1 Corintios 10:7 - Õꞌacʉ̃ Yere Ucũrĩ Turi

⁷ Tojo weerã ãpẽrã na yeeꞌquere ẽjõpeoticãꞌña. Todʉporocjãrã weronojõ weeticãꞌña. Õꞌacʉ̃ ye queti ojáca pũrĩpʉ wecʉ queosere ẽjõpeorã daꞌreꞌquere aꞌtiro ojanoꞌwʉ̃: “Masã baꞌa, sĩꞌrĩcãrã niwã. Tuꞌajanʉꞌcõ, na noꞌo ʉaro bosenʉmʉ nʉꞌcãcãrã niwã.”

Tukano

⁷ Tohô weérã ãpêrã naâ yeê'kere ẽho peótikã'ya. Too dɨpórokãharã weeró noho weetíkã'ya. Õ'âkɨ̃hɨ yee kiti ohâka pũripɨ wekɨ̂ ouro me'ra yeê'kɨre ẽho peórã weé'kere a'tîro ohâ no'okaro niîwɨ: “Masá ba'â, sĩ'ríkãrã niîwã. Tu'â eha nɨ'ko, naâ no'ó ɨaró bosê nɨmɨ nɨ'kákãrã niîwã.”

1 Corintios 10:7 Iomraidhean Croise

Éxodo 32:17

Josué masã na caricũsere tʉꞌogʉ, Moisére aꞌtiro nicʉ niwĩ: —Masã aꞌmewẽjẽrã caricũrõ weronojõ bʉsʉrocoro marĩ cãrĩse uꞌturi waꞌteropʉre, nicʉ niwĩ.

Éxodo 32:19

Moisé na nirõpʉ etagʉ, wecʉ wĩꞌmagʉ̃ na uru meꞌrã wĩorẽꞌcʉre ĩꞌagʉ̃, na noꞌo ʉaro basanuꞌcũcusiasere ĩꞌagʉ̃, uayʉꞌrʉacʉ niwĩ. Tojo weegʉ cʉ̃ cʉose pjĩrĩrẽ tigʉ ʉ̃rʉ̃gʉ̃ dʉꞌpocã́pʉ doquemʉtõcũucʉ niwĩ.

Éxodo 32:4

Cʉ̃ tere ñeꞌe, ʉ̃jʉ̃asipiocʉ niwĩ. Na wecʉ wĩꞌmagʉ̃ queose wééca coꞌropʉ piosãcãrã niwã. Beꞌro te bʉꞌáca beꞌro wecʉ wĩꞌmagʉ̃ queose weronojõ bajugʉ wijacʉ niwĩ. Cʉ̃rẽ ĩꞌarã, masã aꞌtiro nicãrã niwã: —Israe curuacjãrã, ãꞌrĩ marĩ ẽjõpeogʉ nimi. Cʉ̃ta marĩrẽ Egiptopʉ níꞌcãrãrẽ sʉꞌori miiwijawĩ.

Hechos 15:20

Mejõ diaꞌcʉ̃ niꞌcã pũrĩ “Aꞌticʉse weeticãꞌña”, ni ojarã narẽ. “Waꞌicʉ diꞌi, ãpẽrãnojõrẽ Õꞌacʉ̃ mejẽtare ẽjõpeorã na wẽjẽ ʉ̃jʉ̃amorõ ñubuepeoꞌquere baꞌaticãꞌña”, nírã. “Mʉsã nʉmosãnumia nitirãrẽ, mʉsã marãpʉsʉmʉa nitirãrẽ aꞌmetãrãticãꞌña”, nírã. “Nipeꞌtirã waꞌicʉrã wãmʉta ãrʉ̃asureꞌcãrãrẽ baꞌaticãꞌña. Nipeꞌtirã dí miiña marĩrãrẽ baꞌaticãꞌña. Waꞌicʉrã ye díre baꞌaticãꞌña.” Ticʉseta dutirã narẽ.

1 Corintios 10:14

Tojo weerã Jesucristore ẽjõpeorã yʉꞌʉ mairã, mʉsã na yeeꞌcãrãrẽ ñubuepeoropʉ ne waꞌaticãꞌña. Tere ne cãꞌrõ ẽjõpeoticãꞌña.

1 Corintios 5:11

Yʉꞌʉ aꞌtiro peꞌe niwʉ̃: “Noꞌo ‘Jesucristore ẽjõpeoꞌo’ nimigʉ̃, ñaꞌarõ weegʉ́ meꞌrã baꞌpatiticãꞌña. Aꞌmetãrãgʉ̃nojõrẽ, ʉaripejagʉnojõrẽ, noꞌo queose yeeꞌquere ẽjõpeomaꞌagʉ̃nojõrẽ baꞌpatiticãꞌña. Tojo nicã ñaꞌarõ tuꞌtisepijagʉre, queꞌasebʉcʉre, yajari masʉ̃rẽ ne baꞌpatiticãꞌña. Ne cãꞌrõ na ‘Jesucristore ẽjõpeoꞌo’ nimirã, ñaꞌarõ weerã́ meꞌrã baꞌaticãꞌña”, niwʉ̃.

1 Corintios 6:9

¿Mʉsã masĩweti? Ñaꞌarõ weerã́ Õꞌacʉ̃ tiropʉ waꞌasome. Mʉsã wãcũmaꞌaticãꞌña. Aꞌtiro wéérã, ʉꞌmʉsepʉre waꞌasome. Maꞌmapjia noꞌo ʉaro aꞌmetãrãbajaqueꞌatirãnojõ waꞌasome. Noꞌo queose yeeꞌquere ẽjõpeomaꞌarãnojõ waꞌasome. Nʉmotirã, marãpʉtirã ãpẽrãrẽ aꞌmetãrãbajaqueꞌatirãnojõ waꞌasome. Noꞌo ʉmʉa basu ñaꞌarõ weerãnojõ, numia basu ñaꞌarõ weerãnojõ ʉꞌmʉsepʉ waꞌasome.

1 Corintios 8:7

Ãpẽrã Jesucristore ẽjõpeorã, Õꞌacʉ̃ niꞌcʉ̃ta nisere añurõ waro masĩyʉꞌrʉtẽrĩtisama. Na todʉporopʉre queose yeeꞌquere ẽjõpeose buꞌiri tojo nisama. Tojo weerã niꞌcãrõacãrẽ ñubuepeoꞌque diꞌire baꞌarã, aꞌtiro nisama: “Tere baꞌarã, queose yeeꞌquere ẽjõpeorã weeꞌe”, nisama. Tojo weerã ẽjõpeotutuatirã baꞌarã, buꞌiritirã tʉꞌoñaꞌsama. Tojo tʉꞌoñaꞌmirã, tojo baꞌacãꞌsama. Te meꞌrã na wãcũsere dojorẽsama.

1 João 5:21

Apeye, masã na queose yee ẽjõpeoꞌquenojõrẽ ẽjõpeoticãꞌña. Õꞌacʉ̃ seꞌsarore ẽjõpeoya. Nipeꞌtise apeyenojõ yʉꞌrʉoro Õꞌacʉ̃rẽ maꞌiña. Tojota weeroʉasaꞌa. Tocãꞌrõta ojaꞌa. Juã