Zefaniya 1:13 - Tonga Bible 1986

¹³ Vyuma vyawo vikaskowekanga, ndipo nyumba zawo zikapanyukanga. Chingana ŵazenga nyumba kuti ŵajengemo cha, chingana ŵapanda minda ya mphereska kuti ŵamwenge vinyo wawo cha.”

Zefaniya 1:13 Iomraidhean Croise

Yesaya 6:11

Sono ine ndinguti, “Mpaka zuŵanje, Ambuya?” Ndipo iwo anguti: “Mpaka penipo mizi yaŵa mapopa mwambura ŵakujamo, ndi zinyumba zambura ŵanthu, ndipo charu chaŵiya limu uyiku.

Yeremiya 15:13

“Uromba winu ndi mbiku zinu ndikaperekanga kuŵa vyakuskowa, kwambura mtengo, chifukwa cha uheni winu wose, mu charu chinu chose.

Yeremiya 17:3

pa mapiri gha pa charu chikweru. Usambasi winu ndi mbiku zinu zose ndikaperekanga kukuskoŵeka, nge ndi mtengo wa uheni winu mu chigaŵa cha charu chinu chose.

Yeremiya 4:20

Phasulu lindondoloska ndi nthazi pa phasulu, charu chose chapopeskeka. Mahema ghangu ndi saru zangu zakuchinga vyanangika kwamabuchibuchi.

Yeremiya 4:7

Nkharamu yatuwa mu thundu lake, wakupasuwa mitundu wasoka; waruta kutuwa ku malo ghake kwachichita mapopa, charu chinu; mizi yinu yikaŵanga yakubwanganduka, yambura wakujamo.

Yeremiya 5:17

“Ŵazamkurgha vuna yinu ndi kurgha kwinu; ŵazamkurgha ŵana ŵinu ŵanthurumi ndi ŵana ŵinu ŵanthukazi; ŵazamkurgha mberere zinu ndi viŵetu vinu: ŵazamkurgha mphereska zinu ndi miti ya mikuyu; ŵazamubwanganduwa ndi lipanga mizi yinu ya malinga mwaku yo mugomezga.”

Yeremiya 9:11

Ndikachitanga Yerusalemu ndundu, ya vyakunangika, mphanji mwakugona ŵakambwe; ndipo ndikayichitanga mizi yaku Yuda kuŵa mapopa, yambura ŵakujamo.”

Yeremiya 9:19

Pakuti chiwawa cha chitenje chivwika mu Zioni: ‘Tapasuka uheni! Talengeskeka kwakufikapo, chifukwa tasiya charu, pakuti ŵabwanganduliya pasi nyumba zidu.’ ”

Chitenje 5:2

Chihara chidu chang'anamulikiya ku ŵalendo, nyumba zidu ku ŵamwenda nthowa.

Ezekiele 22:31

Chifukwa cho ndapunguliya paku iwo ukari wangu; ndaŵamara ndi moto wa kukara kwangu; nthowa yawo ndayiwezge pa mitu yawo, atiti Ambuya Chiuta.”

Ezekiele 7:19

Ŵapong'a siliva wawo mu ŵagurwi, golide wawo waŵa nge nchinthu cha mwikhu; siliva wawo ndi golide wawo kuti viziŵa kuŵataska cha mu zuŵa la ukari wa Ambuya; kuti ŵaziŵa ku mariska nja yawo pamwenga kugutiska navyo chifu chawo cha. Chifukwa kubende kwawo kwaŵaŵiya chiguŵisku.

Ezekiele 7:21

Ndipo ndikaperekanga nge nchakuliwa mu manja gha ŵalendo, ndi ku ŵaheni ŵa charu cha pasi nge nchakuskoweka; ŵakachikazuzganga.

Ezekiele 7:24

nditonge mitundu yiheni kwakuruska kuti ŵazipoke zinyumba zawo; ndikamariskanga kujikuzga kwawo kwanthazi, ndipo malo ghawo ghatuŵa ghakakazuzgikanga.

Amosi 5:11

Chifukwa nchakuti mukandirizga ŵakavu, ndi kupoka mithulu yawo ya trigu, mwazenga nyumba za mya yakusema; kweni kuti mujengemo cha; mwalima minda ya mphereska yakukondweska; kweni kuti mukamwanga vinyo wake cha.

Mika 3:12

Viyo chifukwa chaku imwe Zioni wakalimikanga nge ndi munda; Yerusalemu wakaŵanga ndundu ya vyakupasuka, ndi phiri la nyumba nge ndi miti yitali mulisuwa.

Mika 6:15

Mukamijanga, kweni mukavunanga cha, mukapuwanga maolivi, kweni kuti mukajitukutizganga ndi mafuta cha; mukapuwanga mphereska, kweni kuti mumwenge vinyo wake cha.

Zefaniya 1:9

Mu zuŵa lo ndirangenge yose yo wajumpha pa khomo, ndi wo ŵazaza nyumba ya mbuyawo ndi nkhaza ndi utesi.”

Marangu 28:30

Mukajariyanga munthukazi, ndipo munthurumi munyake wakagonanga nayo; mukazenganga nyumba kweni kuti mukajangamo cha mwaku yo, mukapandanga munda wa mphereska, kweni kuti vipasi vyake vikaŵanga vinu cha.

Marangu 28:39

Mukapandanga minda ya mphereska ndi kuyirimiriya, kweni kuti mukamwanga cha vinyo wake, nanga nkhupontho vipasi, pakuti vikarghikanga ndi viwungu.

Marangu 28:51

ndipo ukarghanga ŵana ŵa ng'ombe zinu, ndi vipasi vya charu chinu, mpaka penipo mwaparghanika; weniwo kuti ukamusiyaninga kurgha, vinyu, mafuta, mwandanu wa ng'ombe zinu, pamwenga ŵana ŵa mberere zinu cha mpaka penipo wamuparghanani.