1 Corintios 3:9 - Õꞌacʉ̃ Yere Ucũrĩ Turi

⁹ Ʉ̃sã Õꞌacʉ̃ yarã niꞌi. Cʉ̃rẽ niꞌcãrõnojõ daꞌracoꞌteꞌe. Mʉsã cʉ̃ daꞌrari diꞌta weronojõ niꞌi. Tojo nicã wiꞌi cʉ̃ yeewãꞌcãrĩ wiꞌi weronojõ niꞌi.

Tukano

⁹ Ɨ̃sâ Õ'âkɨ̃hɨ yarã niî'. Kɨ̃ɨ̂re ni'kâro noho da'rá ko'te'. Mɨsâ kɨ̃ɨ̂ da'rarí di'ta weeró noho niî'. Tohô niikã́ wi'í kɨ̃ɨ̂ yeê nɨ'kari wi'i weeró noho niî'.

1 Corintios 3:9 Iomraidhean Croise

Mateus 15:13

Ʉ̃sã tojo nicã, Jesú queose meꞌrã yʉꞌtiwĩ: —Wese cʉogʉ ñaꞌase, topʉ pĩꞌrĩbajuasere duꞌacõꞌagʉ̃sami. Yʉꞌʉ pacʉ ʉꞌmʉsepʉ nigʉ̃́ nisoose meꞌrã buꞌerãrẽ mejãrõta weegʉsami. Narẽ cõꞌabutiagʉsami.

Mateus 16:18

Mʉꞌʉrẽ weregʉti. Mʉꞌʉ wãme Pedro ʉ̃tãgã nisĩꞌrĩrõ weeꞌe. Mʉꞌʉ weronojõ ẽjõpeorãrẽ ya curuacjãrãrẽ waꞌacã weegʉti. Wãtĩ cʉ̃ yarã meꞌrã ya curuacjãrãrẽ docaqueꞌacã weesome.

Mateus 9:37

Tojo weegʉ Jesú ʉ̃sã cʉ̃ buꞌerãrẽ niwĩ: —Diacjʉ̃ta niꞌi. Marĩ otese peje pĩꞌrĩ dʉcatiꞌi. Tere miirã peꞌe marĩbocurema.

Marcos 16:20

Tojo waꞌáca beꞌro cʉ̃ buꞌerã nipeꞌtiropʉ cʉ̃ yʉꞌrʉose quetire weresterã waꞌacãrã niwã. Na werecã, Jesú cʉ̃ basuta narẽ weetamucʉ niwĩ. Na weresere diacjʉ̃ta niꞌi nígʉ̃, añuse na weeĩꞌomʉjãcã weecʉ niwĩ.

Hechos 4:11

Dʉporopʉ Jesure Õꞌacʉ̃ ye queti ojaꞌcʉ aꞌtiro ni ojamʉꞌtãcʉ niwĩ: “Masã ʉ̃tã pjĩrĩ meꞌrã wiꞌi yeeri masã niꞌcã pjĩ na ʉatica pjĩrẽ cõꞌarãsama. Na cõꞌáca pjĩ meꞌrã ãpẽrã peꞌe añurõ tutuari wiꞌi weerãsama.” Aꞌtiro nisĩꞌrĩrõ weeꞌe te ojaꞌque. Mʉsã Jesucristore ʉatiwʉ. Mʉsã cʉ̃rẽ ʉatimicã, cʉ̃ pacʉ cʉ̃ wẽrĩ masã́ca beꞌro wiogʉ sõrõcʉ niwĩ.

1 Corintios 3:16

¿Mʉsã masĩweti? Mʉsã Õꞌacʉ̃ wiꞌi weronojõ niꞌi. Espíritu Santu mʉsãpʉre nimi.

1 Corintios 3:6

Yʉꞌʉ ne waro mʉsãrẽ werewãꞌcõwʉ̃. Niꞌcʉ̃ otese dʉcare otegʉ weronojõ weewʉ. Beꞌro Apolo mʉsãrẽ buꞌenemopeocʉ niwĩ. Otesere aco pioꞌcʉ weronojõ weecʉ niwĩ. Õꞌacʉ̃ peꞌe tere pĩꞌrĩ bʉcʉamʉjãcã weecʉ niwĩ. Tere wéégʉ, mʉsãrẽ nemorõ ẽjõpeocã weecʉ niwĩ. Nemorõ cʉ̃ ʉaro weecã weecʉ niwĩ.

1 Corintios 6:19

¿Mʉsã masĩweti? Marĩrẽ Õꞌacʉ̃ Espíritu Santure oꞌócʉ niwĩ. Marĩ ya upʉ Espíritu Santu ya wiꞌi niꞌi. Tojo weerã marĩ upʉ meꞌrã noꞌo ʉaro weemasĩweꞌe. Jesucristo marĩrẽ maꞌígʉ̃, cʉ̃ yarã niato nígʉ̃ wẽrĩ wapayecʉ niwĩ. Tojo weerã marĩ upʉ meꞌrã Õꞌacʉ̃ cʉ̃ ʉaro peꞌe weemasĩꞌi. Aꞌtiro weecã, ãpẽrã cʉ̃rẽ añurõ wãcũrãsama.

2 Corintios 6:1

Ʉ̃sã Õꞌacʉ̃ yere daꞌratamurĩ masã niꞌi. Tojo weeyurã, cʉ̃ mʉsãrẽ añurõ weesere wãcũdutiꞌi. Cʉ̃ ʉaronojõta añurõ weeya.

2 Corintios 6:16

Õꞌacʉ̃ wiꞌi, tojo nicã ẽjõpeose queose yeeꞌque meꞌrã ne niꞌcãrõnojõ niweꞌe. Mʉsã peꞌe Õꞌacʉ̃ wiꞌi cʉ̃ nirõpʉ weronojõ niꞌi. Cʉ̃ catinuꞌcũgʉ̃ nimi. Cʉ̃ aꞌtiro nicʉ niwĩ: Yʉꞌʉ na tiropʉ ni, na meꞌrã ninuꞌcũgʉ̃saꞌa. Na wiogʉ nigʉ̃saꞌa. Na quẽꞌrã yarã nirãsama, nicʉ niwĩ.

Efesios 2:10

Aꞌtiro niꞌi. Marĩ cʉ̃ weeꞌcãrã niꞌi. Jesucristo ya curuacjãrã nidutigʉ tojo weecʉ niwĩ. Dʉporopʉ marĩ añurõ weeatjere wãcũyutojacʉ niwĩ. Tere añurõ weedutigʉ marĩrẽ Jesucristo yarã waꞌacã weecʉ niwĩ.

Colosenses 2:7

Cʉ̃rẽ nemorõ masĩnemoña. Mʉsãrẽ buꞌeꞌcaronojõta cʉ̃rẽ ẽjõpeonemoña. Ʉmʉcorinʉcʉ̃ Õꞌacʉ̃rẽ “Añuꞌu”, ni eꞌcatise oꞌoya.

Hebreos 3:6

Õꞌacʉ̃ yarã niꞌcã wiꞌi weronojõ nima. Õꞌacʉ̃ beseꞌcʉ Cristo ti wiꞌicjʉ̃ wiogʉ macʉ̃ nimi. Cʉ̃ queoro weenuꞌcũmi. Ti wiꞌicjãrã marĩta niꞌi. Marĩ Õꞌacʉ̃rẽ ẽjõpeoduꞌutirã, cʉ̃ yarã nirãsaꞌa. Tojo nicã “Beꞌropʉ cʉ̃ oꞌoatjere marĩrẽ oꞌogʉsami” ni ẽjõpeorã, cʉ̃ yarã nirãsaꞌa.

1 Pedro 2:5

Mʉsãrẽ añurõ masĩdutigʉ queose meꞌrã weregʉti. Õꞌacʉ̃ ʉ̃tãpaga meꞌrã niꞌcã wiꞌi añurĩ wiꞌi yeegʉ weronojõ weesami. Ʉ̃tãgã añucja meꞌrã yeenʉꞌcãsami. Tutuari wiꞌi niato nígʉ̃ tojo weesami. Jesucristota cʉ̃ ne waro wiꞌi yeenʉꞌcãcja ʉ̃tãgã weronojõ nigʉ̃́ nimi. Marĩpʉa apeye na yeeturiamʉjãse weronojõ niꞌi. Marĩ nipeꞌtirã niꞌcãrõ meꞌrã Õꞌacʉ̃ cʉ̃ wééca wiꞌi weronojõ niꞌi. Tojo weerã cʉ̃ yarã waro nírã, Jesucristo weetamuse meꞌrã paꞌia weronojõ Õꞌacʉ̃ yere daꞌramasĩꞌi. Añurõ wéérã, ãpẽrã ye niatjere sẽrĩbosamasĩꞌi. Tojo nicã Õꞌacʉ̃rẽ eꞌcatise oꞌomasĩꞌi. Marĩ tojo weecã ĩꞌagʉ̃, Õꞌacʉ̃ eꞌcatisami.

3 João 1:8

Tojo weerã Jesucristore ẽjõpeorã marĩ peꞌe narẽ weetamurõʉaꞌa. Marĩ narẽ weetamurã, na meꞌrã daꞌrarã weeꞌe.