1 Corintios 13:9 - Õꞌacʉ̃ Yere Ucũrĩ Turi

⁹ Aꞌtiro niꞌi. Marĩ sõꞌowaro nipeꞌtisere masĩpeꞌoweꞌe. Õꞌacʉ̃ ye quẽꞌrãrẽ niꞌcãrẽta weremasĩꞌi.

Tukano

⁹ A'tîro niî'. Marî niî pe'tisere masî pe'o wee'. Õ'âkɨ̃hɨ yee kẽ'rare ni'karéta werê masi'.

1 Corintios 13:9 Iomraidhean Croise

Mateus 11:27

Beꞌro Jesú masãrẽ ninemowĩ: —Yʉꞌʉ pacʉ nipeꞌtise weemasĩsere yʉꞌʉre oꞌowĩ. Cʉ̃ niꞌcʉ̃ta yʉꞌʉ nisetisere masĩpeꞌocãꞌsami. Yʉꞌʉ quẽꞌrã niꞌcʉ̃ta cʉ̃ nisetisere masĩpeꞌoꞌo. Noꞌo yʉꞌʉ masĩcã weenoꞌrã quẽꞌrã cʉ̃ nisetisere masĩsama.

Romanos 11:34

Õꞌacʉ̃ ye queti ojáca pũrĩpʉ aꞌtiro ojanoꞌwʉ̃ Õꞌacʉ̃ masĩsere: “Õꞌacʉ̃ marĩ wiogʉ wãcũsere ne niꞌcʉ̃ masĩtisami. Ne niꞌcʉ̃ cʉ̃rẽ ‘Aꞌtiro peꞌe ʉaꞌa’, nímasĩtisami.

1 Corintios 13:10

Beꞌropʉ Jesucristo apaturi aꞌticã, masĩpeꞌocãꞌrãsaꞌa. Marĩ masĩpeꞌocãma, marĩ masĩmiꞌque mejõ nise tojarosaꞌa.

1 Corintios 13:12

Tojo weronojõ aꞌtocatero marĩ añurõ masĩweꞌe. Ẽorõ mejãrõpʉ marĩ ĩꞌase weronojõ niꞌi. Queoro bajuweꞌe. Beꞌro bajuyoropʉ Õꞌacʉ̃rẽ ĩꞌarãsaꞌa. Niꞌcãrõacãrẽ marĩ cãꞌrõacã masĩꞌi. Beꞌro cʉ̃ marĩrẽ masĩrõnojõta masĩpeꞌocãꞌrãsaꞌa.

1 Corintios 2:9

Õꞌacʉ̃ ye queti ojáca pũrĩpʉre aꞌtiro peꞌe ojanoꞌo: Õꞌacʉ̃ cʉ̃rẽ mairãrẽ añuse apoyucʉ niwĩ. Na ĩꞌatiꞌque, na tʉꞌotiꞌque niꞌi. Na ne cãꞌrõ wãcũmaꞌatiꞌque niꞌi, ni ojanoꞌo.

1 Corintios 8:2

Noꞌo “Masĩyʉꞌrʉagʉ niꞌi” nigʉ̃nojõ ne cãꞌrõ masĩtibutiacãꞌsami. “Aꞌtiro wee masĩrõʉasato”, nitisami.

Efesios 3:8

Yʉꞌʉta mejõ nigʉ̃ waro nipeꞌtirã Õꞌacʉ̃rẽ ẽjõpeorã docapʉ tʉꞌoñaꞌa. Tojo nimicã, yʉꞌʉre añurõ weesĩꞌrĩgʉ̃, aꞌtiro weecʉ niwĩ. Judío masã nitirãrẽ cʉ̃ beseꞌcʉ Cristo ye añuse quetire weredutiwĩ. Te queti aꞌtiro niꞌi. Õꞌacʉ̃ Jesucristo meꞌrã añubutiasere marĩrẽ weemi. Te añusere marĩ wãcũpõtẽoweꞌe.

1 João 3:2

Acawererã, marĩ Õꞌacʉ̃ põꞌrã nitojaꞌa. Cʉ̃ põꞌrã nimirã, beꞌropʉ marĩ deꞌro waꞌatjere añurõ masĩnoꞌña marĩꞌi yujupʉ. Aꞌte diaꞌcʉ̃rẽ masĩꞌi. Marĩ Jesucristo aꞌticã, cʉ̃ bajusere ĩꞌarãsaꞌa. Cʉ̃rẽ ĩꞌarã, cʉ̃ weronojõ waꞌarãsaꞌa.