1 Corintios 4:8 - Õꞌacʉ̃ Yere Ucũrĩ Turi

⁸ Mʉsã aꞌtiro wãcũꞌu: “Nipeꞌtisere cʉopeꞌocãꞌa, ñeꞌenojõ dʉꞌsaweꞌe”, nisaꞌa. Ʉ̃sã topʉ nitiri cura mʉsã wiorã masĩyʉꞌrʉnʉꞌcãrã weronojõ tʉꞌoñaꞌsaꞌa. “Nipeꞌtisere masĩpeꞌocãꞌa”, nisaꞌa. Tojo nírã, ʉ̃sã peꞌere tojowaro ĩꞌacõꞌasaꞌa. Mʉsã diacjʉ̃ta wiorã nicã pũrĩcãrẽ, añuyʉꞌrʉabosaꞌa. Ʉ̃sã quẽꞌrã mʉsã meꞌrã wiorã nitamubosaꞌa.

Tukano

⁸ Mɨsâ a'tîro wãkû': “Niî pe'tise kɨó pe'okã', yẽ'e nohó dɨ'sá wee'”, niísa'. Ɨ̃sâ toopɨ́ niîtiri kura mɨsâ wiôrã masî yɨ'rɨ nɨ'karã weeró noho tɨ'ó yã'asa'. “Niî pe'tise masî pe'okã'”, niísa'. Tohô niîrã, ɨ̃sâre wee tamúro ɨatírã weeró noho niîrã weésa'. Mɨsâ diakɨ̃hɨ́ta wiôrã niikã́ pũrikãre, ãyú yɨ'rɨa boosa'. Ɨ̃sá kẽ'ra mɨsâ me'ra wiôrã niî tamu boosa'.

1 Corintios 4:8 Iomraidhean Croise

Mateus 5:1

Jesú pãjãrã sirutucã ĩꞌagʉ̃, ʉ̃rʉ̃gʉ̃pʉ mʉjãa, ejanujãcʉ niwĩ. Tojo weecã, cʉ̃ buꞌerã cʉ̃ sumuto nerẽnujãcãrã niwã.

San Lucas 6:25

»Mʉsã niꞌcãrõacã baꞌa yapirãnojõ eꞌcatitojaꞌa. Tojo weero mʉsãrẽ ñaꞌa niꞌi. Beꞌropʉre ʉjaboarãsaꞌa. »Mʉsã niꞌcãrõacãrẽ eꞌcati bujirãnojõrẽ ñaꞌa niꞌi. Beꞌropʉre bʉjawetirã utirãsaꞌa.

Hechos 26:29

Pablo ninemocʉ niwĩ tja: —Peje ucũse, pejetiacã ucũse ʉseri meꞌrã mʉꞌʉ, aꞌto nirã́ nipeꞌtirã yʉꞌʉ weronojõ Jesure ẽjõpeocã ʉasaꞌa, yʉꞌʉ weronojõ buꞌiri daꞌreri wiꞌipʉ nitimirã, nicʉ niwĩ.

Romanos 12:3

Õꞌacʉ̃ añurõ wéégʉ, yʉꞌʉre mʉsãrẽ cʉ̃ ye quetire weredutigʉ cũuwĩ. Tojo weegʉ mʉsã nipeꞌtirãrẽ nigʉ̃ti. Ne niꞌcʉ̃ marĩ weemasĩtisere “Weecãꞌamasĩꞌi” niticãꞌrõʉaꞌa. Marĩ weemasĩsere queoro wãcũmeꞌrĩcãꞌrõʉaꞌa. Marĩnʉcʉ̃ aꞌtiro wãcũrã. “Jesucristore ẽjõpeoca beꞌro cʉ̃ weemasĩse oꞌoꞌque põtẽorõ weemasĩꞌi”, nírã.

1 Corintios 1:5

Mʉsã Jesucristo yarã niyucã, Õꞌacʉ̃ mʉsãrẽ cʉ̃ ye cjase nipeꞌtise añusere oꞌocʉ niwĩ. Tere oꞌogʉ, mʉsãrẽ cʉ̃ yere añurõ masĩcã weecʉ niwĩ. Ãpẽrãrẽ mʉsã cʉ̃ ye quetire añurõ wereturiacã weecʉ niwĩ.

