HEBREOS 10:3 - Hua̱ xasa̱sti talacca̱xlan quinTla̱tican Jesucristo

^3-4 Sa̱mpi̱ yuma̱ xkalhnican lactzu̱ toro̱ xa̱huá̱ tí̱ntzun hua̱ntu̱ xmakni̱ko̱y chu̱ xli̱sa̱huanko̱y c-xlacati̱n Dios, xli̱ca̱na̱ niucxni̱ chaka̱makaniko̱lh xtala̱kalhi̱ncán; huata tu̱ tláhualh ca̱ta ca̱ta̱ ca̱x xma̱lacapa̱stacni̱ko̱y pi̱ chunatá̱ kalhi̱ko̱y xtala̱kalhi̱ncán, ni̱ luhua xlakchaka̱niko̱ni̱t.

HEBREOS 10:3 Iomraidhean Croise

SAN MATEO 26:28

Sa̱mpi̱ quit lacatancs ccahuaniyá̱n pi̱ hua̱ yuma̱ quinkalhni̱ hua̱ntu̱ nama̱luloka̱ pi̱ Dios ta̱tlahuako̱ni̱t tachixcuhuí̱tat aktum xasa̱sti talacca̱xlán la̱ntla̱ nalakma̱xtuko̱y. Nastajtamakán laqui̱mpi̱ chuná̱ lhu̱hua̱ xlacán tla̱n nali̱ma̱tzanka̱nanicán xtala̱kalhi̱ncán.

SAN JUAN 2:17

Puschí̱ xli̱ma̱kalhtahuáka̱t lacapa̱stacko̱lh hua̱ntu̱ huan lacatum c-Li̱kalhtahuaka̱ anta̱ni̱ chuná̱ huan: “Xli̱pacs quinacú̱ cli̱lakcatzán tlanca templo xala c-Jerusalén sa̱mpi̱ huá̱ mínchic anta̱ni̱ huila, chu̱ ni̱ cma̱tla̱ni̱y pala tú̱ ni̱tlá̱n antá̱ tlahuacán.”

HEBREOS 9:7

Hua̱mpi̱ antá̱ c-xli̱pu̱lactuy chiqui hua̱ntu̱ xuanicán lacatum luhua xasa̱ntujlani, caj xma̱n maktum aktum ca̱ta xmini̱niy natanu̱y xapuxcu pa̱li̱, chu̱ xli̱lé̱nat xkalhni lactzu̱ takalhí̱n hua̱ntu̱ a̱cu̱ xmakni̱ko̱cani̱t. Xapu̱lh huá̱ xli̱sa̱huani̱nán xpa̱lacata xtala̱kalhí̱n yuma̱ pa̱li̱, a̱li̱sta̱lh, chu̱ xli̱sa̱huani̱nán xpa̱lacata xtala̱kalhi̱ncan xli̱pacs a̱makapitzi̱n tachixcuhuí̱tat.