1 CORINTIOS 5:12 - Hua̱ xasa̱sti talacca̱xlan quinTla̱tican Jesucristo

^12-13 Xli̱ca̱na̱ xlá̱ pi̱ quit ni̱ quimini̱niy nacuaniy hua̱ntu̱ xli̱tláhuat cha̱tum hua̱nti̱ ni̱ li̱pa̱huán Jesús, sa̱mpi̱ xma̱n hua̱ Dios catzi̱y la̱ntla̱ nama̱kalhapali̱y xpa̱lacata tu̱ tlahuama̱; hua̱mpi̱ xli̱pacs quin hua̱nti̱ li̱pa̱huana̱hu Cristo tla̱n lacati̱tum la̱huaniya̱hu hua̱ntu̱ quili̱tlahuatcán, chu̱ la̱ntla̱ quili̱latama̱tcán. Huá̱ xpa̱lacata cca̱li̱huaniyá̱n pi̱ ni̱ a̱tuyá̱ cali̱puhuántit, huata xatlá̱n maktum catamacaxtútit tama̱ chixcú̱ hua̱nti̱ tlahuani̱t li̱xcajnit tala̱kalhí̱n c-milaksti̱pa̱ncán laqui̱mpi̱ ni̱ chuná̱ nalaputunko̱y a̱makapitzí̱n.

1 CORINTIOS 5:12 Iomraidhean Croise

SAN MARCOS 4:11

Jesús chuná̱ huaniko̱lh: “Xli̱ca̱na̱, huixín Dios ca̱ma̱akata̱ksni̱putuná̱n la̱ntla̱ xlá̱ lacasquín calatama̱ko̱lh hua̱nti̱ natapaksi̱niko̱y, hua̱mpi̱ hua̱ la̱ntla̱ makapitzi̱n tachixcuhuí̱tat, ma̱squi cli̱ma̱xtunima̱kó̱ hua̱ntu̱ xlacán lakapasko̱y, ni̱ pala chuná̱ catili̱lacputzako̱lh la̱ntla̱ naakatakskoy.

SAN LUCAS 12:14

Hua̱mpi̱ Jesús chuná̱ kálhti̱lh: —Chixcú, ¿tú̱ xpa̱lacata quili̱putzaya̱ quit? Usuchí̱ ¿tí̱ quihuili̱ni̱t li̱juez c-milaksti̱pa̱ncán laqui̱mpi̱ nacca̱ma̱pa̱pitziniyá̱n hua̱ntu̱ ca̱lakcha̱ná̱n makaaná̱nat?

SAN JUAN 18:36

Jesús kálhti̱lh: —Quimpu̱ma̱paksí̱n ni̱ antá̱ u̱nú̱ xala ca̱tuxá̱huat, lapi̱ antá cahuá̱, hua̱nti̱ quili̱pa̱huanko̱y xquintimaklhti̱nanko̱lh, chu̱ ni̱ xma̱sta̱ko̱lh quilhtamacú̱ naquinchipacán; ma̱squi luhua xli̱ca̱na̱ quit Rey hua̱mpi̱ quimpu̱ma̱paksí̱n ni̱ antá̱ u̱nú̱ xala ca̱tuxá̱huat.

COLOSENSES 4:5

Ca̱na̱ huixín, ni̱ cali̱makaxtáktit quilhtamacú̱ caj chunatá̱ nati̱taxtuy, huata caputzátit la̱ntla̱ tancs nata̱kalhchihui̱nanko̱yá̱tit hua̱nti̱ ni̱ li̱pa̱huanko̱y Cristo.

1 TESALONICENSES 4:12

laqui̱mpi̱ chuná̱ hua̱nti̱ ni̱ li̱pa̱huanko̱y Dios cacs nalacahuanko̱y sa̱mpi̱ naucxilhko̱y pi̱ lactali̱pa̱hu huixín, xa̱huachí̱ nakalhi̱yá̱tit hua̱ntu̱ namaclacasquiná̱tit, chu̱ ni̱tú̱ naca̱tzanka̱niyá̱n.

1 TIMOTEO 3:7

Xa̱hua̱ na̱ chuná̱ xlí̱lat pi̱ aksti̱tum ma̱siyuma̱ xlatama̱t laqui̱mpi̱ tla̱n chixcú̱ nali̱ucxilhko̱y hua̱nti̱ ni̱ li̱pa̱huanko̱y Quimpu̱chinacán laqui̱mpi̱ ni̱tí̱ cala̱huá̱ naaktlakaxakatli̱y, chu̱ na̱ ni̱ pala chuná̱ catimá̱xqui̱lh quilhtamacú̱ akskahuiní̱ nama̱makuasi̱ya̱huay.