Zekariya 1:6 - Tonga Bible 1986

⁶ Kweni mazu ghangu ndi marangu ghangu gho ndingulanguliya ŵateŵeti ŵangu ŵamchimi, kuti ghanguŵasaniya cha auskemwe? Viyo ŵanguwe ŵanguti, Nge ndimo Ambuya ŵa maŵanja angughanaghaniya kuchitiya ifwe chifukwa cha nthowa zidu ndi nchitu zidu, viyo ndimo achitiya nafwe.”

Zekariya 1:6 Iomraidhean Croise

2 ŴaKaronga 15:12

(Ili lenga phanganu la Ambuya lo angupaska kwaku Yehu, “Ŵana ŵako ŵakajanga pa chitengu chaku Yisraele mpaku mgonezi wa chinayi.” Ndipo viyo ndimu kunguŵiya.)

Jobu 6:29

Ng'anamukani, ndimurombani, kwananga kungachitikanga cha. Ng'anamukani sono pakuti kujivikiriya kwangu kwe pa mlando uwo.

Yesaya 21:17

Ndipo ŵakujapo ŵa ŵakupong'a mivwi ŵa virimbi vya ŵana ŵaku Kedara ŵakaŵanga ŵamanavi ŵeni, pakuti Ambuya Chiuta waku Yisraele wa kamba.”

Yesaya 44:26

mweniyo wakhozga mazu gha ŵateŵeti ŵake, ndipo wafiska fundu za mathenga ghake, mweniyo watiti gha paku Yerusalemu, ‘Wakajangamo ŵanthu,’ ndi gha mizi yaku Yuda, ‘Yikazengekanga; ndipo ndikasoskanga so malo ghawo gha mapopa’;

Yesaya 55:1

“Imwe, we yose wanyota, wazi ku maji, yose yo walivi ndrama, wazi wagule warghe! Zani, gulani vinyo ndi mukaka kwambura ndrama ndi kwambura mtengo.

Yesaya 55:11

viyo ndimu ghakaŵiyanga mazu ghakutuwa mu mlomo wangu; kuti ghakawerenga kwangu ghambura kanthu cha, kweni ghakafiskanga chinecho ndakhumba, ndi kusakata mu chinthu cho ndingughatumiyako.

Yeremiya 23:20

Ukari wa Ambuya kuti ukawerenga cha, mpaka penipo wakachitanga ndi kufiska vyo maghanaghanu ghawo ghakhumba. Mu mazuŵa gha pavuli mukaŵangamo khwerukhweru.

Yeremiya 26:15

Kweni ziŵani kwakuneneska kuti asani mundibayenge, mukajitoliyanga ndopa zambura kalema paku mwaŵeni ndi pa msumba uwu ndi ŵakujamo ŵake, pakuti kwakuneneska Ambuya angundituma kwaku imwe kuzachirongoro mazu yagha mu makutu ghinu.”

Yeremiya 28:17

Mu chirimika chenichiya, mu mwezi wa chinkhonde ndi chiŵi, mchimi Hananiya wangufwa.

Yeremiya 32:24

Ehe, vidya vya ŵakuzinga vyafika ku msumba kuti ŵauthereske; ndipo chifukwa cha lipanga ndi chilala ndi chideru, msumba waperekeka ku ŵaKaldiya ŵeniwo ŵarwana ndi msumba wo. Chenicho imwe mungukamba chafiskika, ndipo ehe, mutichiwona.’

Yeremiya 36:28

“To chizinga chinyake cha buku ulembepo mazu ghose gho ghenga mu chizinga chakudanga, gho Yehoyakimu karonga waku Yuda wawocha.

Yeremiya 39:16

“Ruta, ukakambe kwaku Ebedimeleke mu Etiopia, ‘Viyo atiti Ambuya ŵa maŵanja, Chiuta waku Yisraele: Ehe, ndikafiskanga mazu ghangu gha pa msumba uwu chifukwa cha uheni kuti mpha chifukwa cha umampha cha, ndipo ghakafiskikanga paurongo pako mu zuŵa lenilo.

Yeremiya 4:4

Jichinjiyeni ku Ambuya tuzganipo khungu la mitima yinu, mwa ŵanthu ŵaku Yuda ndi ŵakuja mu Yerusalemu, vinu ukari wangu ungaruta nge ndi moto, ndi kocha penipo palivi wakuwuzimwa chifukwa cha uheni wa machitidu ghinu.”

Yeremiya 44:2

“Viyo atiti Ambuya ŵa maŵanja, Chiuta waku Yisraele: Mwawona uheni wose wo ndikutole pa Yerusalemu, ndi pa misumba yose yaku Yuda. Ehe, msana wale nja mapopa, ndipo palivi yumoza yo wajamo mwaku yo,

Yeremiya 44:28

Ndipo ŵeniwo ŵakapozomokanga ku lipanga ŵakawengako ku charu cha Egipiti kuya ku charu chaku Yuda, ŵamanavi ŵeni, ndipo wose wakujapo ŵa ŵaYuda, wo ŵanguza ku charu cha Egipiti kuzachijako, ŵakaziŵanga kuti ndi mazu ghakuyani gho ngakuneneska, ghangu pamwenga ghawo.

Yeremiya 44:29

Ichi chikaŵanga chiziŵisku kwaku imwe, atiti Ambuya, kuti ndikakulanganinga mu malo yagha, alinga muziŵe kuti mazu ghangu ghakakambanga ndi uheni winu.

