Zefaniya 3:9 - Tonga Bible 1986

⁹ “Pa nyengo yo nding'anamuwenge karongororedu ka ŵanthu kuŵa kamampha, mwakuti wose ŵadanenge pa zina la Ambuya ndi kumuteŵete iyo ndi mtima umoza.

Zefaniya 3:9 Iomraidhean Croise

Chiyambo 11:1

Sono charu chose chenga ndi lilime limoza ndi mazu ghamanavi.

Chiyambo 4:26

Kwaku Sete so kungupapika mwana munthurumi, ndipo wangudana zina lake Enoke. Pa nyengo yiya ŵanthu ŵangwamba kudana pa zina la Ambuya.

Sumu 113:3

Kutuwa ku vuma mpaka ku zambwe, zina la Ambuya lirumbike!

Sumu 22:27

Vigoti vyose vya charu chapasi vikumbukenge ndi kuwere ku Ambuya; ndipo mafuku ghose gha mitundu ya ŵanthu gha sopenge paurongo pinu.

Yesaya 19:18

Mu zuŵa liya kwazamukuŵa mizi yinkhonde mu charu cha Egipiti yakuŵereŵeta lilime la ŵaKanani ndi ŵakujirapiskiya kuŵa ŵakuvwiya Ambuya ŵa maŵanja; umoza waku iyi ukadanikanga Muzi wa Lumwi.

Yesaya 57:19

Chimangu, chimangu kutali ndipafupi, atiti Ambuya; inya ndikamuchizganga.

Yesaya 6:7

Ndipo wangukwaska mlomo wangu, ndi wanguti, “Awona, ichi chakwaska milomo yako, kulakwa kwako kwatuzgikapo, ndipo uheni wako wagowokeleka.”

Yeremiya 16:19

Ambuya mwe, nthazi yangu ndi linga langu lakukho, nchakudingang'amo changu, muzuŵa la suzgu, kwaku imwe mitundu yikazanga kutuwa ku vigoti vya charu ŵazamunena kuti, “Auskefwe kuti ŵaharapo so kanthu kanyake cha kweni mautesi pe, tunthu twambura ndi kanthu mwaku twenito mulivi kakwanduwamo.

Ezekiele 37:17

uzilunge yimoza ku yinyake, mwakuti yiŵe ndodo yimoza mu janja lako.

Habakuku 2:14

Chifukwa charu chapasi chizazenge ndi mziŵiru wa unkhankhu wa Ambuya, nge ndi maji ghazaza nyanja.

Zefaniya 2:11

Ambuya aŵenge akofya kwaku iwo; awondeskenge ŵachiuta wose panu pasi, ndipo kwaku iyo ŵangwadiyenge ŵanthu ŵa mitundu yose mu charu chawo ndi chawo.

Zekariya 14:9

Ndipo Ambuya aŵenge karonga wa charu chose chapasi; mu zuŵa lo kuŵenge Ambuya amoza ndi zina lawo limoza.

Zekariya 2:11

Ndipo mitundu yinandi yiwunganenge kwa Ambuya mu zuŵa lo, ndipo ŵakaŵanga ŵanthu ŵangu; Ine ndijenge mukati mwako, ndipo uziŵenge kuti Ambuya ŵa maŵanja andituma kwako.

Mateyu 12:35

Munthu wamampha kutuliya ku mbiku yake yamampha watuzga vyamampha: ndipo munthu muheni kutuliya ku mbiku yake yiheni watuzga viheni.

ŴaEfeso 4:29

Mazu ghawiyu ghangatuwanga kose mu mlomo winu cha, kweni ghenigho ngamampha kwachizenge kwakuyana ndi usauchi, kuti ghapaske wezi ku ŵakuvwa.

Chivumbuzi 11:15

Wangukuŵa mungelo wachinkhonde ndi chiŵi; ndipo ghanguŵapo mazu ghakuru kuchanya, ghakuti, “Ufumu wa panupasi sono ngwa Mbuyafwe, ndi waku Kristu wake, ndipo wakausanga ku muyaya muyaya!”