtima, wẽjẽrãpʉa.

1 Tesalonicenses 3:3

Ãpẽrã masã mʉsã Jesure ẽjõpeocã ĩꞌarã, ĩꞌatuꞌti, bujicãꞌsama. Na tojo weecã, Jesure ẽjõpeoduꞌuticãꞌto nírã Timoteore weredutirã oꞌówʉ. Ʉ̃sã topʉ nírã, mʉsãrẽ aꞌtere wereyutojawʉ. “Marĩ Jesure ẽjõpeorã, piꞌetinoꞌrõsaꞌa”, niwʉ̃. Ʉ̃sã níꞌcaronojõta marĩ nipeꞌtirãrẽ queoro waꞌaro weeꞌe. Mʉsã tere masĩsaꞌa.

Hebreos 1:14

Nipeꞌtirã Õꞌacʉ̃rẽ werecoꞌterã bajutirã nima. Na cʉ̃ dutisere weecoꞌterã nima. Na cʉ̃ yʉꞌrʉonoꞌcãrãrẽ weetamudutigʉ oꞌóꞌcãrã nima.

Hebreos 10:33

Niꞌcãrẽrã masã ĩꞌorõpʉ yabi bujicãꞌnoꞌcãrã niwʉ̃. Cãmidaꞌrenoꞌcãrã niwʉ̃. Apeterore ãpẽrã na piꞌetisere tʉꞌoñaꞌtamucãrã niwʉ̃.

Hebreos 11:36

Ãpẽrã quẽꞌrã Õꞌacʉ̃rẽ ẽjõpeorã yabi bujicãꞌnoꞌcãrã niwã. Na wecʉ casero meꞌrã weeꞌque dari meꞌrã tãrãnoꞌcãrã niwã. Ãpẽrã cõme dari meꞌrãpʉta dʉꞌtenoꞌcãrã niwã. Ãpẽrã buꞌiri daꞌreri wiꞌipʉ dʉponoꞌcãrã niwã.