Yeremiya 44:6

Chifukwacho ukari wangu ndi kukwiya kwangu vingudika ndi vingukole mu msumba yaku Yuda ndi mu miseu ya Yerusalemu; ndipo vinguŵa phasulu ndi mapopa, nge ndimo kuliri msana wale.

Yeremiya 5:14

Chifukwa chenichi atiti Ambuya, Chiuta wa maŵanja: “Chifukwa ŵakamba mazu yagha, ehe, nditighachita mazu ghangu mu mlomo wako kuŵa moto, ndipo ŵanthu yaŵa ŵakaŵanga nkhuni, ndipo moto ukaŵabayanga.

Chitenje 1:18

“Ambuya ŵemukuruwika, pakuti ŵagarukiya mazu ghawo; kweni vwani, mwa ŵanthu imwe mose, ndi teskani suzgu yangu; ŵamwali ŵangu ndi ŵanyamata ŵangu ŵaruta mu umkoli.

Chitenje 2:17

Ambuya achita cho angulongoso, afiska kufinga kwawo, uli ndimo anguteme kale ukongwa, abwanganduliya pasi kwambura lisungu; aŵakondweska ŵakupindikana ŵako, ndipo akuzga nthazi ya ŵarwani ŵinu.

Chitenje 3:42

“Talengeska ndi tagaruka, kweni mulivi kugowoke.

Ezekiele 20:43

Kwenikuwa ndiko mukakumbukanga nthowa zinu ndi nchitu zinu zose zo mukujikazuzga nazo; ndipo mukajisuskanga imwe mwaŵeni pa chifukwa cha mauheni ghose gho mwachita.

Ezekiele 37:11

Penipo angunena nane, “Mwana wa munthu, viwanga ivi ndi nyumba yose yaku Yisraele. Awona, ŵatiti, ‘Viwanga vidu vyamira, chigomezgu chidu chawara, tadumurika kwamara.’

Danyele 4:28

Chose ichi chinguza pa karonga Nebukadanezara.

Hoseya 5:9

Efraimu wasandukenge mahame mu zuŵa lakurangika kwake; ndiziŵiska mafumu gha ŵaYisraele cho chikaŵangako nadi mukati mwawo.

Hoseya 9:15

Uheni wawo wose wemu Gilgala; kwenikuwa ndiko ndingudanga chaŵatinkha. Chifukwa cha uheni wa milimu yawo, nkhaŵatuzganga mu nyumba yangu. Ndiŵanjenge so cha; mafumu ghawo ghose ghandigaruka.

Amosi 9:10

Ŵakulakwa wose ŵa ŵanthu ŵanguŵambubayika ndi lipanga ŵeniwo ŵatiti, ‘Uheni kuti ungatisaniya cha chingana nkhukumana nafwe.’

Zekariya 1:7

Pa zuŵa la machumi ghaŵi ndi ghanayi (24) la mwezi wa chumi ndi umoza, wo ndi mwezi wa Sebata mu chirimika cha chiŵi chaku Dariusi, mazu gha Ambuya ghanguza kwaku Zekariya mwana waku Berekiya, mwana waku Ido, mchimi; ndipo Zekariya wanguti,

Malaki 3:18

Viyo so mwamupatuwa murunji ku muheni, wakuteŵete Chiuta ndi yo wareka kumuteŵete.

Maŵerengedu 23:19

Chiuta kuti ndi munthu cha, kuti waname, pamwenga mwana wa munthu, kuti wang'anamuke. Kumbi cho wakamba, kuti wakachitanga cha? Pamwenga cho wanena, kuti wakachifiskanga cha?

Maŵerengedu 32:23

Kweni asani kuti mukachitanga viyo cha, ehe, mwalakwiya Ambuya; ndipo muŵe ŵaneneska kuti ulakwi winu ukamusaniyaninga.

Maŵerengedu 33:56

Ndipo ine mo ndatinge ndichitiye kwaku iwo ndimu ndikachitiyanga kwaku imwe.”

Mateyu 24:35

Kuchanya ndi pasi virutenge, kweni mazu ghangu kuti gharutenge cha.

Marangu 28:15

“Kweni asani kuti mukavwiyanga cha mazu gha Ambuya Chiuta winu, pamwenga kuphwere kuchita marangu ghake ghose ndi malangulu ghake gho ndikutauliyani zuŵa ili, iku matembo ghose yagha ghakazanga paku imwe ndi kumunangani.

Marangu 28:2

Ndipo vitumbiku ivi vyose vizenge paku imwe ndi kuja mwinu, asani mukavwiyanga mazu gha Ambuya Chiuta winu.

Marangu 28:20

“Ambuya akatumanga paku imwe matembo, chimutimbaheka, ndi kandundu, mwaku vyose vyo muchita, mpaka penipo mwaparghang'ika ndi mwamara ruŵiruŵi; chifukwa cha machitidu ghinu ghaheni, pakuti mwandikana.

Marangu 28:45

Matembo ghose yagha ghakaŵanga paku imwe, ghakamundondoloskaninga ndi kumusaniyani, mpaka penipo mose mwanangika, pakuti mungureka kuvwiya mazu gha Ambuya Chiuta winu, kusunga marangu ghake, ndi visambizgu vyake vyo wangumulanguliyani.

1 ŴaTesalonika 5:4

Kweni imwe, mwa ŵabali, kuti mwe mu mdima cha, viyo kuti zuŵa lo lingamkoni nge ndi munkhungu: