SAN JUAN 6:24 - Hua̱ xasa̱sti talacca̱xlan quinTla̱tican Jesucristo

²⁴ Pus cumu ni̱tí̱ xlama̱ antá̱ Jesús, ni̱ pala xli̱ma̱kalhtahuáka̱t, yama̱ li̱lhu̱hua huata lacapala̱ taju̱ko̱lh c-pu̱tacutnu̱ tu̱ xminko̱ni̱t, chu̱ anko̱lh putzako̱y Jesús c-xa̱lakapu̱tu̱ c-Capernaum.

SAN JUAN 6:24 Iomraidhean Croise

SAN MATEO 14:34

Acxnitiyá̱ chú̱ lacapala̱ tzúculh pa̱tacutko̱y c-ta̱kaya̱huaná, chu̱ antá̱ cha̱nko̱lh c-xatiyat huanicán Genesaret.

SAN MARCOS 1:37

Chu̱ acxni̱ qui̱ta̱ksko̱lh, huaniko̱lh: —Lhu̱hua̱ putzama̱kó̱n.

SAN MARCOS 6:53

Acxni̱ pa̱tacutko̱lh ta̱kaya̱huaná xala c-Galilea, chanko̱lh c-aktum tíyat huanicán Genesaret, chu̱ antá̱ chi̱huili̱ko̱lh xpu̱tacutnucán.

SAN LUCAS 8:40

Acxni̱ Jesús tacutpalachá̱ c-xa̱quilhtu̱tu ta̱kayahuaná, la̱ntla̱ xli̱lhu̱hua tachixcuhuí̱tat luhua cha̱pa̱xuhua̱na̱ qui̱pa̱xtokko̱lh sa̱mpi̱ xlacán aya xkalhkalhi̱ma̱kó̱.

SAN JUAN 20:15

Xlá̱ chuná̱ kalhásquilh: —Pusca̱t, ¿tú̱huan tasápa̱t? ¿Tí̱ putzápa̱t? Cha̱nchu̱ xlá̱ xpuhuán pi̱ huá̱ chixcú̱ hua̱nti̱ xmaktakalha̱ yama̱ ca̱quihuí̱n anta̱ni̱ xchanko̱cani̱t quihui, pus huá̱ chuná̱ li̱huánilh: —Catlahua̱ li̱tlá̱n, lapi̱ huix li̱pini̱ta̱ xtiyatli̱hua, pus caquihuani̱ xaní̱ li̱chipini̱ta̱ laqui̱mpi̱ nacán tiyay.

SAN JUAN 6:17

Hua̱mpi̱ cumu chú̱ aya xtzi̱suani̱ttá, chu̱ Jesús ni̱ naj xa̱qui̱taspita, huata xlacán taju̱ko̱lh c-aktum pu̱tacutnu, chu̱ tzúculh ma̱tla̱huani̱ko̱y laqui̱mpi̱ antá̱ nacha̱nko̱y c-Capernaum hua̱ntu̱ xuí̱ c-xa̱quilhtu̱tu ta̱kaya̱huaná.

SAN JUAN 6:23

chinko̱lh tanuj pu̱tacutnu, antá̱ minko̱chá̱ c-aktum ca̱chiquí̱n huanicán Tiberias, chu̱ antá̱ xuilakó̱ c-chúchut lacatzú̱ anta̱ni̱ Jesús xma̱lhu̱hui̱ni̱t caxtala̱nchu̱, acxni̱ pu̱lh pa̱xcatcatzí̱nilh Dios yama̱ lí̱huat.

SAN JUAN 6:26

Jesús kalhti̱ko̱lh: —Li̱huana̱ cakaxpáttit hua̱ntu̱ nacca̱huaniyá̱n: huixín quimputzapá̱tit sa̱mpi̱ ko̱tana̱ tla̱n hua̱yántit, chu̱ tla̱n kalhkástit, hua̱mpi̱ ni̱ huá̱ quili̱putzapá̱tit laqui̱mpi̱ naquili̱pa̱huaná̱tit acxni̱ ucxilhá̱tit ctlahuako̱y lactlanca quintatlahu.

SAN JUAN 6:59

Jesús chuná̱ li̱xakatli̱ko̱lh yuma̱ tachihuí̱n acxni̱ xli̱lhu̱huacán judíos xtanu̱ma̱kó̱ c-aktum xpu̱kalhtahuakacán c-xaca̱chiqui̱n Capernaum.

SAN JUAN 7:11

Xanapuxcun judíos xlacaputzama̱kó̱ c-pa̱scua̱, chicá̱ pala na̱ xani̱t, xlacán xkalhasquini̱nánko̱y, chicá̱ pala tí̱ xucxilhni̱t, chu̱ chuná̱ xuanko̱y: —¿Ní̱ lama̱ cahuá̱ yama̱ chixcú?