Zefaniya 1:4 - Tonga Bible 1986

⁴ “Ndinyoroskenge janja langu paku Yuda, ndi paku wose ŵakuja mu Yerusalemu, ndituzgengemo wo ŵeche kusopa Bala mu malo yagha, ndi zina la ŵazukuru ŵakusopa ŵangoza;

Zefaniya 1:4 Iomraidhean Croise

2 ŴaKaronga 21:13

Ndipo ndikatambalikanga pa Yerusalemu chingwe chakupimiya cha Samaria, ndi thabwa la kupimiya la nyumba yaku Ahabu, ndipo ndikapuputanga Yerusalemu nge ndimo munthu wapuputiya mbali, kupuputa pavuli wavunika.

2 ŴaKaronga 23:12

Wangubwanganduwa majochero gha pa mitenje ya chipinda cha pachanya chaku Ahazi cho ŵakaronga ŵaku Yuda ŵangupanga, ndi majochero gho wanguzenga Manase mu mabwalo ghaŵi gha nyumba ya Ambuya, wanguwiskiya pasi ndi wanguswa tumana tumana, ndipo wangutaya fuvu lake mu kamsinje ka Kidroni.

2 Mikoka 34:4

Ndipo wangubwanganduliya pasi majochero ghaku Bala paurongo pake, iyo mweneko wanguvipikita vyangoza vyo vyenga pachanya paku gho; wanguswa ndi ŵangoza ŵakusema ndi ŵakusongono, wangupikita tumana tumana ulaka ndi fuvu ndikulimija pachanya pa miunda yaku ŵa ŵavibayiyanga sembe.

Chituwa 15:12

Mungutambaruwa janja linu lakurghiya, ndipo charu chinguŵameza.

Yeremiya 15:6

Wandikana ine, atiti Ambuya, weche kuwerere vuli; viyo ndatambaluriya janja langu paku iwe ndakupasuwa; ndavuka ndi kugowoka-gowoka.

Yeremiya 6:12

Nyumba zawo zikapaskikanga ku ŵanyake, minda yawo ndi ŵawoli ŵawo pamoza; pakuti ndikatambaruwanga janja langu kurwana ndi ŵakuja mu charu cho,” atiti Ambuya.

Ezekiele 25:7

chifukwa cho, ehe, ndanyoroska janja langu pakumikana ndi iwe, ndikakuperekanga ku mitundu nge nchakuskowa, ndipo ndikakundumuwangako ku ŵanthu ndi kukutuzga mu vyaro; ndikakuparghang'anga. Sono ndipo ukaziŵanga kuti ine ndine Ambuya.

Ezekiele 6:14

Ndikatambaluriyanga janja langu paku iwo, charu chikaŵanga phasulu ndi mapopa, mu mauja ghawo ghose, kutuwa ku bozwa mpaka ku Ribla. Penipo ndipo ŵakaziŵanga kuti ine ndine Ambuya.”

Hoseya 10:5

Ŵakuja mu Samaria ŵatenthema chifukwa cha thole laku Betavene. Ŵanthu ŵake ŵamuliriyenge, ndi ŵazukuru ŵake wo ŵasopa ŵangoza ŵamutenjeriyenge, chifukwa cha unkhankhu wake wo watuwapo.

Mika 5:13

ndi nkhapasuwanga vikozgo vyako, ndi mizati yako kutuwa mukati mwako, ndipo kuti ukalambiyanga so cha milimu ya manja ghako.

Zefaniya 2:11

Ambuya aŵenge akofya kwaku iwo; awondeskenge ŵachiuta wose panu pasi, ndipo kwaku iyo ŵangwadiyenge ŵanthu ŵa mitundu yose mu charu chawo ndi chawo.

Zefaniya 2:13

Wanyoroskiyenge janja lake ku nkhonde, ndi kuparghang'a Asiriya; ndipo wachitsenge Nineve kuŵa chipululu ndi chiparantha nge ndi bozwa.