Zefaniya 3:13 - Tonga Bible 1986

¹³ Ŵakujako mu Yisraele; kuti ŵachitenge kanthu kaheni cha, pamwenga kukamba utesi, chingana ndi mu mlomo mwawo kuti lisanirikengemo lilime la utesi cha. Chifukwa ŵarghenge ndi kugona pasi, ndipo pakaŵangavi wakuŵawofya.”

Zefaniya 3:13 Iomraidhean Croise

2 Mikoka 20:30

Viyo ufumu wa karonga Yehosafati wenga bata, chifukwa Chiuta wake wangumpaska chipumulu kwakuzunguriya.

Jobu 11:19

Ugonenge pasi ndi paŵengevi yumoza wakukutenthemeska; ŵanandi ŵakaweyeriyanga kwaku iwe.

Sumu 119:3

Nadi kuti ŵachita kubende cha; ŵatenda mu nthowa ya Ambuya.

Sumu 120:2

nditaskeni, Ambuya, ku wakupusika ndiwakurandizga!

Sumu 120:3

Kumbi kukapaskikanganji kwaku imwe? Kumbi kukasazgikiyangako kanthu uli kwaku imwe, mwakuŵa ndi lilime lakupusika?

Sumu 23:2

Mu mauliska gha chipozwa atindilarika; ku maji ghakukomariya atindirongozga;

Yesaya 17:2

Misumba yake yikathaŵanga muyaya; yikaŵanga ya viŵetu, vyenivyo vikalanga pasi, ndipo paulengevi wakuvyofya.

Yesaya 35:8

Ndipo gurwi mukuru wakaŵanga kwenikuwa, ndipo ukadanikanga Nthowa Yakupaturika; ŵaukazuzi kuti ŵakendangamo cha, ŵabereŵeza kuti ŵakalakwiyangamo cha.

Yesaya 54:14

Ukajarikikanga mu urunji, ukaŵanga kutali kukuyuzgika, pakuti kuti ukawopanga cha; ndi ku chakofya, pakuti kuti chikazanga kufupi nawe cha.

Yesaya 6:13

Ndipo chingana mungaja chigaŵa chimoza pe cha vigaŵa chumi, nacho chikafyanga so, uli ndi muti wa muŵanga pamwenga wa nthunthu, wo chipandu chake chijaririya kuma asani wadumulika.” Mbutu yakupaturika ndiyo chipandu chake.

Yesaya 60:21

Ŵanthu ŵinu wose ŵakaŵanga ŵakongorekwa; wakaharanga charu cho muyaya, mphanda ya kupanda ine, nchitu ya manja ghangu, alinga kuti ndikankhuskike.

Yesaya 63:8

Pakuti anguti, Kwakuneneska mbanthu ŵangu, ŵana wo kuti ŵakachitanga kwakupusika cha; ndipo iyo wanguŵa Mtaski wawo.

Yesaya 65:10

Sharoni wakasandukanga uliska wa miskambo, ndi chinkhwau cha Akoro malo gha kugonamo miskambo ya ŵanthu ŵangu wo ŵatindipenja.

Yeremiya 23:4

Ndikamikanga ŵaliska ŵeniwo ŵakaŵaphwerenga, ndipo ndi kuti ŵakaŵanga ndi mantha cha, chingana nkhudika nthazi; chingana nkhusoŵapo nanga njumoza nako so cha, atiti Ambuya.

Yeremiya 30:10

Viyo reka kopa, Yakobe we, mteŵeti wangu, atiti Ambuya, chingana nkhufipa mtima, Yisraele we; pakuti ehe, ndikakutaskanga kutuwa kutali, ndi mbeu yako kutuwa ku charu cha uŵanda wawo. Yakobe wakawenga ndi kuja mu chisisi ndi kufwasa, ndipo kukaŵangavi wakumofya.

Yeremiya 31:33

Kweni ili ndi phanganu lo ndikachitanga ndi nyumba yaku Yisraele pavuli pa mazuŵa gho, atiti Ambuya: Ndikaŵikanga dangu mukati mwawo, ndipo ndikalilembanga pa mitima yawo; ndipo ine ndikaŵanga Chiuta wawo, ndipo iwo ŵakaŵanga ŵanthu ŵangu.

Ezekiele 39:26

Ŵaruwenge soni zawo, ndi utimbanizi wose wo ŵachitiya ine, penipo ŵaja kwakudekha mu charu chawo kwambura nanga njumoza wakuŵatenthemeska,

Yoele 3:17

“Viyo mukaziŵanga kuti ine ndine Ambuya Chiuta winu, yo waja mu Zioni, phiri langu lakupaturika. Ndipo Yerusalemu waŵenge wakupaturika ndipo ŵalendo ŵaporotengemo so cha.

