Zefaniya 1:18 - Tonga Bible 1986

¹⁸ Chingana ndi siliva pamwenga golide wawo kuti viŵenge ndi nthazi cha kuŵataska mu zuŵa la ukari wa Ambuya. Mu moto wa ukari wa sanji yawo, charu chose chifyenge; ndipo amarizgenge ruŵiruŵi wose wo ŵaja mu charu.

Zefaniya 1:18 Iomraidhean Croise

Chiyambo 6:7

Viyo Ambuya anguti, “Ndisisitenge munthu yo ndalenga kumutuzga mu charu, munthu ndi nyama ndi vyakukwaŵa ndi viyuni vya mude, chifukwa nde wachitima kuti ndinguvichita.”

1 ŴaKaronga 14:22

Ndipo ŵaYuda wanguchita cho chenga uheni mu maso gha Ambuya, ndipo anguŵayuskiya kusanji ndi mauheni ghawo, kuruska mauheni ghose gho auskeu wanguchita.

Jobu 21:30

Kuti ŵabendezi ŵataskika muzuŵa la pharghaniko ndikutaskika mu zuŵa la ndewu?

Jobu 3:15

Pamwenga ndi ŵana ŵakaronga wo ŵenga ndi golide, wo ŵanguzaza nyumba zawo ndi siliva.

Sumu 78:58

Wangumukalariska ndi malo ghawo ghaheni gha visopo, ŵangumuchitiska sanji ndi ŵangoza ŵawo.

Sumu 79:5

Mpaka zuŵanji, Ambuya? Mpaka zuŵanji mukakwiyanga nafwe? Kumbi ukari winu ukarutiliyanga kocha nge ndi moto?

Nthanthi 11:4

Mauromba kuti ghatanduwa cha mu zuŵa la ukari, kweni urunji upozomoska ku nyifwa.

Nthanthi 18:11

Uromba wa musambasi ndi msumba wake wakukho, ndipo we uli nchimati chitali chakumuvikiriya.

Yesaya 1:24

Chifukwa cho Ambuya atiti. Ambuya ŵa maŵanja, Wanthazi yo waku Yisraele: “Aha, ndikatuzgangapo ukari wangu pa ŵakupindikana nane, ndi kujitayiya thayu pa ŵarwani ŵangu.

Yesaya 10:17

Ukweru waku Yisraele usandukenge moto, ndipo Mtuŵa wake Yumoza mlipu; ndipo ukawochanga ndi kwananga minga yake ndi kankhande mu zuŵa limoza.

Yesaya 10:3

Mukachitanganje mu zuŵa la chilangu, mu lirondo lo likatuwanga kutali? Nkhwakuyani ko mukachimbiriyanga kusaniya chovyo ndipo usambasi winu ukasiyikanga pani?

Yeremiya 7:20

Chifukwa cho atiti Ambuya Chiuta; Ehe, kukwiya kwangu ndi ukari wangu vikapungulikiyanga pa malo yagha, pa munthu ndi nyama, pa miti yamu minda ndi chipasi chapa nyata. Vikawochekanga ndipo kuti vikazimwikanga cha.”

Yeremiya 7:34

Ndipo ndikakanizganga mu mizi yaku Yuda ndimu miseu ya Yerusalemu, mazu gha kadara ndi mazu ghakukondwa kuti ghakavwikanga cha, mazu ghamweni nthengwa ndi mazu ghamwali wanthengwa; pakuti charu chikasandukanga mapopa.

Yeremiya 9:11

Ndikachitanga Yerusalemu ndundu, ya vyakunangika, mphanji mwakugona ŵakambwe; ndipo ndikayichitanga mizi yaku Yuda kuŵa mapopa, yambura ŵakujamo.”

Ezekiele 16:38

Ndikweruzgenge nge ndimo ŵanthukazi ŵareŵi ndi ŵakudiska ndopa ŵateruzgikiya, ndipo ndikasiskiyanga paku iwe ndopa za ukari ndi sanji.

Ezekiele 23:25

Ndirongozgiyenge kukara kwangu paku iwe, alinga kuti akuchitiye iwe mwa ukari. Ŵakadumuwanga mphunu yako, makutu ghako, ndipo ŵakusiyika, mwaku iwe ŵakawanga ndi lipanga. Ŵakakonga ŵana ŵako ŵanthurumi ndi ŵana ŵako ŵanthukazi, ndipo ŵakusiyika ŵako ŵakapiriyanga mu moto.

Ezekiele 7:11

Nkhaza zakuwa kuŵa nthonga ya uheni; palivi yumoza waku iwo wakajanga, nanga vya uzali wawo, pamwenga usambasi wawo; ndipo kuti wakaŵangako cha wakuŵatenje mukati mwawo.

Ezekiele 7:19

Ŵapong'a siliva wawo mu ŵagurwi, golide wawo waŵa nge nchinthu cha mwikhu; siliva wawo ndi golide wawo kuti viziŵa kuŵataska cha mu zuŵa la ukari wa Ambuya; kuti ŵaziŵa ku mariska nja yawo pamwenga kugutiska navyo chifu chawo cha. Chifukwa kubende kwawo kwaŵaŵiya chiguŵisku.

Ezekiele 7:5

“Viyo atiti Ambuya Chiuta: Soka pa soka! Awonani, lafika.

Zefaniya 1:11

Tenjeni, mwakuja mu misika! Chifukwa ŵamaronda wose ŵakumara; wose wo ŵapima siliva ŵakumara.

Zefaniya 1:15

Zuŵa lo ndi zuŵa la ukari, zuŵa la suzgu, ndi kukweŵeka mtima, zuŵa la phasulu ndi pharghaniko, zuŵa la mdima ndi la munkhorwe, zuŵa la mitambo ndi la mdima bi;

Zefaniya 2:2

mwenga mundadikiskike nge ndi mwere wakuputa, wenga undamuziyeni ukari wa Ambuya, lenga lindakuziyeni zuŵa la ukari wa Ambuya.

Zefaniya 3:8

“Viyo ndilindizgeni,” atiti Ambuya, “mpaka zuŵa lo nkhaŵiyanga nge ndi kaboni. Chifukwa ndaŵika mtima wangu pakuwungang'a mitundu ya ŵanthu, kuwunjika ŵakaronga, kuti ndipunguliye pawo kundundu kangu, chifundizi chose cha ukari wangu; chifukwa mu moto wa kandundu kangu ka sanji charu chose chazamukufya.

Mateyu 16:26

Chifukwa kumovyengenji munthu, asani wanganduwa charu chose, kweni wataye umoyo wake? Pamwenga munthu wapaskenge chine nge ndi maronda gha umoyo wake?

1 ŴaKorinte 10:22

Pamwenga tisosomole Mbuya ku sanji, kumbi? Kumbi te ŵanthazi ifwe kwakuruska iyo?

Marangu 31:17

Sono ndazamukaripiya wo mu zuŵa lenilo, ndipo ndikaŵasiyanga ndikubisa chisku changu kwaku wo, ndipo ŵakaphwanyikanga, ndipo viheni vinandi ndi masuzgu vikazanga paku wo viyo ŵakakambanga mu zuŵa lo, ‘Ivi viheni pakutiziya ifwe, asi nchifukwa chakuti Chiuta widu mulivi mukati mwidu?’