1 Corintios 2:10 - Õꞌacʉ̃ Yere Ucũrĩ Turi

¹⁰ Te añuse marĩ masĩtiꞌquere Õꞌacʉ̃ Espíritu Santu meꞌrã marĩrẽ masĩcã weemi. Espíritu Santu nipeꞌtise diasayʉꞌrʉnʉꞌcãsere Õꞌacʉ̃ cʉ̃ weesere masĩpeꞌocãꞌmi.

Tukano

¹⁰ Teé ãyusé marî masîti'kere Õ'âkɨ̃hɨ Espírito Santo me'ra marîre masikã́ weemí. Espírito Santo niî pe'tise diâsa yɨ'rɨ nɨ'kasere Õ'âkɨ̃hɨ kɨ̃ɨ̂ weesére masî pe'okã'mi.

1 Corintios 2:10 Iomraidhean Croise

Mateus 13:11

Jesú ʉ̃sãrẽ yʉꞌtiwĩ: —Õꞌacʉ̃ mʉsãrẽ aꞌtiro weemi. Mʉsã ãpẽrã todʉporopʉ masĩña marĩmiꞌquere cʉ̃ wiogʉ nisere masĩcã weemi. Ãpẽrã yʉꞌʉre ẽjõpeotirã peꞌere masĩticã weemi.

Mateus 16:17

Jesú cʉ̃rẽ niwĩ: —Simó, Joná macʉ̃, mʉꞌʉ tojo ucũgʉ̃, diacjʉ̃ta ucũꞌu. Ne niꞌcʉ̃ masʉ̃ mʉꞌʉrẽ tere weretiapĩ. Yʉꞌʉ pacʉ ʉꞌmʉsepʉ nigʉ̃́ mʉꞌʉrẽ tere masĩse oꞌoapĩ. Tojo weegʉ eꞌcatiya.

San Lucas 10:21

Jesú cʉ̃ buꞌerãrẽ ucũrĩ cura Espíritu Santu cʉ̃rẽ eꞌcatise oꞌoyʉꞌrʉacʉ niwĩ. Titare cʉ̃ pacʉre aꞌtiro nicʉ niwĩ: —Pacʉ, mʉꞌʉ ʉꞌmʉse, aꞌti turi wiogʉ niꞌi. “Ʉ̃sã masĩyʉꞌrʉnʉꞌcãrã niꞌi” nirãrẽ mʉꞌʉ ye cjasere masĩcã weeticʉ niwʉ̃. Ãpẽrã wĩꞌmarã weronojõ maata tʉꞌo ẽjõpeorã peꞌere tere masĩcã weecʉ niwʉ̃. Mʉꞌʉ tojo weesere wãcũgʉ̃, mʉꞌʉrẽ eꞌcatise oꞌoꞌo. Aꞌtere mʉꞌʉ ʉaꞌcaronojõta queoro weeꞌe, nicʉ niwĩ cʉ̃ pacʉre.

San Lucas 2:26

Espíritu Santu cʉ̃rẽ aꞌtiro wereyutojacʉ niwĩ: —Cristo Õꞌacʉ̃ beseꞌcʉre ĩꞌatimigʉ̃, mʉꞌʉ wẽrĩsome, nicʉ niwĩ.

San Juan 14:26

Yʉꞌʉ sẽrĩcã, yʉꞌʉ pacʉ Espíritu Santure mʉsãrẽ oꞌógʉsami. Cʉ̃ mʉsãrẽ weetamu, wãcũtutuanuꞌcũcã weegʉsami. Nipeꞌtise mʉsãrẽ buꞌegʉsami. Nipeꞌtise yʉꞌʉ mʉsãrẽ buꞌeꞌquere apaturi wãcũcã weegʉsami.

San Juan 16:13

Espíritu Santu aꞌtigʉ, nipeꞌtisere queoro weregʉsami. Cʉ̃ diacjʉ̃ ucũgʉ̃ nimi. Cʉ̃ seꞌsaro ucũsome. Õꞌacʉ̃ ucũsere, cʉ̃ tʉꞌoꞌquere wereturiagʉsami. Beꞌropʉ waꞌatje quẽꞌrãrẽ mʉsãrẽ wereyugʉsami.

1 Corintios 14:30

Niꞌcʉ̃ ucũrĩ cura Õꞌacʉ̃ apĩ topʉ dujigʉre wereduticã, ucũmʉꞌtãꞌcʉ diꞌtamarĩato.

1 Corintios 2:11

Marĩ apĩ cʉ̃ wãcũsere masĩweꞌe. Cʉ̃ seꞌsaro cʉ̃ wãcũsere tʉꞌoñaꞌsami. Aꞌte weronojõ Espíritu Santu seꞌsaro Õꞌacʉ̃ cʉ̃ wãcũsere masĩmi.

Gálatas 1:12

Yʉꞌʉre tere ne niꞌcʉ̃ masʉ̃ buꞌetiwĩ. Jesucristo cʉ̃ basu te buꞌesere masĩcã weewĩ.

Efesios 3:3

Õꞌacʉ̃ todʉporopʉ masĩnoꞌña marĩꞌque quetire yʉꞌʉre bajuyoropʉ ĩꞌowĩ. Tere “Judío masã nitirãrẽ añurõ weegʉti” níꞌquere yʉꞌʉre masĩcã weewĩ. Yʉꞌʉ mʉsãrẽ aꞌte dʉporo pejetipawa ojatojapʉ.

Efesios 3:5

Dʉporocjãrã Õꞌacʉ̃ judío masã nitirãrẽ ñeꞌegʉ̃sami nisere masĩticãrã niwã. Niꞌcãrõacã pũrĩcãrẽ Espíritu Santu meꞌrã cʉ̃ yarã, cʉ̃ besecṹúꞌcãrãrẽ weremi. Tojo nicã tere cʉ̃ weredutiꞌquere wereturiari masãrẽ weremi.

1 Timoteo 4:1

Espíritu Santu bajuyoropʉ aꞌtiro nicʉ niwĩ: “Aꞌti ʉmʉco peꞌtiati dʉporo ãpẽrã Jesucristore ẽjõpeomiꞌcãrã ẽjõpeoduꞌurãsama. Wãtĩa nisoose meꞌrã buꞌesere wererãrẽ siruturãsama. Tojo nicã wãtĩa buꞌesere siruturãsama.”

1 Pedro 1:12

Õꞌacʉ̃ na masĩsĩꞌrĩcã ĩꞌagʉ̃, narẽ aꞌtiro werecʉ niwĩ: “Aꞌte queti mʉsã nirĩ curare waꞌasome yujupʉ. Beꞌrocjãrãpʉ aꞌtere ĩꞌarãsama”, nicʉ niwĩ. Narẽ tere wereyugʉ, marĩ aꞌtocaterocjãrã peꞌere weregʉ weecʉ niwĩ. Tojo weegʉ Õꞌacʉ̃ aꞌtocaterore aꞌtiro weemi majã. Espíritu Santu ʉꞌmʉsepʉ nigʉ̃rẽ cʉ̃ ye queti wererã meꞌrã mʉsãrẽ weredutigʉ oꞌócʉ niwĩ. Na Espíritu Santu tutuaro meꞌrã tere aꞌtiro werema. “Jesucristo aꞌtitojacʉ niwĩ. Marĩrẽ yʉꞌrʉoꞌcʉ nimi”, nima. Õꞌacʉ̃rẽ werecoꞌterã ʉꞌmʉsecjãrã quẽꞌrã masãrẽ yʉꞌrʉosere “¿Deꞌro waro niti?” ni masĩsĩꞌrĩsama.

1 João 2:20

Jesucristo mʉsãrẽ Espíritu Santure oꞌócʉ niwĩ. Tojo weerã mʉsã diacjʉ̃ cjase, Jesucristo ye quetire masĩpeꞌticãꞌsaꞌa.

1 João 2:27

Mʉsã Espíritu Santu Jesucristo oꞌóꞌcʉre cʉotojaꞌa. Cʉ̃ basu nipeꞌtisere nisooro marĩrõ mʉsãrẽ buꞌemi. “Ʉ̃sãrẽ ãpẽrã buꞌeato”, nitisaꞌa. Cʉ̃ buꞌeronojõta Jesucristo meꞌrã añurõ nicãꞌña.

Apocalipse 1:1

Aꞌti pũrĩ beꞌropʉ waꞌatjere Jesucristo wereri pũrĩ niꞌi. Õꞌacʉ̃ Jesucristore “Cãꞌrõacã beꞌro aꞌtiro waꞌarosaꞌa”, ni ĩꞌocʉ niwĩ. Cʉ̃ Jesucristore ẽjõpeorãrẽ tere masĩdutigʉ tojo werecʉ niwĩ. Beꞌro Jesucristo yʉꞌʉ Juã wãmetigʉre tere wereturiawĩ. Cʉ̃ Õꞌacʉ̃rẽ werecoꞌtegʉ ʉꞌmʉsecjʉ̃ meꞌrã tojo weewĩ. Yʉꞌʉta Jesucristore daꞌrawãꞌñacoꞌtegʉ niꞌi.

Apocalipse 2:24

Ãpẽrã mʉsã Tiatirapʉ nirã́ Jezabel buꞌesere sirututirã, wãtĩa wiogʉ ye cjase yaꞌyiosere masĩtirãnojõ peꞌere aꞌtiro nigʉ̃ti: “Mʉsãrẽ apeye dutinemosome.