1 Corintios 4:18

Niꞌcãrẽrã mʉsã aꞌtiro wãcũsaꞌa: “Ʉ̃sã ãpẽrã nemorõ añurõ weeyʉꞌrʉnʉꞌcãꞌa”, nisaꞌa. Tere nírã, “Pablo aꞌtisome”, ni wãcũsaꞌa.

1 Corintios 5:6

Ñaꞌarõ weegʉ́ mʉsã waꞌteropʉ nisami. Tojo weerã “Ʉ̃sã peꞌe ãpẽrã yʉꞌrʉoro añurõ weeyʉꞌrʉnʉꞌcãꞌa”, niticãꞌña. Ñaꞌarõ weesere nipeꞌtirã pẽꞌrĩpejatawio niꞌi. ¿Mʉsã aꞌtiro niwʉasere masĩweti? “Pã́ wéérã bʉcʉato nírã levadura wãmetisere morẽsama. Na cãꞌrõacã morẽ́ca beꞌro te nipeꞌtiropʉ seꞌsa waꞌasaꞌa”, ninoꞌo. Aꞌte weronojõ masã na ñaꞌarõ weesere pẽꞌrĩpeja waꞌasama.

2 Corintios 11:1

Niꞌcãrõacã yʉꞌʉ ucũmaꞌagʉ̃ weronojõ ojagʉti. Noꞌo mʉsã nʉꞌcãta basioro nʉꞌcãña. Mʉsã tojo weecã ʉaꞌa.

2 Corintios 13:9

Mʉsã ʉ̃sãrẽ ĩꞌarã, “Na tutuatirã, dutimasĩtirã nima”, niꞌi. Mʉsã peꞌe tutuarã nicã, añu niꞌi. Tere ĩꞌarã, ʉ̃sã eꞌcatirãsaꞌa. Mʉsãrẽ Õꞌacʉ̃ nipeꞌtisere cʉ̃ ʉaronojõ weecã ʉarã, sẽrĩbosaꞌa.

Gálatas 6:3

Apetero niꞌcʉ̃ “Yʉꞌʉ ãpẽrã yʉꞌrʉoro niꞌi”, ni wãcũsami. Cʉ̃ ãpẽrã yʉꞌrʉoro nitimigʉ̃, mejõ waro wãcũmaꞌacãꞌsami. Tojo nígʉ̃, cʉ̃ basuta nisoogʉ weemi.

Filipenses 1:27

Nipeꞌtise mʉsã weesetisere Jesucristo ye queti nírõnojõta weeya. Mʉsã tojo weecã, mʉsã tiro nígʉ̃, o yoaropʉ nígʉ̃, mʉsã añurõ weesere tʉꞌogʉti. Mʉsãrẽ niꞌcãrõnojõ añurõ ẽjõpeonuꞌcũcã ʉasaꞌa. Tojo nicã wãcũtutuase meꞌrã niꞌcãrõnojõ Jesucristo ye quetire wereturiacã ʉasaꞌa.

Filipenses 2:12

Acawererã, yʉꞌʉ mʉsãrẽ maꞌiꞌi. Todʉporopʉ yʉꞌʉ mʉsã meꞌrã nícaterore yʉꞌʉ dutiꞌquere yʉꞌtiwʉ. Niꞌcãrõacãrẽ yʉꞌʉ yoaropʉ niꞌi. Tjãsaꞌa majã. Totá nemorõ yʉꞌtiya. Õꞌacʉ̃ mʉsãrẽ yʉꞌrʉocʉ niwĩ. Tere wiopesase meꞌrã wãcũña. Tere wãcũrã, “Ãpẽrã yʉꞌrʉoro niꞌi”, nirõ marĩrõ nisetiya. Añurõ niyapatiya. Ñaꞌarõ weeri nírã, tojo weeya.

Apocalipse 3:17

Mʉsã aꞌtiro ucũꞌu: “Peje cʉoꞌo. Nipeꞌtise añurõ waꞌaꞌa. Ne dʉꞌsaweꞌe”, niꞌi. Mʉsã ne tʉꞌomasĩweꞌe. Pajasecʉorã waro weronojõ caperi bajunoꞌtirã, suꞌti marĩrã weronojõ niꞌi.

Apocalipse 5:10

Õꞌacʉ̃ yarãrẽ wiorã sãjãcã weecʉ niwʉ̃. Tojo nicã Õꞌacʉ̃ yere daꞌrari masã sõrõcʉ niwʉ̃. Nipeꞌtirocjãrãrẽ dutirãsama, ni basawã.