1 Corintios 13:1 - Õꞌacʉ̃ Yere Ucũrĩ Turi

¹ Marĩ apemasã ye ucũsere masĩtimirã, ucũmasĩbosaꞌa. Õꞌacʉ̃rẽ werecoꞌterã ʉꞌmʉsecjãrã ye quẽꞌrãrẽ ucũmasĩbosaꞌa. Tojo weemasĩmirã ãpẽrãrẽ maꞌitirã, toꞌatʉ o cõmepjĩrẽ noꞌo ʉaro paamaꞌarã weronojõ nibosaꞌa.

Tukano

¹ Marî ape masá yee uúkũsere masîtimirã, uúkũ masi boosa'. Õ'âkɨ̃hɨre werê ko'terã ɨ'mɨ̂sekãharã yee kẽ'rare uúkũ masi boosa'. Tohô wee masímirã ãpêrãre ma'itírã, to'âtɨ ou kome pĩhíre no'ó ɨaró paâ ma'arã weeró noho niî boosa'.

1 Corintios 13:1 Iomraidhean Croise

Mateus 25:45

»Yʉꞌʉ narẽ yʉꞌtigʉti: “Diacjʉ̃ mʉsãrẽ weregʉti. Mʉsã ãꞌrã mejõ nirãrẽ weetamutiwʉ. Narẽ weetamutirã, yʉꞌʉreta weetamutirã weewʉ”, nigʉ̃ti.

Marcos 16:17

Ẽjõpeorã na ẽjõpeosere ĩꞌorã, aꞌtiro weemasĩrãsama. Yʉꞌʉ tutuaro meꞌrã wãtĩa masãrẽ sãjãaꞌcãrãrẽ cõꞌawĩrõmasĩrãsama. Apemasã ye, na ucũmasĩtiꞌquere ucũmasĩrãsama.

Romanos 14:15

Mʉꞌʉ ãpẽrã na baꞌaya marĩsere baꞌacã, apĩ ñaꞌarõ tʉꞌoñaꞌbosami. Mʉꞌʉ tojo wéégʉ, cʉ̃rẽ maꞌigʉ̃ mejẽta weeꞌe. Cristo cʉ̃ quẽꞌrãrẽ wẽrĩbosacʉ niwĩ. Tojo weegʉ mʉꞌʉ baꞌase meꞌrã apĩrẽ ẽjõpeoduꞌucã weeticãꞌña.

1 Corintios 12:10

Ãpẽrã cʉ̃ tutuaro meꞌrã añuse weeĩꞌomasĩsama. Ãpẽrãrẽ Õꞌacʉ̃ wereꞌquere wereturiamasĩsere oꞌosami. Ãpẽrãrẽ “¿Noa wãtĩ meꞌrã nisoo ucũti? ¿Noa Espíritu Santu meꞌrã diacjʉ̃ ucũti?” ni besemasĩsere oꞌosami. Espíritu Santu ãpẽrãrẽ apemasã yere masĩtimirã ucũcã weesami. Ãpẽrã na ucũcã masĩtimirã, wereturiamasĩsama.

1 Corintios 12:16

Marĩ oꞌmepero aꞌtiro ucũbosaꞌa: “Capea niweꞌe. Tojo weegʉ marĩ upʉ cjase niweꞌe.” Tojo nise ye buꞌiri oꞌmepero upʉpʉ niticã weeweꞌe. Topʉta wãꞌñaꞌa.

1 Corintios 12:8

Aꞌtiro niꞌi. Ãpẽrãrẽ cʉ̃ masĩse oꞌose meꞌrã ucũmeꞌrĩcã weesami. Ãpẽrãrẽ mejãrõta cʉ̃ meꞌrã Õꞌacʉ̃ ye queti ojáca pũrĩpʉ ojaꞌquere tʉꞌomasĩ, weremeꞌrĩcã weesami.

1 Corintios 13:8

Maꞌise peꞌtisome. Ninuꞌcũcãꞌrõsaꞌa. Apeye Õꞌacʉ̃ marĩrẽ weemasĩse oꞌose pũrĩcã peꞌtidijarosaꞌa. Beꞌropʉ Õꞌacʉ̃ cʉ̃ yere wereturiamasĩse oꞌose quẽꞌrã peꞌtidijarosaꞌa. Nipeꞌtise cʉ̃ yere masĩpeꞌocãꞌrãsaꞌa. Apemasã ye ucũsere masĩtimirã Õꞌacʉ̃ ucũmasĩse oꞌose quẽꞌrã peꞌtirosaꞌa. Nipeꞌtirã ucũse tʉꞌopeꞌocãꞌnoꞌrõsaꞌa. Ãpẽrã yʉꞌrʉoro masĩse oꞌoꞌque quẽꞌrã peꞌtirosaꞌa. Nipeꞌtisere masĩrãsaꞌa.

1 Corintios 14:2

Noꞌo ãpẽrã ye ucũsere masĩtimigʉ̃ ucũgʉ̃nojõ Õꞌacʉ̃ diaꞌcʉ̃rẽ ucũsami. Masãrẽ ucũtisami. Cʉ̃ ucũsere tʉꞌotisama. Espíritu Santu tutuaro meꞌrã masĩnoꞌña marĩsere ucũsami.

