Zefaniya 1:16 - Tonga Bible 1986

¹⁶ zuŵa la chiwawa cha mbata ndi nkhondo yakulimbana ndi misumba ya malinga, ndi vigongwe vitali.

Zefaniya 1:16 Iomraidhean Croise

Yesaya 27:13

Ndipo mu zuŵa liya mbata yikuru yikambikanga, sono wo ŵangusoŵe mu charu cha Asiriya ndi wo wangudikiskikiya ku charu cha Egipiti wakazanga ndi kusopa Ambuya pa phiri lakupaturika mu Yerusalemu.

Yesaya 32:14

Pakuti nyumba ya ufumu yikajowolekanga, msumba wa ŵanthu ŵanandi ŵakawuthaŵanga; mtunthu ndi sonjo waulonda vikaŵanga zimphanji muyaya, likondwa la ŵaboli, malo gha uliska wa vyakuŵeta,

Yesaya 59:10

Tipapaska chimati nge ngwachiburumutiya, tipapaska nge ndiwo ŵalivi maso; tiguŵa ndi msana pakati uli ndi mazulo pa kwafipa; mukati mwaku wo mbanthazi kwakufikapo tituŵa uli mbanthu ŵakufwa.

Yeremiya 6:1

Thaŵiyani kwakubisama, mwa ŵanthu ŵaku Benjamini, kuthaŵa mukati mu Yerusalemu! Mbani mbata mu Tekoa, ndipo soskani chiteskeru pa Betehakeremu; pakuti chiheni chituza kutuliya ku nkhonde ndi pharghaniko likuru.

Yeremiya 8:16

“Kututa kwakukoroma kwa ŵakavalo ŵawo kuvwika kutuwa mu Dani, pakuvwa kuliya kwa ŵakavalo ŵanthurumi charu chose chiyaghayika. Ŵatuza kunanga charu ndi vyose, vyakuzaza mwaku cho, muzi ndi wose ŵakuja mwaku wo.

Ezekiele 7:7

Umari wafika paku imwe, owe mwa ŵakuja mu charu; nyengo yafika, zuŵa le pafupi, zuŵa la chiwawa, kuti nkhamphomezi ka likondwa mu mapiri cha.

Hoseya 5:8

Mbani mbata mu Gibeya, ndi lipenga mu Rama. Kamburani mu Betavene; tenthema, iwe Benjamini.

Hoseya 8:1

Ŵika mbata ku mlomo wako, chifukwa khuŵi le pachanya pa nyumba ya Ambuya, chifukwa ŵaswa phanganu langu, ndi ŵajumpha dangu langu.

Yoele 2:1

Mbani mbata mu Zioni; wawatani mu phiri langu lakupaturika! Wakuja mu charu chose watentheme, chifukwa zuŵa la Ambuya liŵandika, zuŵa lituza.

Amosi 3:6

Kumbi mbata yingambika mumsumba, ndipo ŵanthu ŵangareka kopa? Kumbi chiheni chingaŵamo mu msumba, kwambura kuti chachitika ndi Ambuya?

Habakuku 3:6

Wanguma ndi kupima charu chose chapasi; wangulereska, ndi wangusukung'a mitundu ya ŵanthu; viyo mapiri ghamwaka ghanguparghanika, mapiri ghachijaliye ghangubwanthuka. Nthowa zake zenga nge ndi kale.

Marangu 28:52

Ŵakamuzinganinga mu mizi yinu yose, mpaka malinga ghinu ghakukho gho ghawe pasi mu charu chinu chose; ndipo ŵakamuzingiyaninga mu mizi yinu yose yamu charu chinu, chenicho Ambuya Chiuta winu wakupaskani.

Yoswa 6:20

Viyo ŵanthu ŵangukambura, zimbata zingumbika. Ndipo ŵanthu ŵanguti ŵavwa chizoza cha mbata, ruŵi ŵangukambura ukongwa, ndipo linga linguwa pasi ske-ske-ske, mwakuti ŵanthu ŵangukwere mu msumba, munthu yose po wangurazga maso ghake, ndipo ŵanguto muzi wo.