Yoele 3:21

Nditayiyenge thayu pa ndopa zawo, ndipo kuti ndiphotonge ŵalakwi cha, chifukwa Ambuya ŵaja mu Zioni.”

ŴaLevi 26:6

Ndikapaskanga chimangu mu charu mwakuti mukaranga pasi kwakufwasa, ndipo paulengevi nanga njumoza wakumofyani. Ndikatuzgangamo vikoko vyakofya mu charu ndipo lipanga kuti likaporotanga mu charu chinu cha.

Mika 4:4

Kweni wakajanga yose musi mumphereska yake ndi musi mwa mkuyu wake, ndipo pakaŵangavi yumoza wakuŵatenthemeska; chifukwa Ambuya ŵa maŵanja akamba viyo.

Mika 4:7

ŵakupunduka ndiŵachitenge kuŵa ŵakujako; ndi ŵakudikiskika kuŵa mtundu wanthazi. Ndipo Ambuya akaŵausanga mu phiri la Zioni kutuwa sono mpaka muyaya.

Mika 7:14

Liskani ŵanthu ŵinu ndi ndodo yinu, mskambu winu wo mwasankha wo uja mu lisuwa mukati mu charu cha minda; muwuleke ukarghenge mu Bashani ndi mu Gileada nge ndi mu mazuŵa gha kali.

Zefaniya 2:7

ŴaYuda ŵakujako ŵaŵenge ndi charu cha mumphepete mu nyanja, kweniko ŵaliskenge vyakuŵeta vyawo, ndipo mu nyumba za Ashikeloni ŵagonenge ndi mazulo. Chifukwa Ambuya Chiuta wawo waŵakumbukenge, ndi kuwezga umampha wawo.

Zefaniya 3:5

Ambuya mukati mwawo mbarunji, kuti achita kaheni cha; mlenji wose arongo cheruzgu chawo, pa matandakucha ghe ghose kuti atondeka cha. Kweni ŵambura urunji ŵalivi soni.

Zekariya 8:12

Pakuti kuŵenge kumija kwa chimangu; mphereska yipasenge vipasi vyake, ndipo nyata yiperekenge kwandana kwake, machanya nagho ghakaperekanga dungwi lake; ndipo nkhachitanga kuti ŵakujako ŵa ŵanthu yaŵa, ŵaŵe ndi vyose ivi.

Zekariya 8:16

vinthu vyo muchitenge ndi ivi: Kambani uneneska munthu yose ku munyake, chitani mu malikomo ghinu vyeruzgu vya uneneska ndi vyakupanga chimangu,

Zekariya 8:3

Viyo atiti Ambuya: Ndawere ku Zioni ndipo ndijenge mukati mu Yerusalemu, ndipo Yerusalemu wakadanikanga msumba wamagomekezgeka, phiri la Ambuya ŵa maŵanja, phiri lakupaturika.

Mateyu 13:41

Mwana wa munthu watumenge ŵangelo ŵake, ndipo ku ufumu wake waunjikenge ndi kutuzga vyose vyakuguŵiska ndi wo mbakuchita uchikana marangu,

Yohane 1:47

Yesu wangumuwona Natanele wachiza kwake, wanguti kwaku iyo, “Awonani, muYisraele nadi, mwaku mweniyo mulive urghargha!”

ŴaKolose 3:9

Mungateterananga cha; pakuti mwazuwa munthu wakali pamoza ndi machitidu ghake,

1 Petro 3:14

Kweni asani mungakomwa pa chifwa cha urunji, mweŵamwaŵi; viyo mungopanga chofyu chawo, ndipo mungatenthemeskeka cha.

1 Yohane 5:18

Tiziŵa kuti yose yo ngwakupapika kwaku Chiuta kuti warutiliya mu kulakwa cha, chifukwa Mwana yo waku Chiuta watimsunga ndipo mheni yo kuti wamkwaska cha.

Chivumbuzi 14:5

Ndipo mu mlomo wawo mwengavi kusanirika utesi, pakuti mbazira kafukwa.

Chivumbuzi 21:27

Kweni kuti kaserenge mwake cha kanthu kose kawaka, chingana ndi yo wachita kaukazuzi pamwenga wakukamba utesi.

Chivumbuzi 21:8

Kweni nge nkhu ŵamantha, ndi ŵazirakuvwana, ndi ŵaunyakazi, ndi ŵambanda ndi ŵareŵi, ndi vyanusi, ndi ŵakusopa-ngoza, ndi ŵatesi wose, chigaŵa chawo nchamu nyanja yo yakukole moto ndi fukunyira yeniyo ndi nyifwa yachiŵi.”