1 Corintios 14:4

Noꞌo ãpẽrã yere masĩtimigʉ̃ ucũgʉ̃nojõ cʉ̃ seꞌsaro Õꞌacʉ̃rẽ nemorõ ẽjõpeowãꞌcãgʉ̃ weesami. Õꞌacʉ̃ ye quetire wereturiagʉ peꞌe ãpẽrã Jesucristore ẽjõpeorã nerẽwʉari curuacjãrãrẽ nemorõ ẽjõpeocã weenemosami.

1 Corintios 14:5

Mʉsã ãpẽrã yere masĩtimirã, nipeꞌtirã ucũmasĩcã ʉamiꞌi. Te yʉꞌrʉoro Õꞌacʉ̃ yere wereturiamasĩse peꞌere ʉasãyʉꞌrʉnʉꞌcãmiꞌi. Wereturiamasĩgʉ̃ peꞌe apĩ ãpẽrã yere masĩtimigʉ̃ ucũgʉ̃ nemorõ wapatimi. Niꞌcʉ̃ ãpẽrã yere masĩtimigʉ̃, ucũsami. Beꞌro cʉ̃ ucũꞌquere “Aꞌtiro nisĩꞌrĩrõ weeapʉ”, ni wereturiacã, añu nisaꞌa. Tojo weregʉ, nipeꞌtirã Jesucristore ẽjõpeori curuacjãrãrẽ nemorõ ẽjõpeocã weesami.

1 Corintios 8:1

Mʉsã sẽrĩtiñaꞌquere yʉꞌtigʉti. “¿Waꞌicʉ diꞌi na queose yeeꞌquere ẽjõpeorã ñubuepeoꞌquere baꞌaroʉati?” nisere yʉꞌtigʉti. Mʉsã “Na ẽjõpeose yeeꞌquere wapamarĩꞌi, tere masĩtojaꞌa”, nisaꞌa. Tojota niꞌi, nírõ. Tojo nírã, aꞌtiro nirã weesaꞌa: “Ãpẽrã yʉꞌrʉoro masĩyʉꞌrʉnʉꞌcãꞌa”, nimaꞌacãrã weesaꞌa. Marĩ ãpẽrãrẽ maꞌírã, aꞌtiro peꞌe weesaꞌa. Nemorõ narẽ Õꞌacʉ̃rẽ ẽjõpeocã weesaꞌa.

Gálatas 5:22

Espíritu Santu peꞌe marĩrẽ sʉꞌori aꞌtiro weeseticã weesami. Ãpẽrãrẽ maꞌisaꞌa. Eꞌcatise cʉosaꞌa. Marĩ ya ejeripõꞌrãpʉ añurõ tʉꞌoñaꞌsaꞌa. Marĩrẽ ñaꞌarõ weecã, uatisaꞌa. Ãpẽrãrẽ pajañaꞌsaꞌa. Narẽ añurõ weesaꞌa. Queoro, diacjʉ̃ weemeꞌrĩcãꞌsaꞌa.

Gálatas 5:6

Marĩ Jesucristo yarã niꞌi. Õꞌacʉ̃ ĩꞌorõpʉre õꞌrẽcjʉ yapa caserore yejecõꞌanoꞌse, yejecõꞌanoꞌtise wapamarĩꞌi. Marĩ Jesucristore ẽjõpeotjĩarã, ãpẽrãrẽ maꞌiꞌi. Te pũrĩcã wapatiꞌi.

1 Timoteo 1:5

Mʉsãrẽ aꞌmerĩ maꞌicã ʉagʉ, tojo dutiꞌi. Ñaꞌase marĩrã, buꞌiri marĩrã tʉꞌoñaꞌrã, diacjʉ̃ Õꞌacʉ̃rẽ ẽjõpeorã, queoro maꞌirãsaꞌa.

1 Pedro 4:8

Nipeꞌtise apeyenojõ yʉꞌrʉoro aꞌtiro weeya. Diacjʉ̃ aꞌmerĩ maꞌiña. Ne aꞌmerĩ maꞌiduꞌuticãꞌña. Marĩ ãpẽrãrẽ maꞌírã, marĩrẽ ñaꞌarõ weesere maata acobojosaꞌa.

2 Pedro 2:18

Nisoori masã ucũse wapamarĩsaꞌa. Masĩbutiarã weronojõ nisoose meꞌrã buꞌesama. Aꞌtiro nisama. “Marĩ noꞌo ʉaro marĩ weetʉꞌsaronojõ weecã, añu niꞌi,” nisama. Tere nírã, na ñaꞌarõ weewʉase meꞌrã, tojo nicã na ñaꞌarõ ʉaripejase meꞌrã ãpẽrãrẽ dojorẽsama. Jesucristore ẽjõpeowãꞌcãrãrẽ, ñaꞌarõ weesere duꞌuwãꞌcãrãrẽ, apaturi na ñaꞌarõ weeꞌquere ʉaripejacã weesama tja.

Apocalipse 14:2

Beꞌro ʉꞌmʉsepʉ ʉpʉtʉ bʉsʉdijaticã tʉꞌowʉ. Peje maarĩ puꞌeeja oꞌmabʉrose weronojõ bʉsʉdijatiwʉ. Bʉpo pũrõ paaro weronojõ bʉsʉwʉ. Pãjãrã bʉapʉ̃tẽsere bʉapʉ̃tẽrõ weronojõ bʉsʉwʉ.