1 Corintios 3:15 - Õꞌacʉ̃ Yere Ucũrĩ Turi

¹⁵ Apĩ añurõ buꞌeturiawãꞌcãtigʉ peꞌere cʉ̃ buꞌeꞌque peꞌtia waꞌarosaꞌa. Pũrĩ meꞌrã wééca wiꞌi weronojõ ʉ̃jʉ̃dija waꞌarosaꞌa. Cʉ̃ ti wiꞌi ʉ̃jʉ̃rĩ cura duꞌtiwijaaꞌcʉ weronojõ nigʉ̃sami. Cʉ̃ ye nipeꞌtise ʉ̃jʉ̃peꞌtia waꞌarosaꞌa. Cʉ̃ niꞌcʉ̃ta pecameꞌepʉ waꞌaboꞌcʉ yʉꞌrʉwetigʉsami.

Tukano

¹⁵ Ãpí ãyuró bu'ê turia wã'katigɨ pe'ere kɨ̃ɨ̂ bu'ê'ke pe'tiá wa'ârosa'. Pũrî me'ra weéka wi'i weeró noho ɨ̃hɨ̂ diha wa'ârosa'. Kɨ̃ɨ̂ tií wi'i ɨ̃hɨrí kura du'ti wihá'kɨ weeró noho niîgɨsami. Kɨ̃ɨ yeé niî pe'tise ɨ̃hɨ̂ pe'tia wa'ârosa'. Kɨ̃ɨ̂ ni'kɨtá pekâ me'epɨ wa'â boo'kɨ yɨ'rɨ wetígɨsami.

1 Corintios 3:15 Iomraidhean Croise

Hechos 27:21

Peje nʉmʉrĩ ʉ̃sã baꞌatiwʉ. Tojo weecã ĩꞌa, Pablo na waꞌteropʉ níꞌcʉ wãꞌcãnʉꞌcã, narẽ niwĩ: —Mʉsãrẽ sõꞌopʉ Cretapʉ yʉꞌʉ wereꞌquere tʉꞌocã, añu niboapã. Marĩ topʉ wijatirã, aꞌtiwʉre dojorẽ, tiwʉ cjasere bajuriotiboapã.

Hechos 27:44

Ãpẽrãrẽ taboa pjĩrĩ meꞌrã paꞌsanʉjãdutiwĩ. Te meꞌrã waꞌatirã, tiwʉ cjase bataꞌque pjĩrĩ meꞌrã paꞌsanʉjãdutiwĩ. Tojo weetjĩrã, ʉ̃sã nipeꞌtirã yʉꞌrʉpeꞌticãꞌwʉ̃.

1 Pedro 4:18

Dʉporopʉ Õꞌacʉ̃ ye queti weremʉꞌtãrĩ masʉ̃ te piꞌetise cjasere aꞌtiro ojacʉ niwĩ: Õꞌacʉ̃rẽ ẽjõpeorã waromarĩcã ʉꞌmʉsepʉ waꞌase dʉporo aꞌti nucũcãpʉre piꞌetinírãsama yujupʉ. To pũrĩcãrẽ cʉ̃rẽ ẽjõpeotirã ñaꞌarõ weerã́ peꞌere ¿deꞌro waꞌarosaʉ? Narẽ ñaꞌabutiaro waꞌarosaꞌa. Õꞌacʉ̃ narẽ buꞌiri daꞌregʉsami, tojo nicʉ niwĩ Õꞌacʉ̃ ye queti weremʉꞌtãrĩ masʉ̃.

2 João 1:8

Mʉsã tʉꞌomasĩña. Na weresere ẽjõpeoticãꞌña. Mʉsã tere ẽjõpeorã, Õꞌacʉ̃ mʉsãrẽ oꞌoboꞌquere bajuriorã weebosaꞌa. Na weresere tʉꞌotirã peꞌe, Õꞌacʉ̃ nipeꞌtise mʉsãrẽ oꞌoatjere bocarãsaꞌa. Cʉ̃ mʉsãrẽ añurõ weese wapa oꞌogʉsami.

Judas 1:23

Ãpẽrã nisoori masã buꞌesere siruturãrẽ diacjʉ̃nʉꞌcõña. Wiꞌi ʉ̃jʉ̃rĩ wiꞌi poꞌpeapʉ nirãrẽ wejewijaarã weronojõ narẽ pecameꞌepʉ waꞌaboꞌcãrãrẽ yʉꞌrʉcã weeya. Ãpẽrã ñaꞌase weepoyʉꞌrʉaꞌcãrãrẽ weetamusĩꞌrĩrã, pajañaꞌña. Mʉsãpʉ na ñaꞌarõ weesere pẽꞌrĩpejari nírã, ne cãꞌrõ na tojo weesere ʉaticãꞌña.

Apocalipse 3:18

Tojo weegʉ mʉsãrẽ nigʉ̃ti. Mʉsã uru pecameꞌepʉ ʉ̃jʉ̃a apoꞌque yʉꞌʉ cʉosere ñeꞌeña. Piꞌetimirã yʉꞌʉre ẽjõpeorã, uru cʉorã weronojõ niꞌi. Tere cʉorã, mʉsã peje cʉorã nirãsaꞌa. Apeye quẽꞌrãrẽ suꞌti butise yʉꞌʉ cʉosere sãñaña. Mʉsã tere sãñacã, bopoyase peꞌtia waꞌarosaꞌa. Yʉꞌrʉonoꞌcãrã nirãsaꞌa. Tojo nicã caperi piose yʉꞌʉ cʉosere ñeꞌeña. Mʉsã te pióca beꞌro añurõ ĩꞌarãsaꞌa tja. Yé cjasere añurõ masĩrãsaꞌa.