1 CORINTIOS 6:4 - Hua̱ xasa̱sti talacca̱xlan quinTla̱tican Jesucristo

⁴ Huá̱ chuná̱ cca̱li̱huaniyá̱n, sa̱mpi̱ makapitzi̱n huixín hua̱nti̱ huaná̱tit li̱pa̱huaná̱tit Dios, ni̱ xmaka̱sni̱ la̱makasi̱tzi̱yá̱tit, chu̱ ma̱squi catzi̱yá̱tit chuná̱ natlahuayá̱tit takosú̱n piná̱tit talacapu̱yá̱tit cha̱tum ma̱paksi̱ná̱ hua̱nti̱ ni̱ pala tzinú̱ lakapasa̱ xli̱ma̱paksi̱n Dios laqui̱mpi̱ huá̱ naca̱lacca̱xtlahuaniyá̱n minta̱klhu̱hui̱tcán.

1 CORINTIOS 6:4 Iomraidhean Croise

1 CORINTIOS 5:12

Xli̱ca̱na̱ xlá̱ pi̱ quit ni̱ quimini̱niy nacuaniy hua̱ntu̱ xli̱tláhuat cha̱tum hua̱nti̱ ni̱ li̱pa̱huán Jesús, sa̱mpi̱ xma̱n hua̱ Dios catzi̱y la̱ntla̱ nama̱kalhapali̱y xpa̱lacata tu̱ tlahuama̱; hua̱mpi̱ xli̱pacs quin hua̱nti̱ li̱pa̱huana̱hu Cristo tla̱n lacati̱tum la̱huaniya̱hu hua̱ntu̱ quili̱tlahuatcán, chu̱ la̱ntla̱ quili̱latama̱tcán. Huá̱ xpa̱lacata cca̱li̱huaniyá̱n pi̱ ni̱ a̱tuyá̱ cali̱puhuántit, huata xatlá̱n maktum catamacaxtútit tama̱ chixcú̱ hua̱nti̱ tlahuani̱t li̱xcajnit tala̱kalhí̱n c-milaksti̱pa̱ncán laqui̱mpi̱ ni̱ chuná̱ nalaputunko̱y a̱makapitzí̱n.

1 CORINTIOS 6:3

Xli̱ca̱na̱ quin hua̱nti̱ li̱pa̱huana̱hu Dios namakma̱kalhapali̱ko̱ya̱hu hasta ma̱squi hua̱ ángeles xala c-akapú̱n. Hua̱ lapi̱ chuná̱ naqui̱taxtuy, ¿pá̱ li̱huacá̱ chú̱ ni̱ lay lacca̱xtlahuako̱ya̱hu lactzu̱ minta̱klhu̱hui̱tcán xala u̱nú̱ ca̱tuxá̱huat?

1 CORINTIOS 6:5

Xli̱ca̱na̱ pi̱ ni̱ pala tzinú̱ li̱ma̱xananá̱tit hua̱ntu̱ tlahuayá̱tit, ¿tú̱ anán cha̱tum hua̱nti̱ acxtum ca̱ta̱tamacxtumi̱yá̱n hua̱nti̱ makaacchá̱n xtalacapa̱stacni laqui̱mpi̱ huá̱ naca̱lacca̱xtlahuaniyá̱n minta̱klhu̱hui̱tcán?