Zefaniya 1:3 - Tonga Bible 1986

³ “Ndimarenge munthu ndi chinyama; ndimarenge viyuni vya mude ndi somba zamu Nyanja. Ndiparghang'enge ŵaheni; nkhatuzgangamo ŵanthu wose mu charu,” atiti Ambuya.

Zefaniya 1:3 Iomraidhean Croise

Chiyambo 6:7

Viyo Ambuya anguti, “Ndisisitenge munthu yo ndalenga kumutuzga mu charu, munthu ndi nyama ndi vyakukwaŵa ndi viyuni vya mude, chifukwa nde wachitima kuti ndinguvichita.”

Yesaya 27:9

Chifukwa cho, paku ichi kulakwa kwaku Yakobe kukapepeskekiyanga, ndipo ichi chikaŵanga chipasi chakufikapo cha kutuzgapo uheni wake: wachichita mya yose ya viguŵa vya sembe nge ndi mya yituŵa yakupereka tumana-tumana, palivi kuti Asherimi pamwenga viguŵa vya vyachema vyo vikajaririyanga kuma.

Yesaya 6:11

Sono ine ndinguti, “Mpaka zuŵanje, Ambuya?” Ndipo iwo anguti: “Mpaka penipo mizi yaŵa mapopa mwambura ŵakujamo, ndi zinyumba zambura ŵanthu, ndipo charu chaŵiya limu uyiku.

Yesaya 6:12

Ambuya atuzgiya ŵanthu kutali ukongwa, ndipo malo ghakulekeka ghaŵa ghanandi mukati mu charu cho.

Yeremiya 12:4

Charu chikatenjenga mpaka zuŵanji, mpaka zuŵanji uteka wamu minda yose ukamiranga? Chifukwa cha mautimbanizi ghaku wo ŵaja mwenimo vinyama ndi viyuni vyakukurwa; chifukwa ŵanthu ŵanguti, “Kuti wakawonanga umari widu cha.”

Yeremiya 50:3

“Pakuti kutuliya ku nkhonde mtundu waza kukwere paku iyo, wo ukachitanga charu chake kuŵa mapopa, ndipo paulengevi yumoza wakuja mwenimo; wose munthu ndi nyama ŵakathaŵanga.

Yeremiya 7:20

Chifukwa cho atiti Ambuya Chiuta; Ehe, kukwiya kwangu ndi ukari wangu vikapungulikiyanga pa malo yagha, pa munthu ndi nyama, pa miti yamu minda ndi chipasi chapa nyata. Vikawochekanga ndipo kuti vikazimwikanga cha.”

Yeremiya 9:10

“Dangani kuliya ndi kwenjerwa chifukwa cha mapiri, tenjeni chifukwa cha mauliska gha mubozwa, chifukwa ghachitika mapopa palivi yo waporotamo, ndipo kubama kwa ng'ombe kuti kuvwika cha; vyose viyuni vya mude ndi nyama za mudondo vyathaŵa kuti viwoneka so cha.

Ezekiele 44:12

Chifukwa ŵanguŵateŵete pa maso pa ŵangoza ŵawo, rekani ŵanguŵa chiguŵisku cha ulakwi ku nyumba yaku Yisraele, pa chifukwa ichi, atiti Ambuya Chiuta, ndarapiya paku iwo kuti ŵakanyamuwanga kulangika kwawo.

Ezekiele 7:19

Ŵapong'a siliva wawo mu ŵagurwi, golide wawo waŵa nge nchinthu cha mwikhu; siliva wawo ndi golide wawo kuti viziŵa kuŵataska cha mu zuŵa la ukari wa Ambuya; kuti ŵaziŵa ku mariska nja yawo pamwenga kugutiska navyo chifu chawo cha. Chifukwa kubende kwawo kwaŵaŵiya chiguŵisku.

Hoseya 14:3

Asiriya kuti watitaskenge cha, kuti tikwerenge pa ŵakavalo cha. Ndipo tinenenge so cha kuti, ‘Chiuta widu,’ ku nchitu ya manja ghidu. Mwaku imwe mranda wasaniya lisungu.”

Hoseya 14:8

Efraimu, kumbi ŵangoza nde nawo ndi nchitu uli? Ndine yo wamuka ndi kukuphwere. Nde nge ndi muti wa mung'ona wakubiliŵira nyengo yose, vipasi vyako vituliya kwaku ine.

Hoseya 4:3

Chifukwa ichi, charu chitenge, ndipo wose wo ŵaja mwaku cho ŵakhuluruka nthazi, ndi so nyama zamu dondo, ndi tuyuni twa mude, chingana ndi somba zamu nyanja nazo zitoreka.

Zekariya 13:2

“Ndipo kukaŵanga pa zuŵa lo, atiti Ambuya ŵa maŵanja, ndituzgengeko mazina gha ŵangoza ku charu; mwakuti ŵakakumbukikanga so cha; ndipo so ndituzgengemo mu charu ŵamchimi, ndi mzimu uheni.

Mateyu 13:41

Mwana wa munthu watumenge ŵangelo ŵake, ndipo ku ufumu wake waunjikenge ndi kutuzga vyose vyakuguŵiska ndi wo mbakuchita uchikana marangu,

Mateyu 23:39

Chifukwa ndikuneniyani, kutuwa ku sono kuti mukawonanga ine so cha, mpaka penipo mwazamunena, ‘Ngwakutumbikika yo watuza mu zina la Ambuya!’ ”

Chivumbuzi 2:14

Kweni nde navyo vyawida kukususka iwe pakuti we nawo kweniko ŵanyake wo ŵakoreska chisambizgu cho chaku Balamu, yo wangusambizga Balaki kupong'a chiguŵisku paurongo pa ŵana ŵaku Yisraele, kurgha vinthu vyakubayikiya vyangoza, ndi kuchita ureŵi.