Zefaniya 3:10 - Tonga Bible 1986

¹⁰ Kutuwa ku sirgha kwa misinji yaku Etiopia ŵasopi ŵangu, ŵakundipenja ŵangu ŵa ŵakuparghanika ŵangu ŵazenge ndi mpasku kwangu.

Zefaniya 3:10 Iomraidhean Croise

Sumu 68:31

Ŵamirizi ŵakazanga kutuwa ku Egipiti; ŵaEtiopia ŵakasoskanga manja ghawo mu kuromba kwaku Chiuta.

Yesaya 11:11

Mu zuŵa liya Ambuya akarutirizganga mbwenu janja lawo nyengo yachiŵi, kusaniya wakujapo wa ŵanthu ŵawo, kutuwa ku Asiriya, ku Egipiti, ku Patrosi, ku Etiopia, ku Elami, ku Shinari, ku Hamati, ndi ku vyaru vya mu likumba la nyanja.

Yesaya 11:12

Wakasoskiyanga mbendera pa mitundu, wakaunjikanga pamoza wakutayika waku Yisraele, ndi kuunjika ŵakuparghang'ika ŵaku Yuda kutuwa ku visongo vinayi vya charu chapasi.

Yesaya 18:1

A! Charu chakukung'untha mapapa cho che kusirgha la misinji ya Etiopia;

Yesaya 18:7

Pa nyengo yiya vyaulera vikatolekiyanga ku Ambuya ŵa maŵanja, kutuwa ku ŵanthu ŵatali ndi ŵakoloŵa, ku ŵanthu wo ŵatopeka pafupi ndi kutali, mtundu wanthazi ndi wakuthereska, wo charu chake chikugaŵika ndi misinji, ku phiri Zioni, malo gha zina la Ambuya ŵa maŵanja.

Malaki 1:11

Chifukwa kutuwa ku maturi ghadazi mpaka ku maselero ghake, zina langu ndikuru mukati mu mitundu, ndipo mu malo ghose vipaskika kwaku ine vyakununkhira ndi mipasku yakutowa, chifukwa zina langu ndikuru mukati mu mitundu, atiti Ambuya ŵa maŵanja.

Yohane 7:35

Viyo ŵaYuda ŵangunenerana, “Wakhumba kuya nunkhu uyu, ko ifwe kuti timsaniyenga cha? Kumbi wakhumba kuya ku misumba ya ŵaGriki, mo ŵaYuda ŵaja ndi kusambizga ŵaGriki?

Machitidu gha Ŵakutumika 24:17

Kweni pavuli pa virimika vinandi ndinguza wakupinga vyawezi ndi mipasku ku mtundu wangu.

Machitidu gha Ŵakutumika 8:27

Ndipo wangusoka ndi wanguruta: ndipo, onani, munthurumi waku Etiopia, wamthenu wamazaza waku Kandake, karongakazi wa ŵaEtiopia, yo wenga mlereze pa mbiku yake yose,

ŴaRoma 15:16

kuti ndiŵe ine mumirizi waku Kristu Yesu ku ŵaMitundu, wakuteŵete evangeli waku Chiuta, viyo kuti ŵaMitundu nawo ŵaŵenge mpasku wamarondeka, pakupaturiskikiya ndi Mzimu ŵakupaturika.

1 Petro 1:1

Kalata wakutuwa kwaku Petro wakutumika waku Yesu Kristu, ku ŵalendo ŵakuchariya mu Pontu, Galatia, Kapadokia, Asia ndi Bithunia,