SAN MATEO 22:21 - Hua̱ xasa̱sti talacca̱xlan quinTla̱tican Jesucristo

²¹ —Hua̱ tamá̱ xlacapú̱n tlanca ma̱paksi̱na gobierno —kalhti̱nanko̱lh xlacán. Jesús huaniko̱lh: —Pus huata huá̱ camacama̱xquí̱tit hua̱ntu̱ xlá̱ ma̱paksi̱y gobierno sa̱mpi̱ huá̱ lakchá̱n, chu̱ hua̱ntu̱ tapaksiniy Dios huá̱ camacama̱xquí̱tit sa̱mpi̱ huá̱ lakchá̱n.

SAN MATEO 22:21 Iomraidhean Croise

SAN MATEO 22:20

Jesús na̱má̱ kalhasquinko̱lh: —¿Tí̱ xlacapú̱n yumá̱? Chu̱ ¿tí̱ xtucuhuiní̱ talhca̱tahuilani̱t?

SAN MATEO 22:37

Cha̱nchu̱ Jesús huánilh: —Hua̱ntu̱ luhua tlak xlacasquinca̱ nama̱kantaxti̱yá̱tit xli̱ma̱paksi̱n Dios chuná̱ huan: ‘Capa̱xqui, chu̱ cali̱pá̱huanti̱ Mimpu̱china Dios xli̱pacs minacú̱ chu̱ xli̱pacs mili̱stacna, chu̱ xli̱pacs mintalacapa̱stacni.’

SAN MATEO 4:10

Cha̱nchu̱ huánilh Jesús: —Huix akskahuiní, catapa̱nu̱ anta̱ni̱ cyá̱, sa̱mpi̱ c-Li̱kalhtahuaka̱ na̱má̱ tatzokni̱t: ‘Xma̱n huá̱ Mimpu̱chinacan Dios nalakataquilhpu̱taya, chu̱ na̱ xma̱n hua̱nti̱ nalakachixcuhui̱ya.’

SAN MARCOS 12:17

Jesús huaniko̱lh: —Pus cama̱xquí̱tit gobierno hua̱ntu̱ lakchá̱n gobierno, chu̱ na̱ chuná̱ cama̱xquí̱tit Dios hua̱ntu̱ lakchá̱n namacama̱xqui̱yá̱tit. Xlacán caj cacs lacahuanko̱lh, chu̱ nia̱lh xcatzi̱ko̱y tú̱ nakalhasquimpalako̱y.

SAN LUCAS 20:25

Jesús huanipalako̱lh: —Pus huata huá̱ camacama̱xquí̱tit gobierno hua̱ntu̱ ma̱paksi̱y gobierno; chu̱ na̱ chuna li̱tum huá̱ camacama̱xquí̱tit Dios hua̱ntu̱ lakchá̱n namacama̱xqui̱yá̱tit.

SAN LUCAS 23:2

Acxni̱ antá̱ cha̱nko̱lh, catu̱huá̱ tzucuko̱lh li̱sta̱huako̱y, chu̱ chuná̱ xuanko̱y: —Quin cma̱noklhuni̱tahu yuma̱ chixcú̱ acxni̱ xlá̱ xma̱lakaspitya̱huama̱kó̱ tachixcuhuí̱tat, xlá̱ huan pi̱ mat ni̱tlá̱n la̱ntla̱ clakaxoko̱nanima̱hu gobierno xala c-Roma, xa̱huachí̱ huampalay pi̱ mat huá̱ ma̱laktaxti̱ná, huá̱ li̱taxtuputún yama̱ rey hua̱nti̱ namín quinca̱ma̱paksi̱yá̱n quin judíos.

LOS HECHOS 4:19

Hua̱mpi̱ Pedro, chu̱ Juan chuná̱ kalhti̱nanko̱lh: —Caquinca̱huanítit, ¿Ti̱ xatlá̱n nakaxmatniya̱hu tu̱ quinca̱li̱ma̱paksi̱yá̱n nactlahuaya̱hu? ¿Pá̱ hua̱ Dios, usu huixín?

LOS HECHOS 5:29

Pedro, xa̱hua̱ a̱makapitzi̱n apóstoles kalhti̱nanko̱lh: —Quin cpuhuana̱hu pi̱ a̱tzinú̱ quinca̱mini̱niyá̱n pu̱lh huá̱ nackalhakaxmata̱hu Dios, chu̱ ni̱ huá̱ hua̱ntu̱ naquinca̱li̱ma̱paksi̱yá̱n cati̱hua̱ chixcuhuí̱n.

ROMANOS 13:7

La̱ntla̱ cha̱tunu cha̱tunu̱ cama̱xqui̱kó̱tit hua̱ntu̱ lakchá̱n, chu̱ mini̱niy nama̱xqui̱ko̱yá̱tit. Hua̱nti̱ ma̱ta̱ji̱nán xpa̱lacata li̱lakaxokó̱nat, cama̱xqui̱kó̱tit mili̱xoko̱ncán, chuná̱ pala hua̱ gobierno, usu gobernador, acxtum calakaxoko̱nanítit; na̱ chuná̱ la̱ntla̱ c-minca̱chiqui̱ncán, hua̱nti̱ mini̱niy pi̱ nalakachixcuhui̱yá̱tit huá̱ calakachixcuhuí̱tit, chu̱ hua̱nti̱ mili̱ma̱xqui̱tcán ca̱cni, hua̱ntu̱ lacati̱tum cata̱kalhchihui̱nántit, chu̱ caca̱cni̱nanítit.