SAN MATEO 27:12 - Hua̱ xasa̱sti talacca̱xlan quinTla̱tican Jesucristo

¹² Hua̱mpi̱ a̱li̱sta̱lh acxni̱ xanapuxcun pa̱lijni, chu̱ lakko̱lun ma̱paksi̱naní̱n catu̱huá̱ tu̱ tzúculh li̱ya̱huako̱y ta̱ksaní̱n, Jesús ni̱ pala kalhtum tachihuí̱n xkalhtí̱nalh tu̱ xli̱ya̱huama̱ca̱.

SAN MATEO 27:12 Iomraidhean Croise

SAN MATEO 26:63

Hua̱mpi̱ huata Jesús caj huá̱ cacs tá̱yalh xta̱chuná̱ la̱mpala ni̱ káxmatli, chu̱ yama̱ xapuxcu pa̱li̱ kalhasquimpá̱: —Dios xastacná̱ calhcuyuya̱huán lapi̱ naquinca̱akskahuiya, cli̱ma̱paksi̱yá̱n pi̱ naquinca̱huaniya̱ lapi̱ xli̱ca̱na̱ pi̱ huix Cristo, xCam Dios.

SAN MATEO 27:13

Pus huá̱ xpa̱lacata Pilato chuná̱ kalhásquilh: —¿Lá̱ntla̱ pi̱ ni̱tú̱ catili̱kalhtí̱nanti? ¿Tú̱ kaxpata̱ pi̱ catu̱huá̱ li̱ya̱huama̱kó̱n yuma̱ chixcuhuí̱n?

SAN MATEO 27:14

Hua̱mpi̱ huata Jesús a̱tzinú̱ luhua caj cacs tá̱yalh, chu̱ ni̱tú̱ kalhtí̱nalh. Chuna̱mpi̱ gobernador Pilato luhua lanaj li̱lacahua̱ acxni̱ úcxilhli̱ pi̱ yama̱ chixcú̱ ni̱tú̱ xkalhti̱nán.

SAN LUCAS 23:9

Catu̱huá̱ hua̱ntu̱ xlá̱ kalhásquilh, hua̱mpi̱ Jesús ni̱tú̱ kálhti̱lh.

LOS HECHOS 8:32

Yama̱ c-libro̱ tu̱ xli̱kalhtahuakati̱lhay chuná̱ huan: “Xta̱chuná̱ la̱ tantum ma̱ntzu̱ borrego le̱nca̱ anta̱ni̱ namakni̱cán, ni̱ pala tzinú̱ tatlancá̱ni̱lh acxni̱ makni̱ca̱. Chu̱ na̱ xta̱chuná̱ la̱ actzu̱ borrego ni̱ tasay acxni̱ maksitcán, na̱ ni̱ pala huá̱ tásalh c-xlacati̱ncán hua̱nti̱ ma̱pa̱ti̱ni̱ko̱lh.

1 SAN PEDRO 2:23

La̱ntla̱ maklhu̱hua cala̱huá̱ lacaquilhni̱ca̱, xlá̱ niucxni̱ cala̱huá̱ kalhtí̱nalh; acxni̱ ma̱pa̱ti̱ni̱ca̱, xlá̱ niucxni̱ puhua̱ pala nama̱lakxoka̱ko̱y pacs tu̱ xtlahuanima̱ca̱, huata pacs Dios xma̱cui̱ntajli̱ma̱ xtapa̱tí̱n hua̱nti̱ xli̱ca̱na̱ aksti̱tum nama̱xoko̱ni̱ko̱y cha̱tunu cha̱tunu̱ pacs la̱ntla̱ tu̱ tlahuako̱ni̱t c-xlatama̱tcán.